អ្នកជាប់បំណុលធនាគារមានជាង ៥លាននាក់ ជាមួយនឹងសាច់ប្រាក់ជាង ៦២ពាន់លានដុល្លារ
របាយការណ៍ដែលបានចេញ កាលពីថ្ងៃទី២៥ ខែមីនា ឆ្នាំ២០២៦ថា ពេញមួយឆ្នាំ២០២៥ កន្លងទៅ បានបង្ហាញថា ប្រជាជនកម្ពុជាប្រមាណ៥,១៣ លាននាក់ ជាអ្នកជាប់បំណុលស្ថាប័នធនាគារ…
របាយការណ៍ដែលបានចេញ កាលពីថ្ងៃទី២៥ ខែមីនា ឆ្នាំ២០២៦ថា ពេញមួយឆ្នាំ២០២៥ កន្លងទៅ បានបង្ហាញថា ប្រជាជនកម្ពុជាប្រមាណ៥,១៣ លាននាក់ ជាអ្នកជាប់បំណុលស្ថាប័នធនាគារ និងស្ថាប័នហិរញ្ញវត្ថុ សរុប១៩៦ ដែលមានតម្លៃដល់ទៅ៦២,១៣ពាន់លានដុល្លារ។
របាយការណ៍នេះ ចេញផ្សាយដោយការិយាល័យឥណទានកម្ពុជា ។ តួលេខបានបង្ហាញថា ចំនួនអ្នកជាប់បំណុលទាំងនោះបានកើនឡើង១,៧៨ ភាគរយ នេះបើធៀបនឹងអ្នកជាប់បំណុលចាស់ នាឆ្នាំ២០២៤ ត្រឹម៥,០៤ លាននាក់ ខណៈទំហំនៃបំណុលសរុប បានកើនឡើង៥,៣ ភាគរយ ។
រាជធានីភ្នំពេញ ខេត្តកណ្តាល និងខេត្តកំពង់ស្ពឺ ត្រូវបានគេដឹងថា សម្បូរអ្នកជាប់បំណុលធនាគារបំផុតពោល គឺមានចំនួន៦១ ភាគរយនៃសមតុល្យឥណទានសរុប ។
របាយការណ៍បាននិយាយថា បំណុលដែលពលរដ្ឋនៅរាជធានីភ្នំពេញ ជំពាក់ គឺមានទំហំប្រមាណជា៣១,៦៦ ពាន់លានដុល្លារ ស្មើនឹង៥១ ភាគរយនៃសមតុល្យឥណទានជាតិ ដោយមានអ្នកជាប់បំណុលសរុបចំនួន៧២៣.០០០ នាក់ ៕
ចែករំលែកព័តមាននេះ