ខេត្តបាត់ដំបង ៖ បុរសម្នាក់ត្រូវរន្ទះបាញ់ស្លាប់នៅក្នុងចម្ការក្រោយផ្ទះ ក្នុងស្រុកសំពៅលូន រីឯកុមារាអាយុទើបជាង១ឆ្នាំម្នាក់ បានលង់ទឹកស្រះស្លាប់ ដោយសារការធ្វេសប្រហែសរបស់ម្ដាយ នៅស្រុកគាស់ក្រឡ ដែលកើតឡើងស្ទើរដំណាលៗគ្នា នៅរសៀលថ្ងៃទី…
ខេត្តបាត់ដំបង ៖ បុរសម្នាក់ត្រូវរន្ទះបាញ់ស្លាប់នៅក្នុងចម្ការក្រោយផ្ទះ ក្នុងស្រុកសំពៅលូន រីឯកុមារាអាយុទើបជាង១ឆ្នាំម្នាក់ បានលង់ទឹកស្រះស្លាប់ ដោយសារការធ្វេសប្រហែសរបស់ម្ដាយ នៅស្រុកគាស់ក្រឡ ដែលកើតឡើងស្ទើរដំណាលៗគ្នា នៅរសៀលថ្ងៃទី ២០ ឧសភា។ សេចក្ដីរាយការណ៏របស់សមត្ថកិច្ចបានឲ្យដឹងថា ជនរងគ្រោះដោយសាររន្ទះបាញ់ឈ្មោះ វ៉ែន ភារ៉ា ប្រុសអាយុ៤៣ឆ្នាំ ត្រូវរន្ទះបាញ់ស្លាប់ ពេលគាត់កំពុងដើរមើលដំណាំក្នុងចម្ការខាងក្រោយផ្ទះ ស្ថិតក្នុងភូមិថ្លុកសង្កែ ឃុំមានជ័យ ស្រុកសំពៅលូន។
សមត្ថកិច្ចនិយាយថា ពេលនោះភ្លៀងបានធ្លាក់ខ្លាំង លាយឡំជាមួយផ្គររន្ទះ តែពេលភ្លៀងថមថយបន្តិចរន្ទះក៏បានបាញ់ និង ត្រូវជនរងគ្រោះស្លាប់ក្នុងចមម្ការ។ ដោយឡែកសេចក្ដីរាយការមួយករណីទៀតពីសមត្ថកិច្ច កុមារាម្នាក់ បានរអិលធ្លាក់ទឹកស្រះលង់ស្លាប់ នៅភូមិទូលបល័ង្ក ឃុំគាស់ក្រឡ ស្រុកគាស់ក្រឡ ដោយសារការធ្វេសប្រហែសរបស់ម្ដាយ។ កុមារាឈ្មោះ ម៉ៅ ភូផា អាយុ១,៥ឆ្នាំ ម្ដាយឈ្មោះ ប្រាក់ ណាវី អាយុ២៨ឆ្នាំ។
តាមការបំភ្លឺរបស់ម្ដាយ បានប្រាប់សមត្ថកិច្ចថា មុនកើតហេតុ កូនប្រុសនៅលេងជាមួយកូនច្បង អាយុ០៨ឆ្នាំ (កូនប្រុសគាត់ដែរ) នៅខាងមុខផ្ទះ ហើយគាត់កំពុងរៀបចំអីវ៉ាន់នៅក្នុងផ្ទះ បំរុងទៅចម្ការ ស្រាប់តែពេលនោះគាត់ឮសម្លេងកូនច្បងស្រែកហៅប្អូន(សព) មិនឈប់ ឮបែបនេះគាត់ក៏ចេញទៅមើលឃើញកូនបងកំពុងស្រែកហៅប្អូន ពេលគាត់សួរដេញដោយរកប្អូន ទើបដឹងថា កូនធ្លាក់ទឹក ហើយគាត់ចុះរាវរកក៏ឃើញកូនប្រុស តែអកុសលកូនលង់ទឹកស្លាប់បាត់ទៅហើយ ។
នេះជាការធ្វេសប្រហែស តែអាណាព្យាបាលទាំងឡាយគួរប្រុងប្រយ័ត្ន នៅពេលមានកូនតូច និង មានស្រះទឹក ឬ អណ្ឌុងនៅក្បែរផ្ឬះ ព្រោះរឿងបែបនេះតែងកើតមានជាញឹកញ៉ាប់បំផុត៕
ចែករំលែកព័តមាននេះ