ខេត្តកំពង់ស្ពឺ៖ ក្មេងទំនើងអាយុ១៣ឆ្នាំម្នាក់ក្នុងចំណោមបក្ខពួក០៣នាក់ ត្រូវបានកម្លាំងនគរបាលស្រុកគងពិសីធ្វើការឃាត់ខ្លួនខណៈដែលក្មេងទំនើងខាងលើធ្វើសកម្មភាពបង្ហោះម៉ូតូលើផ្លូវសាធារណៈថតចែកចាយតាមបណ្ដាញសង្គមធ្វើឲ្យប៉ះពាល់ដល់ស្ដាប់ធ្នាប់សាធារណៈ។
ការស្រាវជ្រាវឃាត់ខ្លួនក្មេងទំនើងបានធ្វើឡើងកាលពីព្រឹកថ្ងៃទី២៦ ខែមីនា ឆ្នាំ២០២៦ នៅក្នុងភូមិឯកភាព ឃុំព្រៃវិហារ ស្រុកគងពិសី ខេត្តកំពង់ស្ពឺ។
នគរបាលស្រុកគងពិសីបាននិយាយដឹងថា÷ដោយអនុវត្តតាមបទបញ្ជាដ៏ខ្ពង់ខ្ពស់របស់លោកឧត្តមសេនីយ៍ទោស្នងការដ្ឋាននគរបាលខេត្តកំពង់ស្ពឺ នឹងដឹកនាំកំលាំងដោយលោក អធិការស្រុកគងពិសី បានធ្វើការបង្ក្រាបរាល់ទង្វើររបស់ក្មេងទំនើងគ្រប់មុខសញ្ញា។ កាលពីវេលាម៉ោង០១រសៀលថ្ងៃទី២៤ ខែមីនា ឆ្នាំ២០២៦កន្លងទៅក្រុមក្មេងទំនើងបានធ្វើការបង្ហោះម៉ូតូស្ថិតនៅចំណុចផ្លូវបេតុភូមិបឹងចង្រៀក ឃុំព្រៃវិហារ ស្រុកគងពិសី ខេត្តកំពង់ស្ពឺ។ បន្ទាប់ពីធ្វើការស្រាវជ្រាវ កម្លាំងនគរបាលប៉ុស្តិ៍ព្រៃវិហារ នៃអធិការដ្ឋាននគរបាលស្រុកគងពិសី បានធ្វើការស្រាវជ្រាវហ៊ានទៅឃាត់ខ្លួនក្មេងទំនើងជិះម៉ូតូបង្ហោះម្នាក់មានឈ្មោះសំអូន ចាន់និសា ភេទប្រុស អាយុ១៣ឆ្នាំ រស់នៅក្នុងភូមិឯកភាព ឃុំព្រៃវិហារ ស្រុកគងពិសី ខេត្តកំពង់ស្ពឺ(អ្នកជិះម៉ូតូបង្ហោះ) និងបក្ខពួកពីរនាក់ទៀតរត់គេចខ្លួនរួមមាន÷ ១/ឈ្មោះ ង៉ែត ភេទប្រុស អាយុ ១៥ឆ្នាំ រស់នៅក្នុងភូមិចំកាដូង ឃុំព្រៃវិហារ ស្រុកគងពិសី ខេត្តកំពង់ស្ពឺ (អ្នកជិះក្រោយ) និងទី២/ឈ្មោះជឿន ជំនោ ភេទប្រុស អាយុ១៥ឆ្នាំ រស់នៅក្នុងភូមិឯកភាព ឃុំព្រៃវិហារ ស្រុកគងពិសី ខេត្តកំពង់ស្ពឺ (ជាអ្នកយករូបវីដេអូទៅបង្ហោះនៅក្នុងបណ្ដាញសង្គមហ្វេសបុកឈ្មោះ Nöâ Slöy) ម៉ូតូជិះធ្វើសកម្មភាព បង្ហោះម៉ាកស៊ុយសូគី Let’sព៌ណ ស ស៊េរីឆ្នាំ២០២០ ស្លាកលេខ កំពង់ស្ពឺ 1O- 3729។
នគរបាលស្រុកកងពិសីបានឲ្យដឹងទៀតថាក្រោយ ឃាត់ខ្លួននៅអធិការដ្ឋាននគបាលស្រុកធ្វើការសួរនាំ និងកសាងសំណុំរឿងបញ្ជូនទៅស្នងការរដ្ឋាននគរបាលខេត្តកំពង់ស្ពឺដើម្បីចាប់ការបន្តនិតិវិធី។
ដោយអនុវត្តតាមគោលការណ៍របស់ឯកឧត្តមអភិបាលនៃគណៈអភិបាលខេត្តកំពង់ស្ពឺ÷
-កោសក់ពុះជើងក្អែក ធ្វើពលកម្មតាមដងផ្លូវ
-អប់រំធ្វើកិច្ចសន្យាប្រគល់ជូនអាណាព្យាបាលនិងឪពុកម្តាយយកទៅអប់រំបន្ត
-ចំពោះម៉ូតូត្រូវយកទៅរក្សាទុករយ:ពេល០៣ខែ ឬស្មើនឹង៩០ថ្ងៃ៕
ចែករំលែកព័តមាននេះ