ករណីបង្ក្រាបគ្រឿង.ញៀនក៏ក្តៅគគុកមិនធ្លាប់មាន រហូតផ្ទុះអាវុធស្លា.ប់ឧក្រិដ្ឋជនមួយរូបនោះ និងរឹបអូសគ្រឿង.ញៀនជាង ១៤០០ គីឡូក្រាម ស្រាប់តែសមត្ថកិច្ចបានបន្តចុះឆែកឆេរទីតាំងផលិតគ្រឿង.ញៀន ជ្រកក្រោមស្លាករោងចក្រ
រាជធានីភ្នំពេញ ៖ ករណីបង្ក្រាបគ្រឿង.ញៀនក៏ក្តៅគគុកមិនធ្លាប់មាន រហូតផ្ទុះអាវុធស្លា.ប់ឧក្រិដ្ឋជនមួយរូបនោះ និងរឹបអូសគ្រឿង.ញៀនជាង ១៤០០ គីឡូក្រាម ស្រាប់តែសមត្ថកិច្ចបានបន្តចុះឆែកឆេរទីតាំងផលិតគ្រឿង.ញៀន ជ្រកក្រោមស្លាករោងចក្រផលិតដំណាប់ស្វាយ ហើយរកឃើញសារធាតុគីមីសម្រាប់ផ្សំកែទៅជាគ្រឿង.ញៀនប្រមាណ៨០តោន រួមជាមួយឧបករណ៍ផលិត កែច្នៃមួយចំនួន និងឃាត់បានមនុស្សប្រមាណជាង ១០ នាក់ផងដែរ ។
លោកឧត្តមសេនីយ៍ឯក ឡឹក វណ្ណៈ នាយកមន្ទីរប្រឆាំងបទល្មើសគ្រឿង.ញៀន បានថ្លែងឲ្យដឹងនាព្រឹកថ្ងៃទី១៣ ខែធ្នូ ធ្នាំ២០២១ ថា ក្រោមការចង្អុលបង្ហាញពីឯកឧត្តមនាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការ នគរបាលជាតិ ដែលដឹកនាំផ្ទាល់ដោយឯកឧត្តម នាយឧត្តមសេនីយ៍ ម៉ក់ ជីតូ អគ្គស្នងការរង ទទួលការងារប្រយុទ្ធប្រឆាំងគ្រឿង.ញៀន កម្លាំងសមត្ថកិច្ចនៃមន្ទីរប្រឆាំងបទល្មើសគ្រឿង.ញៀន បានចុះសហកាបង្ក្រាបឈ្មួញកែច្នៃគ្រឿងញៀនដ៏ធំនេះ បណ្តាលឲ្យមានការផ្ទុះអាវុធតដៃគ្នា ស្លា.ប់ជនសង្ស័យម្នាក់ ចាប់ខ្លួន២នាក់នៅនឹងកន្លែង ។
ក្រោយពីចាប់ខ្លួនបាន ជនសង្ស័យ២នាក់ក៏បានសារភាពនូវទីតាំងដែលពួកគេដឹកចេញនេះ គឺជាកន្លែងផលិត និងកែច្នៃគ្រឿង.ញៀននៅក្នុងរោងចក្រផលិតដំណាប់ស្វាយរបស់ក្រុមហ៊ុនចិន (ហ្វាមអេស៊ាង.ក) ស្ថិតនៅភូមិដំបងវេញ ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ ។ បន្ទាប់មកកម្លាំងសមត្ថកិច្ចក៏សហការអមដោយស្ថាប័នអយ្យការ បានចុះទៅឆែកឆេរនៅទីតាំងនោះ ក៏បានរកឃើញ និងរឹបអូសគ្រឿង.ញៀនដូចមាន ៖ ១- ម្សៅសសង្ស័យ កេតាមីន(KE- TAMIN) ចំនួន៧៤ការ៉ុង ដោយក្នុង១ការ៉ុងមានចំនួន២០កញ្ចប់ធំ ស្មើប្រមាណ ១៤៨០ គីឡូក្រាម ទាំងសំបក, ២- អាវុធខ្លីម៉ាក K៥៤ ១ដើម និង៣- រថយន្ត២គ្រឿង សារធាតុគីមី និងឧបករណ៍កែច្នៃគ្រឿង.ញៀនមួយចំនួនធំ ។
ចំណែកជនសង្ស័យទាំង៣នាក់ខាងលើនេះមាន ៖ ១-ឈ្មោះ LEE TSUNG HAN អាយុ៣២ឆ្នាំ ភេទប្រុស ជនជាតិចិន តៃវ៉ាន់ (ស្លា.ប់) ។ ២-ឈ្មោះ LY POHAN ភេទប្រុស អាយុ៣២ឆ្នាំ ជនជាតិចិនតៃវ៉ាន់ (អ្នកបើកបររថយន្តដឹកគ្រឿងញៀន) និង៣.ឈ្មោះ LY POHAN ភេទប្រុស អាយុ៤៧ឆ្នាំ ជនជាតិចិនតៃវ៉ាន់ (មេការគ្រប់គ្រងទីតាំងកៃច្នៃគ្រឿង.ញៀន) ។
ការចុះទៅទីតាំងផលិតគ្រឿង.ញៀន សមត្ថកិច្ចក៏ឈានទៅឃាត់ខ្លួនមនុស្សជាង១០នាក់ទៀត ដែលស្នាក់នៅទីតាំងផលិតដំណាប់ស្វាយរបស់ក្រុមហ៊ុនចិននោះ និងរឹមអូសថ្នាំ.ញៀនប្រភេទ (កេតាមីន) ១៤៨០គីឡូក្រាម ក្នុងនោះក៏បានរកឃើញសារធាតុគីមីសម្រាប់ផ្សំកែទៅជាគ្រឿង.ញៀនប្រមាណ៨០តោន រួមជាមួយឧបករណ៍ផលិត កែច្នៃមួយចំនួនទៀតផងដែរ ។ នេះជាការបញ្ជាក់របស់លោកឧត្តមសេនីយ៍ឯក ឡឹក វណ្ណៈ ។
ប្រភពដដែលបានបន្តថា ចំណែកមនុស្សជាង១០នាក់នោះ មិនទាន់បានកំណត់ថា ពួកគេជាជនសង្ស័យនៅឡើយទេ គឺជាការឃាត់ខ្លួនក្នុងរង្វង់ប្រតិបត្តការ ដែលពួកគេស្ថិតក្នុងការសួរយកចម្លើយនៅឡើយ ។
លោក ឡឹក វណ្ណៈ បន្តថា ជនសង្ស័យទាំងអស់ និងគ្រឿង.ញៀន ១៤៨០ គីឡូក្រាម រួមទាំងវត្ថុតាងមួយចំនួននោះ ត្រូវបាននាំមកកាន់មន្ទីរប្រឆាំងបទល្មើសគ្រឿង.ញៀន ដើម្បីរៀបចំកសាងសំណុំរឿងបញ្ជូនទៅកាន់សាលាដំបូងតាមនីតិវិធីហើយ ។
សូមរម្លឹកថា ៖ កក្រើក! ឡោមព័ន្ធទីតាំងផលិតគ្រឿង.ញៀនធំមួយនៅកំពង់ស្ពឺ ឃាត់ចិនជាច្រើនរូប ។ សូមរំលឹកទៀតថា ៖ ផ្ទុះអាវុធដាក់គ្នា ធ្វើឱ្យចិនម្នាក់ស្លា.ប់ និងរឹបអូសថ្នាំ.ញៀនជាង១៤០០គីឡូ ៕
ចែករំលែកព័តមាននេះ