ខេត្តស្វាយរៀង ៖ ករណីគ្រោះថ្នាក់ចរាចរណ៍ ក្លាយជាអំពើហិ.ង្សា ដោយលោកស្នងការរងម្នាក់ គឺលោក ពុធ កយ បានយកខ្នោះដៃទៅដាក់ខ្នោះភាគីអ្នកបើកបររថយន្តម៉ាកហាយឡែនឌ័រ HIGHLANDER…
ខេត្តស្វាយរៀង ៖ ករណីគ្រោះថ្នាក់ចរាចរណ៍ ក្លាយជាអំពើហិ.ង្សា ដោយលោកស្នងការរងម្នាក់ គឺលោក ពុធ កយ បានយកខ្នោះដៃទៅដាក់ខ្នោះភាគីអ្នកបើកបររថយន្តម៉ាកហាយឡែនឌ័រ HIGHLANDER បង្កឲ្យមានការវែកញែកដ៏ចម្រូងចម្រាសតាមបណ្តាញសង្គមហ្វេសប៊ុក និងសារព័ត៌មាននោះ បានសម្របសម្រួលបញ្ចប់រឿងហើយ កាលពីរសៀលថ្ងៃទី៧ ខែឧសភា ឆ្នាំ២០២៥ ដោយសមត្ថកិច្ចដោះស្រាយចប់ហើយ ប្រគល់រថយន្តជូនភាគីទាំងពីរ យកទៅជួសជុលប្រើប្រាស់រៀងៗខ្លួន ។
សូមរំលឹកថា មានករណីគ្រោះថ្នាក់ចរាចរណ៍មួយ កើតឡើងរវាងរថយន្តម៉ាក HighLander និងរថយន្តម៉ាក Mazda កាលពីវេលាម៉ោង០៧និង៤០នាទីយប់ថ្ងៃទី០៤ ខែឧសភា ឆ្នាំ២០២៥ ត្រង់ចំណុចភូមិកំពោតប្រស់ សង្កាត់ច្រកម្ទេស ក្រុងបាវិត ខេត្តស្វាយរៀង ហើយត្រូវភាគីបើករថយន្ត MAZDA ដែលគេស្គាល់ថា ឈ្មោះ កយ មានឋានៈជាស្នងការរង បានចាប់អ្នកបើកបររថយន្តហាយឡែនឌ័រ វាយខ្នោះដៃ ស្លាបសេកទៅក្រោយ ហើយត្រូវបានរថយន្តផ្សេងទៀត មករំដោះយកទៅ បង្កឲ្យមានការភ្ញាក់ផ្អើលដល់មហាជន រហូតត្រូវបណ្តាញសារព័ត៌មានចុះផ្សាយព្រោងព្រាត និងដោយមានការវែកញែក យកត្រូវរៀងៗខ្លួននោះ ទីបំផុតទៅ ត្រូវបានសមត្ថកិច្ចបានការសម្របសម្រួលដោះស្រាយចប់សព្វគ្រប់ហើយ ដោយសមត្ថកិច្ចបានប្រគល់រថយន្ត ជូនភាគីទាំង០២ យករថយន្តទៅជួសជុលប្រើប្រាស់វិញរៀងៗខ្លួន ៕
ចែករំលែកព័តមាននេះ