ADផ្ទាំងផ្សព្វផ្សាយពាណិជ្ជកម្ម

Picture

សមត្ថកិច្ច​សំណូមពរ​ឱ្យឈ្មោះ កង តារា​វិ​ឆៃ ប្រគល់​​ខ្លួន​និង​អា​វុ​.​ធ មុន​ពេល​ចាប់ខ្លួន

7 ខែ មុន
  • កំពង់ស្ពឺ

សមត្ថកិច្ច​ដែល​ចុះ​ប្រតិបត្តិការ​ក្នុង​ករណី​បា​.​ញ់​បោះ​សេរី​នៅ​លើ​ខ្នងភ្នំ​គី​រី​រម្យ​បង្ក​ភាព​អសន្តិសុខ​នៅ​ក្នុង​សង្គម របស់​ក្រុម​មន្ត្រី​ដែល​មាន​ចរិត​អំនួត​ក្អេងក្អាង រួច​គិត​ថា «​គ្មាន​អ្នក​ណា​ធ្វើ​អ្វី​ខ្លួន​បាន​នោះ​» ពេល​នេះ​មាន​អ្នកខ្លះ​បាន​ចូលខ្លួន​សារភាព​ហើយ ចំណែកឯ​មួយ​ចំនួន​ទៀត

ខេត្តកំពង់ស្ពឺ ៖ សមត្ថកិច្ច​ដែល​ចុះ​ប្រតិបត្តិការ​ក្នុង​ករណី​បា​.​ញ់​បោះ​សេរី​នៅ​លើ​ខ្នងភ្នំ​គី​រី​រម្យ​បង្ក​ភាព​អសន្តិសុខ​នៅ​ក្នុង​សង្គម របស់​ក្រុម​មន្ត្រី​ដែល​មាន​ចរិត​អំនួត​ក្អេងក្អាង រួច​គិត​ថា «​គ្មាន​អ្នក​ណា​ធ្វើ​អ្វី​ខ្លួន​បាន​នោះ​» ពេល​នេះ​មាន​អ្នកខ្លះ​បាន​ចូលខ្លួន​សារភាព​ហើយ ចំណែកឯ​មួយ​ចំនួន​ទៀត​ដែល​រត់គេច​ខ្លួន ក៏​ត្រូវ​បាន​សមត្ថកិច្ច​ធ្វើការ​អំពាវនាវ​ឱ្យ​ចូលខ្លួន​មក​សារភាព​មុន​ពេល​ដែល​សុំ​ដីកា​បញ្ជា​ឱ្យ​ចូលខ្លួន​។

សមត្ថកិច្ច​បាន​ធ្វើការ​ស្រាវជ្រាវ​ឃាត់ខ្លួន​បុគ្គល​ពាក់ព័ន្ធ​ករណី​ផ្ទុះ​អា​វុ​.​ធ​កាលពី​ថៃ្ង​១១ ខែវិច្ឆិកា ឆ្នាំ​២០២៣ នៅ​ចំណុច​ភូមិ​ថ្មី (​ចម្ការ​តែ​) ស្ថិត​ក្នុង​ឃុំ​ចំបក់ ស្រុក​ភ្នំស្រួច ខេត្ដកំពង់ស្ពឺ​។ ក្រោយ​មាន​ហេតុ​ការណ៍​បា​.​ញ់​បោះ​សេរី​នៅ​លើ​ភ្នំ​គី​រី​រម្យ កាលពី​ថៃ្ង​ទី​១១ ខែវិច្ឆិកា ឆ្នាំ​២០២៣ បង្ក​ឱ្យ​មានការ​ភ្ញាក់ផ្អើល​ដល់​ប្រជាពលរដ្ឋ និង​ភ្ញៀវ​ទេសចរ​ដែល​ទៅ​លេង​កម្សាន្ដ​នៅ​រមណីយដ្ឋាន ឧទ្យាន​ជាតិ​ព្រះ​សុរា​ម្រិ​ត​កុសុមៈ​នារីរ័ត្ន​គី​រី​រម្យ​។

ការ​អនុវត្ដ​តាម​បទបញ្ជា​ដ៏​ម៉ឺងម៉ាត់ នេះ ឯកឧត្ដម​នាយ​ឧត្ដមសេនីយ៍ អគ្គស្នងការ នគរបាល​ជាតិ ឯកឧត្ដម​អភិបាលខេត្ដ​កំពង់ស្ពឺ និង​មានការ​ចង្អុល​ណែនាំ​ពី​លោកស្នងការ​នគរបាល​ខេត្ដកំពង់ស្ពឺ ឯកឧត្តម ស៊ិ​ន វី​រៈ ព្រះរាជអាជ្ញា​នៃ​អយ្យការ​អម​សាលាដំបូង​ខេត្ដកំពង់ស្ពឺ កម្លាំង​ជំនាញ​នៃ​ស្នងការ​ដ្ឋាន នគរបាល​ខេត្ដ ដឹកនាំ​ដោយ​ឧត្ដមសេនីយ៍ត្រី ញ៉ែ​ម សៅ ស្នងការ​រង​នគរបាល​ខេត្ត និង​មាន​កិច្ច​សម្របសម្រួល​នីតិវិធី​ពី​លោក​ទិន សុចិ​ត្រា ព្រះរាជអាជ្ញា​រង ជំនាញ បាន​បើក​ការ​ស៊ើប​ស្រាវជ្រាវ​ស្វែងរក​បុគ្គល​ពាក់ព័ន្ធ​ក្នុង​ករណី​បា​.​ញ់​បោះ​សេរី (​ផ្ទុះ​អា​វុ​.​ធ​វែង និង​ខ្លី​ជាង​២០០​គ្រា​.​ប់​) កាលពី​រសៀល​​ថៃ្ង​ទី​១១ ខែវិច្ឆិកា ឆ្នាំ​២០២៣​។

ជាក់ស្ដែង​ក្នុង​ប្រតិបត្តិការ​ខាងលើ​នេះ សមត្ថកិច្ច​នគរបាល​បាន​កំណត់​មុខសញ្ញា​ពាក់ព័ន្ធ និង​បាន​ស្នើ​សុំ​ដីកា​បញ្ជា​ឲ្យ​ចូលខ្លួន​លើ​បុគ្គល​ឈ្មោះ កង តារា​វិ​ឆៃ ភេទ​ប្រុស អាយុ​ប្រហែល​៣០​ឆ្នាំ ជា​ម្ចាស់ផ្ទះ​ដីចម្ការ និង​ជា​អ្នក​បា​.​ញ់​បោះ​សេរី ព្រមទាំង​បក្សពួក​។

ហើយ​នៅ​ថៃ្ង​ទី​១៣ ខែវិច្ឆិកា ឆ្នាំ​២០២៣ បក្សពួក​ក្នុង​ចំណោម​អ្នក​ដែល​បាន​ចូលរួម​ក្នុង​សកម្មភាព​ខាងលើ គឺ​មាន​៤​នាក់​បាន​ចេញ​មុខ​សារភាព​នៅ​ចំពោះ​មុខ​សមត្ថកិច្ច និង​ប្រគល់​វត្ថុ​តាង​អា​វុ​.​ធ​ខ្លី​គ្រប់​ម៉ាក​ចំនួន​០៣​ដើម និង​សហការ​ផ្ដល់​ព័ត៌មាន​អំពី​អ្នក​ពាក់ព័ន្ធ​ផ្សេង​ទៀត​ជូន​សមត្ថកិច្ច​ផង​ដែរ ។

មហាជន​រង់ចាំ​មើល​ថា គ្រា​.​ប់​សម្បក​កាំ​ភ្លើ​.​ង M16 ចំនួន​៣៦​គ្រា​.​ប់ និង​សម្បក​គ្រា​.​ប់​កាំ​ភ្លើ​.​ង AK ចំនួន​៥៥​គ្រា​.​ប់ ដែល​នៅ​ក្នុង​របាយការណ៍​របស់​សមត្ថកិច្ច​នោះ តើ​នគរបាល​អាច​ធ្វើការ​ស្រាវជ្រាវ​ស្វែងរក​អ្នក​បា​.​ញ់​ឃើញ​ដែរ​ឬទេ?​។ ហើយ​មួយវិញទៀត តើ​អ្នក​ណា​ជា​អ្នក​បា​.​ញ់ ហើយ​បន្សល់​ទុក​សម្បក​​គ្រា​.​ប់​នៅ​កន្លែងផ្ទះ​កើតហេតុ? តើ​សមត្ថកិច្ច​ស្រាវជ្រាវ​រក​អ្នក​បា​.​ញ់​ពិតប្រាកដ ដើម្បី​យក​មក​ផ្តន្ទាទោស​បាន​ដែរ​ឬទេ?​។

ជា​ចុង​ក្រោយ សមត្ថកិច្ច​នគរបាល​សំណូមពរ​ដល់​បុគ្គល​ពាក់ព័ន្ធ ជា​ពិសេស​ឈ្មោះ កង តារា​វិ​ឆៃ សូម​ប្រគល់​ខ្លួន និង​អា​វុ​.​ធ​ជូន​សមត្ថកិច្ច មុន​ពេល​មាន​ចំណាត់ការ​ចាប់ខ្លួន​។ ហើយ​បច្ចុប្បន្ន បុគ្គល​ទាំង​៤​នាក់​ដែល​ចូលខ្លួន​សារភាព​នោះ ត្រូវ​បាន​បញ្ជូន​ទៅ​កាន់​អយ្យការ​អម​សាលាដំបូង​ខេត្ដកំពង់ស្ពឺ ដើម្បី​ចំណាត់ការ​តាម​នីតិវិធី​នៃ​ច្បាប់​បន្ដ​ហើយ​។

គួរ​រំលឹក​ថារក​ឃើញ​សម្បក​គ្រាប់​ជាង​២០០​ក្នុងផ្ទះ​មន្ត្រី​យោធា​ម្នាក់ ក្រោយ​បា​.​ញ់​បោះ​កក្រើក​ខ្នងភ្នំ​គី​រី​រម្យគួរ​រំលឹក​បន្ត​ថានុះ​! ខ្មា​.​ន់​កាំ​ភ្លើ​.​ង​បា​.​ញ់​រះ​នៅផ្ទះ​មន្ត្រី​យោធា​មិន​រួចខ្លួន​ទេ លោក​អភិ​បាល​ខេត្ត​ចេញ​បញ្ជា​ហើយគួរ​រំលឹក​ទៀត​ថាមនុស្ស​៤​នាក់​ចូលខ្លួន​ទៅ​សារភាព​ក្នុង​ករណី​បា​.​ញ់​បោះ​សេរី​ជាង​២០០​គ្រាប់​លើ​ភ្នំ​គិរី​រម្យ

អត្ថបទសរសេរ ដោយ

កែសម្រួលដោយ