រាជធានីភ្នំពេញ ៖ អាជ្ញាធរសង្កាត់ផ្សារថ្មីទី២ ទទួលយកមូលនិធីសប្បុរសធម៍ ពីតំណាងកម្មករសំណង់ក្រុម ចូលរួមរៃអង្គាសថវិកាម្នាក់បន្តិច ដើម្បីទិញស្បៀង ផ្តល់ជូនតាមរយៈអាជ្ញាធរ ដើម្បីបន្តប្រគល់ជូនទ័ពជួរមុខ នឹង…
រាជធានីភ្នំពេញ ៖ អាជ្ញាធរសង្កាត់ផ្សារថ្មីទី២ ទទួលយកមូលនិធីសប្បុរសធម៍ ពីតំណាងកម្មករសំណង់ក្រុម ចូលរួមរៃអង្គាសថវិកាម្នាក់បន្តិច ដើម្បីទិញស្បៀង ផ្តល់ជូនតាមរយៈអាជ្ញាធរ ដើម្បីបន្តប្រគល់ជូនទ័ពជួរមុខ នឹង ជនភៀសសឹក រងគ្រោះដោយសារការឈ្លានពានពីសំណាក់ប្រទេសថៃ ។
នារសៀលថៃ្ងទី ១ ខែសីហា ឆ្នាំ២០២៥ អាជ្ញាធរសង្កាត់ផ្សារថ្មីទី២ បានទទួលអំណោយសប្បុរសអម៍ ពីតំណាងក្រុមកម្មករសំណង់ដែលបានយកអំណោយមកកាន់ សាលាសង្កាត់ ដើម្បីប្រគល់ជូនករទ័ពជួរមុខ ។
លោក អ៊ន ប៊ុន្នី តំណាងក្រុមកម្មករសំណង់ បានអោយដឹងថា មីជាតិ , ទឹកសុទ្ធ , ទឹកក្រូច, គុយទាវ , នំកញ្ចប់មួយចំនួននេះ គឺបានមកពីការប្រមូលរៃអង្គាសគ្នា ពីសំណាក់កម្មករសំណង់ ដែលជាទឹកចិត្តបន្តិចបន្តួច ដើម្បីប្រគល់ជូន កងទ័ពជួរមុខ នឹង បងប្អូនភៀសសឹកដែលកំពុងជួបបញ្ហាតាមព្រំដែន ដែលបណ្តាលឱ្យពលរដ្ឋរាប់សែនអ្នក ជម្លៀសចេញពីផ្ទះសម្បែង ។
លោក បន្តថា ការនាំយកស្បៀងនេះដែរ គឺបាននាំយកស្បៀងផ្ញើតាមរយៈអាជ្ញាធរខ្លះ នឹង មួយចំនួនទៀតប្រគល់ជូនធានាគារ វីង ដើម្បីយកចែកជូន កងទ័ពជួរមុខ ដែលកំពុងឈរជើងយ៉ាងរឹងមាំ ការពារដែនដី អធិបតេយ្យភាពកម្ពុជា មិនអោយមានការឈ្លានពានឈានចូលដីកម្ពុជា មិនអោយបាត់ សូម្បីមួយមីលីម៉ែត្រនោះឡើយ ។
ជាចុងក្រោយ លោក អ៊ន ប៊ុន្នី បានសំណូមពរ ពលរដ្ឋខ្មែរទាំងអស់ ពេលដែលមានបញ្ហាបែបនេះ គឺជាដំណាក់កាលដែលយើងទាំងអស់គ្នា ជាខ្មែរដូចគ្នា ត្រូវរួបរួមសាមគ្គី ជួយគ្នា ពេលគ្រាដ៏លំបាកមួយនេះ ជ្រកក្រោមពាក្យស្លោកមួយ « យើងឈរយ៉ាងរឹងមាំ យើងឈរជាមួយគ្នា ខ្មែរសាមគ្គីខ្មែរ » ៕
ចែករំលែកព័តមាននេះ