ខេត្តកំពង់ឆ្នាំង ៖ បន្ទាប់ពីសារព័ត៌មានកោះសន្តិភាព និងគេហទំព័របានចុះផ្សាយស្តីពីជីវិតស្ត្រីមេម៉ាយទុរគតឈ្មោះ ញ៉ឹក ចំរើន អាយុ៣៣ឆ្នាំ មានទីលំនៅភូមិ ព្រះរាមរង្សី ឃុំជ្រៃបាក់ ស្រុករលាប្អៀរ ដែលប្រឹងឡើងត្នោតរំងាស់ស្ករ
ខេត្តកំពង់ឆ្នាំង ៖ បន្ទាប់ពីសារព័ត៌មានកោះសន្តិភាព និងគេហទំព័របានចុះផ្សាយស្តីពីជីវិតស្ត្រីមេម៉ាយទុរគតឈ្មោះ ញ៉ឹក ចំរើន អាយុ៣៣ឆ្នាំ មានទីលំនៅភូមិ ព្រះរាមរង្សី ឃុំជ្រៃបាក់ ស្រុករលាប្អៀរ ដែលប្រឹងឡើងត្នោតរំងាស់ស្ករ បានប្រាក់បន្តិចបន្តួចដើម្បីចិញ្ចឹមកូន២នាក់ បើទោះការខំប្រឹងប្រែងទាំងប្រថុយប្រថានជីវិតនេះ នៅតែមិនគ្រប់គ្រាន់ហូបចុកយ៉ាងណាក្តី ក៏នាងគ្មានជម្រើសអ្វីក្រៅតែពីរបរសម្រាប់មនុស្សប្រុសនេះ និងបានធ្វើឱ្យមានការភ្ញាក់ផ្អើលគ្រប់មជ្ឈដ្ឋានតាមរយៈការផ្សាយ និងការផ្សាយពីគេហទំព័រកោះសន្តិភាព លើបណ្តាញសង្គមហ្វេសបុក ហើយក៏មានសប្បុរសជនយ៉ាងច្រើនបាននាំអំណោយមនុស្សធម៌ច្រើនសន្ឋឹកសន្ឋាប់ទៅផ្តល់ជូន ខ្លះដោយផ្ទាល់ និងខ្លះដោយភ្នាក់ងារកោះសន្តិភាព ជូនស្ត្រីមេម៉ាយខាងលើ។ អ្នកមេម៉ាយឡើងត្នោតរំងាស់ស្ករលក់ចិញ្ចឹមកូន
ក្នុងនោះមានលោកជំទាវ កែវ ចន្ទ័មុនី អ្នកតំណាងរាស្ត្រមណ្ឌលកំពង់ឆ្នាំង លោកជំទាវ ប៉ាល់ យឿន អភិបាលរងខេត្ត លោក សោម វឺន អភិបាលស្រុករលាប្អៀរ ថវិកាសរុប៦៥០.០០០រៀល, សម្ភារប្រើប្រាស់ និងគ្រឿងឧបភោគ បរិភោគមួយចំនួន។
លោកវរសេនីយ៍ទោ ហូ ស៊ីវទួន អនុប្រធាននាយកដ្ឋានកណ្តាលសណ្តាប់ធ្នាប់សាធារណៈ នាយកដ្ឋាននគរបាលការពារបេតិកភណ្ឌនៃក្រសួងមហាផ្ទៃ ព្រមទាំងក្រុមគ្រួសារបានបញ្ជូនតាមរយៈកោះសន្តិភាពនៅរាជធានីភ្នំពេញ មានថវិកា៥០ម៉ឺនរៀល កង់តូច១គ្រឿង កាបូបស្ពាយ១ និងសៀវភៅសរសេរ៥ក្បាល។ ក្រុមចលនាយុវជន១៥៧ មានគ្រឿងឧបភោគ បរិភោគមួយចំនួន និងថវិកា៥០ម៉ឺនរៀល ជារបស់លោក ហ៊ុន ម៉ាណែត និងលោកជំទាវ , ក្រុមសហព័ន្ធយុវជន មានគ្រឿងឧបភោគ បរិភោគ និងថវិកា៣៥ម៉ឺនរៀល, ព្រះសង្ឃគង់នៅវត្តក្រាំងល្វា ស្រុកទឹកផុស មានគ្រឿងឧបភោគ បរិភោគ និងថវិកា៤០ម៉ឺនរៀល, ព្រះសង្ឃគង់នៅវត្តព្រែកតាម៉ាក់ ស្រុកខ្សាច់កណ្តាល មានគ្រឿងឧបភោគ បរិភោគ និងថវិកា៥០ម៉ឺនរៀល និងបន្ថែមថវិកាសម្រាប់តភ្លើងអគ្គិសនី៣២ម៉ឺន៥ពាន់រៀល, សាខាកាកបាទក្រហមខេត្ត មានគ្រឿងឧបភោគ បរិភោគមួយចំនួន, លោក សុខ ឧត្តម នាយកស្ថានីយវិទ្យុរិទ្ធិសែន មានកង់១គ្រឿង (ថ្លៃ៥០ដុល្លារ), ព្រះសង្ឃគង់នៅវត្តពុទ្ធមណ្ឌលរង្សី (USA) ដឹកនាំដោយព្រះភិក្ខុ មូល ពេជ្រពន្លឺ ចំណាយទិញគ្រឿងឧបភោគ បរិភោគអស់២៥០ដុល្លារ និងថវិកា២៣០ដុល្លារ, សហគមន៍គ្រូបង្រៀនសាលាអាឡែង ដឹកនាំដោយលោកគ្រូ បួ សុធាវុធ ថវិកា៥ម៉ឺនរៀល, លោក គង់ ច័ន្ទមុនី (មន្ត្រីសិទ្ធិមនុស្សលីកាដូ) មានគ្រឿងឧបភោគ បរិភោគ និងសម្ភារប្រើប្រាស់មួយចំនួន, លោក សាន ស៊ុនឌឿន ថវិកា១០ម៉ឺនរៀល,លោកស្រី ឡេ សុខន អណិកជនសហរដ្ឋអាមេរិក ថវិកា២០០ដុល្លារ និងអ្នកមកជាមួយមិនស្គាល់ឈ្មោះ ១៨០ដុល្លារ រួមនឹងមានសប្បុរសជនជាច្រើនទៀតដែលរៀបរាប់មិនអស់ និងនៅមានបន្តទៅឧបត្ថមជាបន្តបន្ទាប់ទៀត។ ក្រៅពីនោះមន្ទីរសង្គមកិច្ចខេត្ត សន្យានឹងបុកអណ្តូងស្នប់ ឱ្យគ្រឿង និងអាជ្ញាធរស្រុក សន្យាធ្វើឯកសារ មានអត្តសញ្ញាណបណ្ណ សំបុត្រកំណើយឱ្យម្តាយ និងកូន និងសៀវភៅគ្រួសារ ប្រយោជន៍ដើម្បីស្វែងរកការងារធ្វើ ។ ស្ត្រីមេម៉ាយឡើងត្នោតចិញ្ចឹមកូន២ ទទួលបានអំណោយ
ស្ត្រីមេម៉ាយកូនពីរ ញ៉ឹក ចំរើន រួមទាំងអាជ្ញាធរភូមិ-ឃុំ សូមលើកដៃថ្លែងអំណរគុណយ៉ាងជ្រាលជ្រៅដល់សប្បុរសជនទាំងអស់ដែលបានចំណាយពេលវេលានាំយកអំណោយជាថវិកា គ្រឿងឧបភោគ បរិភោគ និងសម្ភារប្រើប្រាស់យ៉ាងច្រើនមកជួយដល់ស្ត្រីខាងលើនេះ និងសូមបួងសួងដល់វត្ថុស័ក្ដិសិទ្ធិក្នុងលោក សូមជួយបីបាច់ថែរក្សាដល់ម្ចាស់អំណោយ និងព្រះតេជព្រះគុណទាំងអស់ សូមឱ្យជួបតែពុទ្ធពរទាំង៤ប្រការ គឺអាយុៈ វណ្ណៈ សុខៈ និងពលៈ កុំបីឃ្លៀងឃ្លាតឡើយ ៕
ចែករំលែកព័តមាននេះ