រុស្ស៊ីប្រកាសត្រៀមខ្លួនរួចជាស្រេចដើម្បីចូលរួមចំណែកដោះស្រាយសង្គ្រាមអ៊ីរ៉ង់
ទីក្រុងម៉ូស្គូ៖ ប្រទេសរុស្ស៊ីត្រៀមខ្លួនរួចហើយដើម្បីចូលរួមចំណែកដោះស្រាយជម្លោះអ៊ីរ៉ង់ខណៈដែលលោកពូទីនកំពុងពិភាក្សាជាមួយបណ្ដាថ្នាក់ដឹកនាំនៅក្នុងតំបន់។ នេះបើយោងតាមអ្នកនាំពាក្យវិមានក្រឹមឡាំង លោកប៉េស្កូស។ លោកថ្លែងថាលោកពូទីនបន្តទំនាក់ទំនងជាមួយភាគីពាក់ព័ន្ធទាំងអស់។ ប្រសិនបើមានការចាំបាច់ យើងនឹងចូលខ្លួនទៅជួយដោះស្រាយបញ្ហានេះដើម្បីកែសម្រួលស្ថានការណ៍ពីសង្គ្រាមទៅជាសន្តិភាពឱ្យបានឆាប់រហ័សតាមដែលអាចធ្វើទៅបាន។ លោកថ្លែងដូច្នេះដើម្បីឆ្លើយតបទៅអ្នកសារព័ត៌មានដែលស្នើសុំឱ្យលោកធ្វើអត្ថាធិប្បាយបន្ទាប់ពីលោកដូណាល់ត្រាំថ្លែងសុន្ទរកថាទៅកាន់ជនរួមជាតិកាលពីយប់មិញពាក់ព័ន្ធនឹងសង្គ្រាមអ៊ីរ៉ង់ និងបន្ទាប់ពីលោកប្រកាសថាអាមេរិកកំពុងពិចារណាមែនទែនហើយថានឹងដកខ្លួនចេញពីអង្គការណាតូ។ លោកត្រាំថាណាតូមិនបានចូលរួមចំណែកទាល់តែសោះដើម្បីជួយអាមេរិកនៅក្នុងសង្គ្រាមនេះ។…
ចែករំលែកព័តមាននេះ