សង្គ្រាមអ៉ីរ៉ង ៖ ពេលដែលសង្គ្រាមអ៉ីរ៉ង់ចូលដល់ថ្ងៃទី២៧ គ្រោះថ្នាក់នៃសង្គ្រាមនោះកាន់តែធ្ងន់ធ្ងរឡើង ។ ប្រភពយោធាអ៉ីរ៉ងមួយនិយាយថា ក្នុងករណីអាមេរិកវាយលុកតាមជើងគោកចូលអ៉ីរ៉ង់ ប្រទេសនោះ បានគំរាមបើករណសិរ្សថ្មីមួយទៀត ក្នុងច្រកសមុទ្រគន្លឹះមួយទៀតសម្រាប់ការដឹកជញ្ជូនតាមសមុទ្ររបស់ពិភពលោក…
សង្គ្រាមអ៉ីរ៉ង ៖ ពេលដែលសង្គ្រាមអ៉ីរ៉ង់ចូលដល់ថ្ងៃទី២៧ គ្រោះថ្នាក់នៃសង្គ្រាមនោះកាន់តែធ្ងន់ធ្ងរឡើង ។ ប្រភពយោធាអ៉ីរ៉ងមួយនិយាយថា ក្នុងករណីអាមេរិកវាយលុកតាមជើងគោកចូលអ៉ីរ៉ង់ ប្រទេសនោះ បានគំរាមបើករណសិរ្សថ្មីមួយទៀត ក្នុងច្រកសមុទ្រគន្លឹះមួយទៀតសម្រាប់ការដឹកជញ្ជូនតាមសមុទ្ររបស់ពិភពលោក ដែលច្រកសមុទ្រនោះភ្ជាប់សមុទ្រក្រហមទៅឈូងសមុទ្រ
អាដេន។
នោះជាច្រកសមុទ្រភ្ជាប់មកព្រែកជីកស៊ុយអេគឺច្រកសមុទ្រBAB EL MANDEHដែលជាច្រក
សមុទ្រមួយ ក្នុងចំណោមច្រកសមុទ្រយុទ្ធសាស្ត្របំផុតនៃពិភពលោក ហើយអ៉ីរ៉ង់មានឆន្ទៈ និងសមត្ថភាព អនុវត្តការគំរាមរបស់ខ្លួន។ នេះជាការគំរាមទល់នឹងការគំរាម។ អ្នកទទួលខុសត្រូវយោធាអ៉ីរ៉ង់រូបនោះបន្តថា ប្រសិនបើសត្រូវប៉ុនប៉ងធ្វើសកម្មភាពលុកលុយតាមជើងគោក ឬក៏ស្វែងរកធ្វើឲ្យអ៉ីរ៉ង់កាន់តែបង់តម្លៃច្រើនថែមទៀត តាមរយៈការធ្វើសង្គ្រាមជើងទឹកក្នុងឈូង
សមុទ្រពែរ្ស៍ និងសមុទ្រអូម៉ង់ នោះយើងនឹងបើករណសិរ្សថ្មីៗដែលពិតជាគួរឲ្យភ្ញាក់ផ្អើល។
តាមសមុទ្របណ្ដាហេដ្ឋារចនាសម្ព័ន្ធគន្លឹះជាគោលដៅនៃការវាយប្រហារ។ អ៉ីស្រាអែល និងសហរដ្ឋអាមេរិកបានបើកការវាយលុកទ្រង់ទ្រាយធំប្រឆាំងអ៉ីរ៉ង់ពីថ្ងៃទី២៨ កុម្ភៈ មក ដោយសម្លាប់មេដឹកនាំកំពូលអ៉ីរ៉ង់លោកអាយ៉ាតុលាអាលីខាមេនី ហើយដោយបង្កសង្គ្រាមមួយដែលរីករាយដាលដល់តំបន់មជ្ឈឹមបូព៌ាទាំងមូល។ កាលពីយប់ថ្ងៃទី២១ មីនា ប្រធានាធិបតីអាមេរិក លោកដូណាល់ត្រាំ បានដាក់ឱសានវាទមួយដល់អ៉ីរ៉ង់ឲ្យបើកច្រកហ័រមូស ក្នុងរយៈពេល៤៨ម៉ោង បើមិនដូច្នេះទេ អាមេរិកនឹងកម្ទេចមជ្ឈមណ្ឌលអគ្គិសនីអ៉ីរ៉ង់ឲ្យខ្ទេច ។
ចំណែកអ៉ីរ៉ង់បានគំរាមតបវិញ វាយប្រហារបណ្ដាទីតាំងថាមពល និងបណ្ដាទីតាំងចម្រាញ់ទឹក ក្នុងតំបន់ទាំងមូល។ បន្ទាប់មក លោកត្រាំបានប្រកាសពន្យារពេលដល់៥ថ្ងៃឱសានវាទនោះ ហើយលើកពីផែនការបញ្ចប់សង្គ្រាមមាន១៥ចំណុចមួយដែលអ៉ីរ៉ង់បានបដិសេធ ហើយលោកត្រាំគំរាមកម្ទេចអ៉ីរ៉ង់់ឲ្យទៅជាឋាននរក ៕
ចែករំលែកព័តមាននេះ