លោក ព្រំ ប៊ុនថន ប្រធានច្រកទ្វារតំបន់បាក់ដៃ បានប្រាប់កាសែតកោះសន្តិភាព ឱ្យដឹងថា «លោកមិនបានយកលុយពីទូកដឹកស្រូវច្រើនៗដូចការលើកឡើងរបស់ក្រុមឈ្មួញនោះទេ តែលោកយកលុយតិចតួចសម្រាប់
ខេត្តតាកែវ ៖ លោក ព្រំ ប៊ុនថន ប្រធានច្រកទ្វារតំបន់បាក់ដៃ បានប្រាប់កាសែតកោះសន្តិភាព ឱ្យដឹងថា «លោកមិនបានយកលុយពីទូកដឹកស្រូវច្រើនៗដូចការលើកឡើងរបស់ក្រុមឈ្មួញនោះទេ តែលោកយកលុយតិចតួចសម្រាប់ថ្លៃបាយនៅក្នុងអង្គភាពរបស់លោកតែប៉ុណ្ណោះ »។
គួររំលឹកថា ក្រោយពីកាសែតកោះសន្តិភាពចេញផ្សាយករណីក្រុមមន្ត្រីច្រកទ្វារតំបន់បាក់ដៃជាន់.កឈ្មួញ លៀ.នអណ្ដាតរាស្ត្រខ្មែររួចមក ស្រាប់តែលោក ព្រំ ប៊ុនថន ប្រធានច្រកទ្វារតំបន់បាក់ដៃ ប្រតិកម្មដាក់អ្នករកស៊ីដែលមាត់ដាចហ៊ានទម្លាយការពិតពាក់ព័ន្ធនៅតំបន់ខាងលើថា «អោយប្រយ័ត្ន ប្រយ័ត្នលែងបានរកស៊ីនៅទីនេះទៀត» គឺគំរា.មខ្លាំងៗឱ្យបិតមាត់។ ខណៈពេលលោក នាង សុខុម ប្រធានការិយាល័យគយ និងរដ្ឋករ និងលោក លឹម ឡេង ទាហានការពារព្រំដែន រក្សាភាពស្ងៀមស្ងាត់ ព្រោះសុទ្ធតែបានជាន់.កឈ្មួញដូចគ្នា ។
យោងតាមប្រភពបានអោយដឹងថា លោក ព្រំ ប៊ុនថន ប្រធានច្រកទ្វារខាងលើ គឺបានប្រើអំណាចគំរា.មដល់អ្នករកស៊ីគ្រប់ប្រភេទ គឺដោយសារតែលោកក្រពុលមុខជាមួយនឹងការបែកធ្លាយសម្លេងពុ.ករលួ.យរឿងយកលុយទូកដឹកស្រូវ ដែលឈ្មួញជាជនជាតិវៀតណាម ចូលមកទិញស្រូវរបស់ពលរដ្ឋខ្មែរ ក្នុងស្រុកអង្គរបុរី។ ហើយមានឈ្មួញខ្មែរអង្វរសុំឱ្យបន្ធូរបន្ថយខ្លះមក តែលោកឆ្លើយតបវិញថា «មានតែយកថ្លៃថែម ព្រោះយកទាបអស់ប៉ុណ្ណឹងហើយ កុំសុំទៀត»។
គួររំលឹកទៀតថា រាជរដ្ឋាភិបាល កំពុងតែយកចិត្តទុកដាក់ទៅលើប្រជាពលរដ្ឋ ជាពិសេសកសិករខ្មែរ ដែលកំពុងផលិតដំណាំស្រូវឱ្យមានតម្លៃនៅលើទីផ្សារ ដើម្បីផ្គត់ផ្គង់ជីវភាពរស់នៅប្រចាំថ្ងៃ ប៉ុន្តែបែរជាអស់លោកមន្ត្រីគ្រាក់ៗ នៅតំបន់ច្រកទ្វារបាក់ដៃ ស្រុកអង្គរបុរី ខេត្តតាកែវ ជាន់.កឈ្មួញ ដកស្លាបរាស្ត្រទៅវិញ ហើយបែរជាប្រកាសលាងខ្លួន ចង់បានស្អាតទៅវិញ ដែលគ្មានព្រះអង្គណាជឿឡើយ។
យោងតាមប្រជាពលរដ្ឋ បានប្រាប់កោះសន្តិភាពឱ្យដឹងដែរថា «ឈ្មួញវៀតណាមបាននាំគ្នាចូលមកទិញស្រូវពលរដ្ឋខ្មែរ នៅស្រុកអង្គរបុរី ខេត្តតាកែវ ហើយដឹកស្រូវតាមទូកឆ្លងកាត់ច្រកទ្វារតំបន់បាក់ដៃ ក៏ត្រូវបានក្រុមមន្ត្រីគ្រាក់ៗ ដែលមានតួនាទីប្រចាំការនៅទីនោះ ទារលុយក្នុង១ទូក ចាប់ពី៣០ម៉ឺនរៀល រហូតដល់៥០ម៉ឺនរៀល ក្នុង១ទូកៗ»។
ពលរដ្ឋបានបង្ហើបឱ្យដឹងទៀតថា «លោក នាង សុខុម ប្រធានការិយាល័យគយ និងរដ្ឋករច្រកទ្វារបាក់ដៃ ក្នុង១ទូក ចាប់ពី១០ម៉ឺនរៀលឡើងទៅ គឺសុំថ្លៃបាយ ចំណែកលោក ព្រំ ប៊ុនថន ប្រធានច្រកទ្វារបាក់ដៃវិញ ក្នុងស្រូវ១ទូក ត្រូវបង់លុយចាប់ពី៣០ម៉ឺនរៀល រហូតដល់៥០ម៉ឺនរៀល បើមិនបង់លុយឱ្យទេ គឺមិនឱ្យក្រុមឈ្មួញចូលទិញស្រូវពលរដ្ឋខ្មែរនោះឡើយ។ នៅមិនទាន់អស់ទេ គឺមានលោក លឹម ឡេង ជាទាហានការពារព្រំដែនគោកវរៈ៣០១ មានតួនាទីជាប្រធានប្រចាំការនៅតំបន់ច្រកទ្វារបាក់ដៃ ក៏សម្បើមដៃទារលុយស្មើនឹងលោក ព្រំ ប៊ុនថន ដែរ បើមិនឱ្យ គឺចាប់ទូកស្រូវទុក ដោយមិនខ្វល់រឿងពលរដ្ឋតវ៉ានោះទេ ដោយគំរា.មថា បើពលរដ្ឋណាហ៊ានតែចេញមុខតវ៉ា គឺចាប់ដាក់ពន្ធនាគារម្ដងមួយៗ»។
ពាក់ព័ន្ធករណីខាងលើនេះ កោះសន្តិភាពមិនអាចសុំបំភ្លឺពីលោក នាង សុខុម ប្រធានច្រកទ្វារតំបន់បាក់ដៃបានទេ ដោយសារគ្មានលេខទូរស័ព្ទ។
ចំណែកលោក ព្រំ ប៊ុនថន ប្រធានច្រកទ្វារតំបន់បាក់ដៃ ត្រូវពលរដ្ឋជាឈ្មួញដែលត.ថ្លៃ បានផ្ញើជាសារសម្លេងមកកាន់កោះសន្តិភាពរួចហើយ តែកោះសន្តិភាពនឹងចាក់សារសម្លេងជាសាធារណៈនៅពេលក្រោយ។ ចំណែកលោក លឹម ឡេង ក៏មានសារសម្លេងគំរា.មយកលុយដូចលោក ព្រំ ប៊ុនថន ដែរ ។ ហើយសារសម្លេងអ្នកទាំង២ខាងលើនេះ កោះសន្តិភាពនឹងចាក់ផ្សាយ ដើម្បីឱ្យថ្នាក់ដឹកនាំគ្រប់ជាន់ថ្នាក់ រួមទាំងពលរដ្ឋដឹងជាសាធារណៈ ព្រោះមន្ត្រីទាំងនេះ តបសម្ដីទៅឈ្មួញដែលសុំចុះថ្លៃថា «មិនអាចចុះថ្លៃបានទេ… មានតែយកថែម»។
កោះសន្តិភាពក៏ទទួលបានព័ត៌មានពីក្រុមឈ្មួញជាជនជាតិវៀតណាមផងដែរ គឺពួកគាត់និយាយថា «ចំពោះក្រុមមន្ត្រីខាងលើ ចង់បានប៉ុន្មាន ក៏ពួកគាត់ឱ្យដែរ តែពួកគាត់ទិញស្រូវបងប្អូនប្រជាពលរដ្ឋខ្មែរ គឺក្នុងតម្លៃថោកមកវិញ (នេះហើយដែលគេហៅថា ជាន់.កឈ្មួញ លៀ.នអណ្តាតរាស្ត្រ)»។
គួររំលឹកថា ៖ ក្រុមមន្ត្រីតំបន់ច្រកទ្វារបាក់ដៃ កំពុងតែជាន់.កឈ្មួញ ។ គួររំលឹកទៀតថា ៖ ក្រោយកោះសន្តិភាពចេញផ្សាយ… មានអ្វីប្លែកទៀតនៅច្រកទ្វារតំបន់បាក់ដៃ (វីដេអូ) ៕
ចែករំលែកព័តមាននេះ