សហរដ្ឋអាមេរិក ៖ យន្តហោះប្រដេញធុនF-16មួយគ្រឿងរបស់កងទ័ពអាមេរិក បានធ្លាក់ក្នុងរដ្ឋមីជីហ្គេនភាគខាងជើងប្រទេស ដោយអ្នកបើកអាចលោតចេញជាមួយឆ័ត្រយោងដោយជោគជ័យ។ នេះជាការគូសបញ្ជាក់កាលពីថ្ងៃទី១៧ កញ្ញា របស់កងទ័ពអាមេរិក ដោយអះអាងពីព័ត៌មាននេះរបស់បណ្ដាសារព័ត៌មានអាមេរិក ។
យន្តហោះធុន F-16 នេះ របស់កងឆ្មាំអាកាសជាតិរដ្ឋតិចសាស់ នៃកងវរសេនាតូចយន្តហោះប្រដេញលេខ១៤៩ បានធ្លាក់ពេលបំពេញបេសកកម្មហ្វឹកហ្វឺនជាទម្លាប់នៅជិតទីក្រុងTRAVERSE CITY ។ អ្នកបើកបានលោតចេញទាន់ដោយជោគជ័យ ហើយការធ្លាក់យន្តហោះនោះជាកម្មវត្ថុនៃការស៊ើបអង្កេតមួយលើមូលហេតុ។
យោងតាមអាជ្ញាធរមូលដ្ឋានថា មានបទបញ្ជាឲ្យជម្លៀសមនុស្សចេញពីតំបន់យន្តហោះធ្លាក់នេះ ក្នុងរង្វង់១,៦គីឡូម៉ែត្រតែមិនផ្ដល់ភាពលម្អិតថែមទៀតឡើយ។ យន្តហោះនេះក្រោយពីធ្លាក់ត្រូវបានភ្លើងឆេះហ្មត់ ៕
ចែករំលែកព័តមាននេះ