រាជរដ្ឋាភិបាល កំពុងតែយកចិត្តទុកដាក់ទៅលើប្រជាពលរដ្ឋ ជាពិសេសកសិករខ្មែរដែលកំពុងផលិតដំណាំស្រូវអោយមានតម្លៃនៅលើទីផ្សារ ដើម្បីផ្គត់ផ្គង់ជីវភាពរស់នៅប្រចាំថ្ងៃ ប៉ុន្តែបែរជាអស់លោកមន្ត្រីគ្រាក់ៗនៅតំបន់ច្រកទ្វារបា.ក់
ខេត្តតាកែវ ៖ រាជរដ្ឋាភិបាល កំពុងតែយកចិត្តទុកដាក់ទៅលើប្រជាពលរដ្ឋ ជាពិសេសកសិករខ្មែរដែលកំពុងផលិតដំណាំស្រូវអោយមានតម្លៃនៅលើទីផ្សារ ដើម្បីផ្គត់ផ្គង់ជីវភាពរស់នៅប្រចាំថ្ងៃ ប៉ុន្តែបែរជាអស់លោកមន្ត្រីគ្រាក់ៗនៅតំបន់ច្រកទ្វារបា.ក់ ស្រុកអង្គរបុរី ខេត្តតាកែវ ជាន់.កឈ្មួញ និងដកស្លាបរាស្ត្រទៅវិញ។
យោងតាមប្រជាពលរដ្ឋ បានប្រាប់ឱ្យកោះសន្តិភាពដឹងថា ឈ្មួញវៀតណាម បាននាំគ្នាចូលមកទិញស្រូវរបស់ពលរដ្ឋខ្មែរនៅស្រុកអង្គរបុរី ខេត្តតាកែវ ហើយដឹកស្រូវតាមទូកឆ្លងកាត់ច្រកទ្វារតំបន់បាក់ដៃ ស្រាប់តែត្រូវក្រុមមន្ត្រីគ្រាក់ដែលមានតួនាទីប្រចាំការនៅទីនោះ ទារលុយក្នុង១ទូកតម្លៃចាប់ពី៣០ម៉ឺនរៀល រហូតដល់៥០ម៉ឺនរៀល ក្នុង១ទូកៗទៅវិញ។
ពលរដ្ឋបានបង្ហើបអោយដឹងទៀតថា លោក នាង សុខុម ប្រធានការិយាល័យគយ និងរដ្ឋាករច្រកទ្វារបាក់ដៃ យកក្នុង១ទូកចាប់ពី១០ម៉ឺនឡើងទៅ គឺសុំថ្លៃបាយ ចំណែកលោក ព្រំ ប៊ុនថន ប្រធានច្រកទ្វារបាក់ដៃ យកលុយដោយក្នុងស្រូវ១ទូក ត្រូវបង់លុយចាប់ពី៣០ម៉ឺនរហូតដល់៥០ម៉ឺនរៀល បើមិនបង់លុយអោយទេ គឺមិនអោយក្រុមឈ្មួញចូលទិញស្រូវរបស់ពលរដ្ឋខ្មែរនោះទេ។
ពលរដ្ឋបង្ហើបទៀតថា នៅមិនទាន់អស់ទេ មានលោក លឹម ឡេង ជាទាហានការពារព្រំដែនគោគវរៈ៣០១ ដែលមានតួនាទីជាប្រធានប្រចាំការនៅតំបន់ច្រកទ្វារបាក់ដៃ ក៏សម្បើមដៃទារលុយស្មើនឹងលោក ព្រំ ប៊ុនថន ដែរ បើមិនអោយ គឺចាប់ទូកស្រូវទុក ដោយមិនខ្វល់រឿងពលរដ្ឋតវ៉ានោះទេ បើពលរដ្ឋហ៊ានតែចេញតវ៉ា គឺចាប់ដាក់ពន្ធនាគារម្ដងមួយៗ។
ពាក់ពន្ធ័ករណីខាងលើនេះ កោះសន្តិភាពមិនអាចសុំបំភ្លឺពីលោក នាង សុខុម ប្រធានច្រកទ្វារតំបន់បាក់ដៃបានទេ ដោយសារគ្មានលេខទូរស័ព្ទ ។
ចំណែកលោក ព្រំ ប៊ុនថន ប្រធានច្រកទ្វារតំបន់បាក់ ត្រូវបានពលរដ្ឋផ្ញើជាសម្លេងមកកាន់កោះសន្តិភាពរួចហើយ ប៉ុន្តែកោះសន្តិភាពនឹងចាក់សារសម្លែងជាសាធារណៈនៅពេលក្រោយ។ ចំណែកលោក លឹម ឡេង ក៏មានសារសម្លេងគំរា.មយកលុយដូចលោក ព្រំ ប៊ុនថន ដែរ ប៉ុន្តែសារសម្លេងអ្នកទាំង២ខាងលើនេះ កោះសន្តិភាពនឹងចាក់ផ្សាយ ដើម្បីអោយថ្នាក់ដឹកនាំគ្រប់ជាន់ថ្នាក់ រួមទាំងពលរដ្ឋបានដឹងជាសាធារណៈ។
កោះសន្តិភាពក៏ទទួលបានព័ត៌មានពីក្រុមឈ្មួញដែលជាជនជាតិវៀតណាមផងដែរ គឺពួកគាត់និយាយថា ចំពោះក្រុមមន្ត្រីខាងលើ ចង់បានប៉ុន្មាន ក៏ពួកគាត់អោយដែរ ប៉ុន្តែពួកគាត់ទិញស្រូវបងប្អូនប្រជាពលរដ្ឋខ្មែរ គឺក្នុងតម្លៃថោក (នេះហើយដែលគេហៅថា ជាន់.កឈ្មួញលៀនអណ្តាតរាស្ត្រ)។
ចែករំលែកព័តមាននេះ