ខេត្តសៀមរាប ៖ លោកឧត្តមសេនីយ៍ទោ ហួត សុធី ស្នងការនគរបាលខេត្តសៀមរាប បានអោយដឹងថា ២នាក់ប្តីប្រពន្ធលក់ខោអាវតាមអនឡាញ ដែលបានជេរប្រមាថធ្ងន់ៗជាសាធារណៈ ដោយពាក្យអសុរោះលើអតិថិជនជាច្រើននាក់នោះ…
ខេត្តសៀមរាប ៖ លោកឧត្តមសេនីយ៍ទោ ហួត សុធី ស្នងការនគរបាលខេត្តសៀមរាប បានអោយដឹងថា ២នាក់ប្តីប្រពន្ធលក់ខោអាវតាមអនឡាញ ដែលបានជេរប្រមាថធ្ងន់ៗជាសាធារណៈ ដោយពាក្យអសុរោះលើអតិថិជនជាច្រើននាក់នោះ ត្រូវបានកម្លាំងនគរបាលខេត្តសៀមរាប នាំខ្លួនមកកាន់ប៉ុស្ដិ៍នគរបាលរដ្ឋបាលសាលាកំរើក នៅរសៀល ថ្ងៃទី៣០ ខែមេសា ឆ្នាំ២០២៤នេះ ។
លោកស្នងការនគរបាលខេត្តសៀមរាប បន្តថា នៅប៉ុស្ដិ៍នគរបាលរដ្ឋបាលសាលាកំរើក ២នាក់ប្ដីប្រពន្ធនេះ បានធ្វើការសុំទោសជាសាធារណៈ និងធ្វើកិច្ចសន្យា បញ្ឈប់ការប្រើប្រាស់ពាក្យសម្ដីជេរប្រមាថ ឬខុសឆ្គងតទៅទៀត ។
ជនរងគ្រោះ ក៏ដូចមហាជនជាច្រើន ដែលបានចែករំលែករឿងនេះ ក៏បានអំពាវនាវដល់ថ្នាក់ដឹកនាំពាក់ព័ន្ធ និងក្រសួងស្ថាប័នជំនាញ ត្រូវមានចំណាត់ការយ៉ាងម៉ឺងម៉ាត់ទៅលើ២នាក់ប្តីប្រពន្ធនេះ ដើម្បីរួមគ្នាជួយលើកកម្ពស់សីលធម៌សង្គម មិនមែន សុំទោសហើយ រួចខ្លួននោះទេ ៕
ចែករំលែកព័តមាននេះ