សូមប្រុងប្រយ័ត្ន ! អាកាសធាតុអាចចុះដល់ ១៤អង្សាសេ នៅតំបន់ខ្ពង់រាប
ក្រសួងធនធានទឹក និងឧតុនិយម បានប្រកាស នៅថ្ងៃទី០៦ ខែមករា ឆ្នាំ២០២៦ថា ចាប់ពីថ្ងៃស្អែក ដល់ ថ្ងៃទី ១៥…
ក្រសួងធនធានទឹក និងឧតុនិយម បានប្រកាស នៅថ្ងៃទី០៦ ខែមករា ឆ្នាំ២០២៦ថា ចាប់ពីថ្ងៃស្អែក ដល់ ថ្ងៃទី ១៥ ខាងមុខនេះសីតុណ្ហភាពនៅកម្ពុជាតំបន់ខ្លះអាចត្រជាក់មែនទែន គឺធ្លាក់ដល់១៤អង្សាសេ។
ប្រភពដដែលបានអះអាងថា នៅតំបន់ខ្ពង់រាប ដែលមានដូចជាឧត្តរមានជ័យ ប៉ៃលិន ព្រះវិហា ក្រចេះ រតនៈគីរី មណ្ឌលគីរី កំពង់ស្ពឺ ស្ទឹងត្រែង ជួរភ្នំក្រវាញ និងជួរភ្នំបូកគោ គឺសីតុណ្ហភាពអាចធ្លាក់ដល់ ១៤អង្សាសេរ ហើយក្តៅបំផុត គឺត្រឹម២៨ អង្សាសេ ។
ដោយឡែកតំបន់ វាលទំនាបសីតុណ្ហភាពនៅក្នុងរង្វង់១៧ ទៅ៣០ អង្សាសេ ហើយតំបន់មាត់សមុទ្រវិញគឺនៅក្នុងរង្វង់ពី១៩ ទៅ៣០ អង្សាសេ ។
ប្រភពដដែលបានអះអាងថា សីតុណ្ហភាពត្រជាក់អាចនឹងកើតមាននៅពេលយប់ និងពេកព្រឹក ហើយក៏អាចនឹងមានខ្យល់កន្ត្រាក់ដែរ។
ប្រភពដដែលបានលើកទឹកចិត្តឲ្យពលរដ្ឋថែរក្សាសុខភាពផ្ទាល់ខ្លួន ដើម្បីបញ្ជៀសបញ្ហាផ្សេងៗ ៕
ចែករំលែកព័តមាននេះ