ខេត្តសៀមរាប ៖ អ្នកសារព័ត៌មានអនឡាញជើងចាស់វស្សាម្នាក់ ដែលខ្មាន់កាំភ្លើងលួចបាញ់ ប្រហារដោយអាវុធកែច្នៃ១គ្រាប់នោះ ខណៈពេលនេះ បានស្លាប់នៅវេលាម៉ោងជាង២រំលងអធ្រាត្រ ឈានចូលថ្ងៃទី៧ ខែធ្នូ ឆ្នាំ២០២៤…
ខេត្តសៀមរាប ៖ អ្នកសារព័ត៌មានអនឡាញជើងចាស់វស្សាម្នាក់ ដែលខ្មាន់កាំភ្លើងលួចបាញ់ ប្រហារដោយអាវុធកែច្នៃ១គ្រាប់នោះ ខណៈពេលនេះ បានស្លាប់នៅវេលាម៉ោងជាង២រំលងអធ្រាត្រ ឈានចូលថ្ងៃទី៧ ខែធ្នូ ឆ្នាំ២០២៤ បន្ទាប់ពីចេញពីសាលវះកាត់រួច ។ សូមរំលឹកថា៖ អ្នកសារព័ត៌មានវ័យចំណាស់១រូប ត្រូវខ្មាន់កាំភ្លើ.ងលួ.ចបា.ញ់ប្រហារ ខណៈកំពុងយកព័ត៌មាន
បើតាមប្រសាសន៍ពីក្រុមអ្នកយកព័ត៌មានយើងជាង១០នាក់ ដែលបានចុះទៅសួរសុខទុក្ខ ជនរងគ្រោះ នៅព្រឹកថ្ងៃទី៧ ខែធ្នូ ឆ្នាំ២០២៤ នេះ បានរៀបរាប់ថា លោក ពូ ឈ្មោះ ឈឿង ឈឹង ភេទប្រុស អាយុ៦៣ឆ្នាំ មុខរបរអ្នកយកព័ត៌មាន «កម្ពុជាអភិវឌ្ឍន៌» រស់នៅភូមិត្រពាំងភ្លោះ ឃុំពង្រលើ ស្រុកជីក្រែង ខេត្តសៀមរាប ដែលខ្មាន់កាំភ្លើងលួចបាញ់ប្រហារមកលើអ្នកកាសែតកម្ពុជាអភិវឌ្ឍន៍ តាមអនឡាញម្នាក់ បណ្ដាលឱ្យរងរបួសយ៉ាងធ្ងន់ធ្ងរ បញ្ជូនទៅសង្គ្រោះបន្ទាន់ នៅមន្ទីរពេទ្យបង្អែកខេត្តសៀមរាប ខណៈពេលនេះ គាត់បានស្លាប់បាត់បង់ ជីវិតហើយ ។
បើតាមប្រសាសន៍របស់លោកវេជ្ជបណ្ឌិត ប៉ែន ផលគុណ ប្រធានមន្ទីរពេទ្យបង្អែកខេត្តសៀមរាប បានប្រាប់ភ្នាក់ងារកោះសន្តិភាពយើងតាមទូរស័ព្ទនៅវេលាម៉ោងប្រមាណ ៩ និង៥៥នាទីព្រឹក ថ្ងៃទី៧ ខែធ្នូ ឆ្នាំ២០២៤នេះថា ករណីអ្នកជំងឺឈ្មោះ ឈឿង ឈឹង រស់នៅភូមិត្រពាំងភ្លោះ ឃុំពង្រលើ ស្រុកជីក្រែង ដោយសារមូលហេតុ គាត់មានបញ្ហាជំងឺច្រើន ដែលធ្វើឱ្យប៉ះពាល់សេរីរាង្គក្នុងខ្លួន។
លោកវេជ្ជបណ្ឌិតបន្ថែមថា គាត់បានផ្តល់ព័ត៌មានឱ្យអ្នកសារព័ត៌មានអស់ហើយ នៅក្នុងមន្ទីពេទ្យបង្អែកខេត្តសៀមរាបនេះបានត្រឹមប៉ុណ្ណឹង មិនអាចលើសពីហ្នឹងបានទេ នេះជាក្រមសីលធម៌ របស់ពេទ្យ ។
សូមបញ្ជាក់ថា ករណីខ្មាន់កាំភ្លើងលួចបាញ់អ្នកកាសែត កាលពីព្រលប់ថ្ងៃទី៤ ខែធ្នូ ឆ្នាំ ២០២៤ ជាករណីប៉ុនប៉ងឃាតកម្មមួយ ស្ថិតនៅចំណុចដីចម្ការត្រពាំងរាំង ក្នុងភូមិត្រពាំងភ្លោះ ឃុំពង្រលើ ស្រុកជីក្រែង ខេត្តសៀមរាប។
បច្ចុប្បន្ន សពជនរងគ្រោះ ជាអ្នកសារព័ត៌មាន ត្រូវបានសមត្ថកិច្ចជំនាញ ធ្វើការប្រគល់ឱ្យក្រុមគ្រួសារយកទៅធ្វើបុណ្យតាមប្រពៃណីនៅស្រុកកំណើតហើយ នា ព្រឹកថ្ងៃទី៧ ខែធ្នូ ឆ្នាំ ២០២៤ នេះ ។
ចំណែកជនសង្ស័យ ត្រូវបាន ចៅក្រមស៊ើបសួរ នៃសាលាដំបូងខេត្តសៀមរាប សម្រេចឃុំ ខ្លួនហើយ នៅថ្ងៃទី៥ ខែ ធ្នូ ឆ្នាំ២០២៤ នេះ៕ សូមរំលឹកថា ៖ ជនសង្ស័យបញ្ជូនទៅតុលាការដើម្បីផ្តន្ទាទោស លើករណីបា.ញ់អ្នកសារព័ត៌មានម្នាក់
ចែករំលែកព័តមាននេះ