ខេត្តកណ្ដាល ៖ ជនសង្ស័យម្នាក់ កំពុងតែអង្គុយលើម៉ូតូ លក់ថ្នាំញៀនក្នុងចំការស្វាយ ចំថ្ងៃស៊យជួបសមត្ថកិច្ចកំពុងជិះល្បាត ត្រូវឃាត់សួរនាំ និងឆែកឆេររកឃើញថ្នាំញៀនចំនួន៣១កញ្ចប់ធំតូច ។ ករណីឃាត់ខ្លួននេះដែរ…
ខេត្តកណ្ដាល ៖ ជនសង្ស័យម្នាក់ កំពុងតែអង្គុយលើម៉ូតូ លក់ថ្នាំញៀនក្នុងចំការស្វាយ ចំថ្ងៃស៊យជួបសមត្ថកិច្ចកំពុងជិះល្បាត ត្រូវឃាត់សួរនាំ និងឆែកឆេររកឃើញថ្នាំញៀនចំនួន៣១កញ្ចប់ធំតូច ។
ករណីឃាត់ខ្លួននេះដែរ ធ្វើឡើងនៅវេលាម៉ោង១០និង១០នាទីព្រឹកថ្ងៃទី០៨ ខែឧសភា ឆ្នាំ២០២៥នេះ ស្ថិតនៅចំណុចចំការស្វាយ ឃុំតាលន់ ស្រុកស្អាង ខេត្តកណ្តាល ។
សមត្ថកិច្ច បានឱ្យដឹងថា ជនសង្ស័យមានឈ្មោះ ប៉ូ ស៊ីម៉ុន ភេទប្រុស អាយុ ៤៥ឆ្នាំ មុខរបរមិនពិត មានទីលំនៅភូមិតាលន់ ឃុំតាលន់ ស្រុកស្អាង ខេត្តកណ្តាល (វិជ្ជាមាននូវសារធាតុញៀនក្នុងទឹកនោម) ។
ក្នុងនោះសមត្ថកិច្ចដកហូតបានវត្ថុតាង រួមមាន ៖
-ម្សៅក្រាម ពណ៍ស ថ្លាសង្ស័យសារធាតុញៀន (ម៉ាទឹកកក) ចំនួន៣១កញ្ចប់ (តូចចំនួន៣០កញ្ចប់, ធំមធ្យមចំនួន០១កញ្ចប់) ទម្ងន់សរុប ១៦,១៤ក្រាម ។
-ទូរសព្ទដៃ ម៉ាក VIVO ពណ៌ខៀវ ចំនួន០១គ្រឿង ។
សូមបញ្ជាក់ថា មុននឹងឈានដល់ការបង្ក្រាបនេះ កម្លាំងប៉ុស្តិ៍នគរបាលរដ្ឋបាលតាលន់ សហការណ៍ជាមួយកម្លាំងប្រជាការពារ បានចុះល្បាតក្នុងមូលដ្ឋាន ដើម្បីរក្សាសន្តិសុខសុវត្ថិភាពជូនប្រជាពលរដ្ឋ លុះចំណុចកើតហេតុខាងលើ ក៏បានជួបប្រទះជនសង្ស័យឈ្មោះ ប៉ូ ស៊ីម៉ុន កំពុងតែអង្គុយលើ ម៉ូតូក្នុងចំការស្វាយ ដោយមានការសង្ស័យកម្លាំងរបស់យើងបានឃាត់សួរនាំ និង ឆែកឆេររកឃើញថ្នាំញៀន ចំនួន៣១កញ្ចប់ ទើបឃាត់ខ្លួនជនសង្ស័យ រួមជាមួយវត្ថុតាង នាំមកកាន់ប៉ុស្តិ៍នគរបាលរដ្ឋាបាលតាលន់ ដើម្បីសាកសួរ ។
ដោយនៅចំពោះមុខសមត្ថកិច្ច ជនសង្ស័យឈ្មោះ ប៉ូ ស៊ីម៉ុន ឆ្លើយសារភាពថា ថ្នាំញៀន ដែលសមត្ថកិច្ចរកឃើញនេះ ពិតជារបស់ខ្លួនពិតប្រាកដមែន ដោយបានទិញពីបុរសម្នាក់ មិនស្គាល់ឈ្មោះនៅក្រុងតាខ្មៅ តាមរយៈលេខទូរសព្ទ ក្នុងតម្លៃ៣០០,០០០រៀល ទៅ៤០០,០០០រៀល រួចយកមកបំបែកច្រកថង់តូចៗ លក់ក្នុងតម្លៃចាប់ពី១៥,០០០រៀល ទៅ ២០,០០០រៀល ។
បច្ចុប្បន្ន ជនសង្ស័យរួមជាមួយវត្ថុតាង ត្រូវបានកម្លាំងសមត្ថកិច្ចជំនាញស្រុកស្អាង កំពុងកសាងសំណុំបញ្ចូនទៅកាន់តុលាការ ចាត់ការតាមនីតិវិធីច្បាប់ ៕
ចែករំលែកព័តមាននេះ