រាជធានីភ្នំពេញ ៖ គិតត្រឹមម៉ោង១០និង៥០នាទីព្រឹកថ្ងៃទី១៧ មេសា នេះ ក្រុមគ្រូពេទ្យបានយកសំណាកជនសង្ស័យទាំង៣នាក់រួចរាល់ហើយ ដោយរង់ចាំតែលទ្ធផលសំណាកសិនថា តើវិជ្ជមានកូវីដឬអត់? ខណៈសំណុំរឿងត្រូវបានបញ្ចូនទៅមុនហើយ នៅវេលាម៉ោង១៣រសៀលថ្ងៃដដែលនេះ…
រាជធានីភ្នំពេញ ៖ គិតត្រឹមម៉ោង១០និង៥០នាទីព្រឹកថ្ងៃទី១៧ មេសា នេះ ក្រុមគ្រូពេទ្យបានយកសំណាកជនសង្ស័យទាំង៣នាក់រួចរាល់ហើយ ដោយរង់ចាំតែលទ្ធផលសំណាកសិនថា តើវិជ្ជមានកូវីដឬអត់? ខណៈសំណុំរឿងត្រូវបានបញ្ចូនទៅមុនហើយ នៅវេលាម៉ោង១៣រសៀលថ្ងៃដដែលនេះ ដើម្បីតុលាការពិនិត្យនឹងសម្រេច ។ នៅព្រឹកដដែល គេសង្គេតឃើញវត្តមានលោក សុក កែវបណ្ឌិត ព្រះរាជអាជ្ញាររងអមសាលាដំបូងរាជធានីភ្នំពេញ បានចុះទៅដល់ប៉ុស្តិ៍ស្ទឹងមានជ័យ៣ ដើម្បីសាកសួរនាំដំណើររឿងហេតុមួយចំនួនផងដែរ ។ជុំវិញការចាប់វ៉ៃខ្នោះលោកផ្កាយ២ នឹងបញ្ជូនសំណុំរឿងទៅតុលាការរសៀលនេះ
នៅព្រឹកដដែល គេសង្គេតឃើញក្រុមគ្រូពេទ្យបានចុះទៅដល់ប៉ុស្តិ៍រដ្ឋបាលនគរបាលស្ទឹងមានជ័យទី៣ ដើម្បីធ្វើសំណាកលើលោកផ្កាយ២ និងកូនចៅផងដែរ ដើម្បីតេស្តិ៍រកមេរោគកូវីដ១៩ ។ ជនសង្ស័យទាំង៣នាក់ខាងលើ រួមមាន១-ឈ្មោះ អ៊ុង ចាន់ធួក ភេទប្រុស អាយុ៤៥ឆ្នាំ ជាម្ចាស់ទីតាំងផ្ទះជួល និងមានឋានៈអនុប្រធានសេនាធិការនៃអគ្គស្នងដ្ឋានការនគរបាលជាតិ ឋានន្តរស័ក្តិឧត្តមសេនីយ៍ទោ។ ២-ឈ្មោះ ឡាយ ភារុណ ភេទប្រុស អាយុ២៨ឆ្នាំ មុខរបរបំរើការងារនៅផ្ទះឈ្មោះ អ៊ុង ចាន់ធួក និង៣-ឈ្មោះ កុក ឃី ភេទប្រុស អាយុ ៣៥ឆ្នាំ មុខរបរបំរើការងារនៅផ្ទះ អ៊ុង ចាន់ធួក។ ដោយឡែក មនុស្សមួយចំនួនទៀត បានរត់ចូលផ្ទះជួលអស់ពេលសមត្ថកិច្ចទៅដល់។
ពួកគេទាំង៣នាក់ ត្រូវបានកម្លាំងនគរបាលខណ្ឌមានជ័យ សហការជាមួយកម្លាំងអន្តរាគមន៍របស់អគ្គស្នងការដ្ឋាននគរបាលជាតិ ធ្វើការឃាត់ខ្លួន ក្រោយពួកគេបានរៀបចំកម្មវិធីផឹកស៊ីរាំរែក និងលេងប៉ាតម្សៅ ដោយមានការចូលរួមពីអ្នកផ្ទះជួលប្រមាណ ៣០ ទៅ៤០នាក់ កាលពីវេលាយប់ថ្ងៃទី១៦ ខែមេសា ឆ្នាំ២០២១ នៅក្នុងភូមិដំណាក់ធំ២ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ ។
តាមប្រភពព័ត៌មានអោយដឹងថា ក្រោយទទួលបានព័ត៌មានពីប្រជាពលរដ្ឋ និងរហូតមានការឡាយតាមហ្វេសបុកទៀតនោះ លោក ឃួង ស្រេង បានបញ្ជាឲ្យកម្លាំងសមត្ថកិច្ចមូលដ្ឋាន ដោយមានការសហការចូលរួមពីកម្លាំងនគរបាលអន្តរាគមន៍ នៃអគ្គស្នងការ បានចុះទៅជាបន្ទាន់ ទៅដល់លំនៅឋានជនដែលបំពានបំរាមរាជរដ្ឋាភិបាលខាងលើ ដើម្បីមានវិធានការ ។ ពេលកម្លាំងសមត្ថកិច្ចចុះទៅដល់ ពិតជាឃើញមានការជួបជុំផឹកស៊ីរាំរែគ និងប៉ាតម្សៅប្រាកដមែន ទើបកម្លាំងនគរបាលធ្វើការឃាត់ខ្លួនមនុស្សចំនួន៣នាក់ ក្នុងនោះមានម្ចាស់ផ្ទះម្នាក់ និងអ្នកនៅជាមួយ២នាក់ទៀត ដោយឡែកមនុស្សមួយចំនួនទៀតបានរត់ចូលផ្ទះជួលអស់ពេលសមត្ថកិច្ចទៅដល់ ។
តាមប្រភពពីមន្ត្រីនគរបាល អោយដឹងថា ការចុះបន្ទាន់ ក្នុងការឃាត់មនុស្ស និងបញ្ឈប់កម្មវិធីផឹកស៊ីខាងលើ គឺធ្វើឡើង ដើម្បីធ្វើការទប់ស្កាត់ការរីករាលដាលនូវជម្ងឺកូវីដ១៩ពិសេសនោះ គឺអនុវត្តអោយមានប្រសិទ្ធិភាព តាមសេចក្តីសម្រេចរបស់ប្រមុខរាជរដ្ឋាភិបាលកម្ពុជា ដែលមានហាមប្រាមមិនអោយមានការជួបជុំផឹកស៊ី ក្នុងកាលះទេសះ ដែលប្រទេសជាតិកំពុងជួបការលំបាកជាមួយនឹងជម្ងឺកូវីដ១៩ ។
យ៉ាងណាមិញ ក្រោយការឃាត់ខ្លួនបុរសទាំង៣នាក់នេះ ត្រូវបានកម្លាំងនគរបាលចាប់បញ្ជូនឡើងរថយន្ត បញ្ជូនទៅកាន់អធិការដ្ឋាននគរបាលខណ្ឌមានជ័យ ដើម្បីចាត់ការតាមច្បាប់ នៅពេលក្រោយបន្តទៀត ៕
ធ្វើដល់ប៉ូលិស ពាក់ផ្កាយ២ មានទាំងផ្ទះជួល បែរជានាំកម្មករ ជួបជុំផឹកស៊ីច្រៀងរាំ ផ្គើនបទបញ្ជាសម្តេចតេជោ ទៅកើត! ។ ដោយ៖ ម៉ម លីហេង
ព័ត៌មានបន្ថែមនឹងមានផ្សាយជូនបន្ត ។
ចែករំលែកព័តមាននេះ