ការបង្កើតទារកដ្ឋាន និងមតេយ្យ នៅក្បែររោងចក្រនឹងជួយដល់កម្មករជាម្តាយវ័យក្មេង
- ភ្នំពេញ
គន្ធា បានយកកូនផ្ញើម្តាយរបស់នាងនៅខេត្តកំពង់ឆ្នាំ ដោយសារតែនាងត្រូវទៅធ្វើការជាកម្មករ នៅរោងចក្រកាត់ដេរ
គន្ធា បានយកកូនផ្ញើម្តាយរបស់នាងនៅខេត្តកំពង់ឆ្នាំ ដោយសារតែនាងត្រូវទៅធ្វើការជាកម្មករ នៅរោងចក្រកាត់ដេរ
គន្ធា បានយកកូនផ្ញើម្តាយរបស់នាងនៅខេត្តកំពង់ឆ្នាំ ដោយសារតែនាងត្រូវទៅធ្វើការជាកម្មករ នៅរោងចក្រកាត់ដេរ។
ដូច្នេះ គន្ធា ក៏ដូចជាស្ត្រីជាម្តាយវ័យក្មេងដទៃទៀតដែរ នាងបានសម្តែងការសប្បាយចិត្ត នៅពេលដែលដឹងដំណឹងថា រដ្ឋាភិបាល មានបំណងបង្កើតទារកដ្ឋាន និងសាលាមតេយ្យនៅជិតរោងចក្រកាត់ដេរ។
គន្ធា យល់ថា បើសិនជាមានទារកដ្ឋាន ឬសាលាមតេយ្យ នៅជិតរោងចក្រ វានឹងធ្វើអោយនាង អាចយកកូនមកនៅក្បែរទ្រូង ហើយនាងអាចរស់នៅជាមួយកូនជាទីស្រឡាញ់។
ម្តាយវ័យក្មេងជាច្រើន បានជួបប្រទះនឹងបញ្ហាមើលថែទាំកូន ដោយសារខ្លួនត្រូវធ្វើការ ហើយមិនមានទារកដ្ឋាន ឬសាលាមតេយ្យ នៅក្បែររោងចក្រ។ ដូច្នេះ ពួកគេជាច្រើនបានទុកកូននៅឯស្រុកកំណើត ដើម្បីអោយឪពុកម្តាយជួយមើលថែទាំជំនួស។
នៅក្នុងសារអបអរទិវាពលកម្មអន្តរជាតិ ថ្ងៃទី១ ខែឧសភា សម្តេចធិបតី ហ៊ុន ម៉ាណែត បានអោយដឹងថា សម្តេចនឹងជំរុញការបង្កើតទារកដ្ឋាន និងមតេយ្យ សហគមន៍នៅតាមតំបន់ដែលមានរោងចក្រអោយបានមុនដំណាច់ឆ្នាំ២០២៥។
គេជឿថា ការបង្កើតទារកដ្ឋាន និងមតេយ្យសហគមន៍ នៅជិតរោងចក្រ នឹងជួយបានច្រើនដល់កម្មការិនី ដែលជាម្តាយវ័យក្មេងអាចមានលទ្ធភាពចិញ្ចឹមកូនដោយខ្លួនឯងដោយមានការជ្រោមជ្រែងជួយមើលថែ ដោយទារកដ្ឋាន និងមតេយ្យសហគមន៍ ដែលនៅក្បែររោងចក្រ៕
ចែករំលែកព័តមាននេះ