នារសៀលថ្ងៃទី១៤ ខែធ្នូ ឆ្នាំ២០២១ សមត្ថកិច្ចមន្ទីរប្រឆាំងគ្រឿង.ញៀនបានរៀបចំសន្និសីទកាសែតអំពីការបង្ក្រាបទីតាំងផលិតគ្រឿង.ញៀនដ៏ធំនៅខេត្តកំពង់ស្ពឺ រហូតឈានដល់ការឆែកឆេរទីតាំងថ្មីមួយទៀត
រាជធានីភ្នំពេញ ៖ នារសៀលថ្ងៃទី១៤ ខែធ្នូ ឆ្នាំ២០២១ សមត្ថកិច្ចមន្ទីរប្រឆាំងគ្រឿង.ញៀនបានរៀបចំសន្និសីទកាសែតអំពីការបង្ក្រាបទីតាំងផលិតគ្រឿង.ញៀនដ៏ធំនៅខេត្តកំពង់ស្ពឺ រហូតឈានដល់ការឆែកឆេរទីតាំងថ្មីមួយទៀតនៅរាជធានីភ្នំពេញ និងចាប់បានមេខ្លោងគ្រឿង.ញៀនជាជនបរទេស បានដល់ទៅ ៤ នាក់ និងរឹបអូសគ្រឿង.ញៀនប្រភេទ កេតាមីន (KETAMINE) ២២៣៧ គីឡូក្រាម ។
នាយឧត្តមសេនីយ៍ ម៉ក់ ជីតូ អគ្គស្នងការរង ថ្លែងនៅសន្និសីទកាសែត នៅមន្ទីរប្រឆាំងគ្រឿង.ញៀន ដោយមានការចូលរូមពី លោក សេង ហៀង ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានថ្លែងបញ្ជាក់លម្អិតអំពីប្រតិបត្តិការក្តៅគគុកបង្ក្រាបគ្រឿង.ញៀនដែលឈានដល់ការផ្ទុះអាវុធកន្លងមកថា ប្រតិបត្តិការបង្ក្រាបបានគ្រឿង.ញៀន ត្រូវបានធ្វើឡើង ក្រោមការដឹកនាំបញ្ជារពី ឯកឧត្ដម នាយឧត្ដមសេនីយ៍ សន្តិបណ្ឌិត នេត សាវឿន បានឃាត់ខ្លួនមេខ្លោងដល់ទៅ ៤ នាក់ (ក្នុងនោះស្លា.ប់១នាក់) ។
នាយឧត្តមសេនីយ៍ ម៉ក់ ជីតូ បានថ្លែងថា ដំបូងលោកចង់បញ្ជាក់ថា ទីតាំងផលិតគ្រឿង.ញៀន មិនមែនជាទីតាំងក្រុមហ៊ុនចិនផលិតដំណាប់ស្វាយ ឈ្មោះ ក្រុមហ៊ុន (ហ្វាមអេស៊ាង.ក) នោះទេ គ្រាន់តែកន្លែងផលិត និងកែច្នៃគ្រឿង.ញៀននេះ ស្ថិតនៅខាងក្រោយក្រុមហ៊ុនដំណាប់ស្វាយ ហើយក្រុមហ៊ុនផលិត និងកែច្នៃគ្រឿង.ញៀននេះឈ្មោះ ក្រុមហ៊ុន ស៊ីន យិនហ្វេង (ខេមបូឌា) អ៊ិនដាស់ស្ទ្រី ខូអិលឌីធី (XIN YINFENG (CAMBODIA) INDUSTRY (Co.LTD) ។
ជុំវិញប្រតិបត្តិការខាងលើនេះ សមត្ថកិច្ចបានធ្វើការបង្ក្រាបនៅទីតាំង ៣ ផ្សេងៗគ្នា គឺ គោលដៅទី១ ៖ បង្ក្រាបនៅចំណុច ផ្លូវជាតិលេខ៤ ស្រុកកំពង់សិលា (ផ្លូវបំបែកស្រែអំបិល) ខេត្តព្រះសីហនុ ចាប់បានសារធាតុ.ញៀនប្រភេទកេតាមីន (KETAMINE) ចំនួន ៧៤ប៉ាវ ទម្ងន់ ១៤៨០ គីឡូក្រាម និងឃាត់ខ្លួន ២ នាក់ ឈ្មោះ LEE PO HAN និងឈ្មោះ LEE TSUNG HAN (ស្លា.ប់) ។
គោលដៅទី ២ គឺទីតាំងផលិត កែច្នៃ គ្រឿង.ញៀន ៖ ក្រុមហ៊ុន ស៊ីន យិនហ្វេង (ខេមបូឌា) អ៊ិនដាស់ស្ទ្រី ខូអិលឌីធី (XIN YINFENG (CAMBODIA) INDUSTRY (Co.LTD) ផលិតអាល់កុល និងជីសរីរាង្គសមាស (organic compound fertilizer) មានទីតាំងស្ថិតនៅ ភូមិដំបងវេញ ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ ។ សមត្ថកិច្ចរឹបអូសបានសារធាតុផ្សំ ៩ ប្រភេទ ទម្ងន់ជាង ៨៤ តោន និងសារធាតុ.ញៀនប្រភេទកេតាមីន ចំនួន ៤ គីឡូក្រាម រួមទាំងម៉ាស៊ីន ឧបករណ៍ សម្រាប់ផលិតកែច្នៃ មួយចំនួនធំ ។ និងបានឃាត់ខ្លួន ១ នាក់ឈ្មោះ YE YONG ។
បន្ទាប់មកសមត្ថកិច្ចបានបន្តចុះទៅទីតាំងទី ៣ នៅចំណុចផ្ទះលេខ ៤០R ផ្លូវ R ភូមិព្រៃទ្រា ២ សង្កាត់ចោមចៅទី ៣ ខណ្ឌពោធិ៍សែនជ័យ រាជធានីភ្នំពេញ និងឃាត់ខ្លួនមេខ្លោងឈ្មោះ YE YAN SHOU ។
នាយឧត្តមសេនីយ៍ ម៉ក់ ជីតូ បានស្រាយចម្ងល់របស់បងប្អូនថា ហេតុអីបង្ក្រាបច្រើនហើយនៅតែមានទៀតគ្រឿង.ញៀន? ។ សូមជម្រាបជូនអញ្ចេះ មិនមែនតែកម្ពុជាទេ វាជាបញ្ហាសកល បញ្ហាពិភពលោក ដែលនិន្នាការនៃការផលិតគ្រឿងញៀនអត់មានថយចុះ ហើយនិន្នាការនៃតម្រូវការប្រើប្រាស់គ្រឿង.ញៀន ក៏៏មិនថយចុះ តែចំណុចគួរឱ្យចាប់អារម្មណ៍ គឺមានការថយចុះនូវការផលិតគ្រឿង.ញៀនធម្មជាតិ ដូចជាការដាំដុះ អាភៀន កញ្ឆា យកមកធ្វើគ្រឿង.ញៀនថយចុះ តែការផលិតគ្រឿង.ញៀនដោយប្រើសារធាតុគីមី គឺមានការកើនឡើងសម្បើមណាស់ ។
ចំណុចទី២ កម្ពុជាគឺនៅក្បែរតំបន់ត្រីកោណមាស អ៊ីចឹងនៅពេលដែលយើងបិទទប់កន្លងមកពាក់ព័ន្ធ កូវីដ រាតត្បាត អាផលិតគ្រឿង.ញៀនអត់ឈប់ទេ គឺផលិតកាន់តែច្រើនឡើងៗ តម្លៃគ្រឿង.ញៀននៅតំបន់ត្រីកោណមាសធ្លាក់ចុះ ហើយបរិមាណកាន់តែច្រើន អ៊ីចឹងពេលឈ្មួញច្រកជួញដូរ គឺរាប់រយគីឡូតែម្តង ។ ហើយប្រទេសកម្ពុជាយើងក៏នៅតែរងគ្រោះដោយសារការឆ្លងកាត់ គេនាំឆ្លងកាត់ប្រទេសយើងទៅកាន់ប្រទេសផ្សេងៗទៀត ។
មួយវិញទៀត ឆ្នាំ២០២០ និង២០២១នេះ យើងសង្កេតឃើញ និងកត់សម្គាល់ថា មានសញ្ញានៃការលួចលាក់បង្កើតទីតាំងកែច្នៃសារធាតុ.ញៀន ដែលយើងចាប់បានច្រើន ហើយការបង្ក្រាបលើកនេះ គឺច្រើនជាងគេហើយ ដោយការផលិតដោយម៉ាស៊ីនស្វ័យប្រវត្តិ វាធ្វើបានច្រើន ។ ព័ត៌មានដែលយើងទទួលបាន គឺវាទើបតែសាកល្បងទេ តែយើងចាប់គ្រឹបបានតែម្តង» ។
គួររំលឹកថា ៖ បន្តរកឃើញសារធាតុគីមីសម្រាប់ផ្សំកែទៅជាគ្រឿង.ញៀនប្រមាណ៨០តោន ឃាត់មនុស្សជាង១០នាក់ ។ គួររំលឹកបន្តថា ៖ កក្រើក! ឡោមព័ន្ធទីតាំងផលិតគ្រឿង.ញៀនធំមួយនៅកំពង់ស្ពឺ ឃាត់ចិនជាច្រើនរូប ។ គួររំលឹកទៀតថា ៖ ផ្ទុះអាវុធដាក់គ្នា ធ្វើឱ្យចិនម្នាក់ស្លា.ប់ និងរឹបអូសថ្នាំ.ញៀនជាង១៤០០គីឡូ ៕
ចែករំលែកព័តមាននេះ