រាជធានីភ្នំពេញ ៖ លោកឧកញ៉ា ហ៊ី គឹមហុង អគ្គនាយកក្រុមហ៊ុនពិភពដីមាស រួមទាំងកងអង្គរក្សចំនួន១៣នាក់ ត្រូវបានកម្លាំងនគរបាលព្រហ្មទណ្ឌកម្រិតស្រាល នៃស្នងការនគរបាលរាជធានីភ្នំពេញ ឃាត់ខ្លួននៅវេលារសៀលថ្ងៃទី០៧…
រាជធានីភ្នំពេញ ៖ លោកឧកញ៉ា ហ៊ី គឹមហុង អគ្គនាយកក្រុមហ៊ុនពិភពដីមាស រួមទាំងកងអង្គរក្សចំនួន១៣នាក់ ត្រូវបានកម្លាំងនគរបាលព្រហ្មទណ្ឌកម្រិតស្រាល នៃស្នងការនគរបាលរាជធានីភ្នំពេញ ឃាត់ខ្លួននៅវេលារសៀលថ្ងៃទី០៧ ខែសីហា ឆ្នាំ២០២៣ ពាក់ព័ន្ធបានប្រើហិង្សាមកលើសមត្ថកិច្ច ពេលចុះអនុវត្តដីកាតុលាការ ។
ការឃាត់ខ្លួននេះ បានធ្វើឡើងនៅស្នាក់ការក្រុមហ៊ុន ពិភពដីមាស ដែលស្ថិតនៅភូមិត្រពាំងថ្ងាន់ សង្កាត់ពន្សាំង ខណ្ឌព្រែកព្នៅ រាជធានីភ្នំពេញ បន្ទាប់ពីប្រជាពលរដ្ឋបានផ្ទុះការតវ៉ា ដុតកង់រថយន្ត ដើម្បីទាមទារប្រាក់ ដែលពួកគាត់ទិញដីរបស់លោកឧកញ៉ារូបនេះ។
តាមព័ត៌មានអោយដឹងថា នៅវេលាម៉ោងប្រមាណ៨ព្រឹក ថ្ងៃទី០៧ ខែសីហា ឆ្នាំ២០២៣ ប្រជាពលរដ្ឋដែលបានទិញដីពីក្រុមហ៊ុន ពិភពដីមាស បាននាំគ្នា ជួបប្រមូលម្តុំជាថ្មី នៅស្នាក់ការក្រុមហ៊ុន ដែលស្ថិតទីតាំងដូខខាងលើ ដើម្បី អោយក្រុមហ៊ុនលុយដើមមកវិញ បន្ទាប់ពីក្រុមហ៊ុន ខានបង់ការប្រាក់តាមកិច្ចសន្យារយៈពេល៥ខែ (ទិញដីមានការប្រាក់) ។
តាមព័ត៌មាន អោយដឹងទៀតថា បន្ទាប់ជួបប្រមូលផ្តុំតវ៉ា នៅវេលាម៉ោងប្រមាណ២រសៀល ប្រជាពលរដ្ឋ ក៏បាននាំគ្នា ដុតកង់ឡាន ដើម្បីទទួចអោយលោកឧកញ៉ចូលខ្លួន មកដោះស្រាយ។ ខណៈនោះ សមត្ថកិច្ចខណ្ឌព្រែកព្នៅ និងនគរបាលព្រហ្មទណ្ឌកំរិតស្រាល នៃស្នងការនគរបាលរាជធានីភ្នំពេញ ក៏បានចុះទៅអន្តរាគមន៍ និងសាកសួរម្ចាស់ក្រុមហ៊ុន ហើយត្រូវបានកងអង្គរក្ស ចេញមករារាំង ហើយប្រើហិង្សាវាយមកលើសមត្ថកិច្ច បណ្តាលអោយរងរបួស ក្នុងវេលានោះ កម្លាំងសមត្ថកិច្ច ក៏បានផ្ទុះអាវុធជាច្រើនគ្រាប់ គំរាម និងឃាត់កងអង្គរក្ស បានជាបន្តបន្ទាប់ នៅវេលាម៉ោងប្រមាណ៣រសៀលថ្ងៃដដែល ។
លោកឧត្តមសេនីយ៍ត្រី សាន សុខសីហា អ្នកនាំពាក្យ នៃស្នងការនគរបាលរាជធានីភ្នំពេញ បានអោយសារព័ត៌មានដឹងថា នៅរសៀលនេះ សមត្ថកិច្ចចម្រុះ នៃស្នងការនគរបាលរាជធានីភ្នំពេញ ដោយអនុវត្តដីការបស់ព្រះរាជអាជ្ញារអមសាលាដំបូងរាជធានីភ្នំពេញ សមត្ថកិច្ចយើងបានឃាត់ខ្លួនម្ចាស់ក្រុមហ៊ុនពិភពដីមាស រួមជាមួយកងអង្គរក្ស មួយចំនួន ដែលបានហិង្សា មកលើសមត្ថកិច្ច និងនាំខ្លួនមកសាកសួរ នៅស្នងការនគរបាលរាជធានីភ្នំពេញ ។
លោកឧត្តមសេនីយ៍ បានអោយដឹងទៀតថា សរុបរួម សមត្ថកិច្ចបាននាំខ្លួនមនុស្សចំនួន១៤នាក់ ដែលពាក់ព័ន្ធ ទី១ ម្ចាស់ដីឡូតិ៍ ពិភពដីមាស និងទី២ អង្គរក្ស ចំនួន១៣នាក់ ដែលបានរារាំងបង្កហិង្សា មកលើសមត្ថកិច្ច ។
គួរបញ្ជាក់ថា អតិថិជនរាប់ពាន់នាក់ ខ្លះក៏បានខ្ចីបុល និងយកលុយធនាគារ សម្រុកទិញដីឡូតិ៍របស់ក្រុមហ៊ុនពិភពដីមាស ដែលទីតាំងនៅក្នុងភូមិអណ្តូងច្រុះ ឃុំត្រាចទង ស្រុកឧត្តង្គ ខេត្តកំពង់ស្ពឺ។ ការទិញដីឡូតិ៍នោះ បានការប្រាក់៣ភាគរយ (តាមពិតចាញ់ បោកក្រុមហ៊ុន)។ បន្ទាប់ពីក្រុមហ៊ុន មិនបានអោយការប្រាក់ តាមកិច្ចសន្យា អតិថិជន ក៏បាននាំគ្នា ដាក់ពាក្យបណ្តឹងនៅខេត្តកំពត ខេត្តកំពង់ស្ពឺ និងស្នងការដ្ឋានរាជធានីភ្នំពេញ ដើម្បីទាមទារប្រាក់ដើមត្រឡប់វិញ ព្រមទាំងនាំគ្នា តវ៉ាជាបន្តបន្ទាប់ដើម្បី អោយអគ្គនាយកក្រុមហ៊ុន ចេញមកមកដោះស្រាយ ហើយក្រុមហ៊ុនចេះតែសន្យាខ្យល់រហូត ៕
«ចាប់ខ្លួនឧកញ៉ា ហ៊ី គឹមហុង ថៅកែក្រុមហ៊ុនពិភពដីមាស និងអង្គរក្ស ១៣នាក់ទៀត»
«សមត្ថកិច្ចឡោមព័ទ្ធចាប់ខ្លួនឧកញ៉ា អគ្គនាយក្រុមហ៊ុនពិភពដីមាស និងកងអង្គរក្ស»
«តំណាង គ្មានដោះស្រាយអ្វីបាន លោកស្នងការខេត្តកំពត កោះហៅ ឧកញ៉ា ពិភពដីមាស ជាលើកទី២»
ចែករំលែកព័តមាននេះ