រាជធានីភ្នំពេញ ៖ យុវជនមួយក្រុមទើបតែចេញពីកម្មវិធីខួបកំណើតជិះម៉ូតូឌុបគ្នាត្រឡប់ទៅផ្ទះវិញ ស្រាប់តែត្រូវក្មេងស្ទាវមួយក្រុមមានគ្នា៥នាក់ ជិះម៉ូតូ២គ្រឿងដេញតាមកា.ប់ បណ្តាលឲ្យរងរបួសធ្ងន់ម្នាក់ស្រាលម្នាក់ កាលពីវេលាម៉ោង១និង៣០នាទីរំលងអធ្រាត្រ ឈានចូលថ្ងៃទី២ ខែឧសភា ឆ្នាំ២០២៤…
រាជធានីភ្នំពេញ ៖ យុវជនមួយក្រុមទើបតែចេញពីកម្មវិធីខួបកំណើតជិះម៉ូតូឌុបគ្នាត្រឡប់ទៅផ្ទះវិញ ស្រាប់តែត្រូវក្មេងស្ទាវមួយក្រុមមានគ្នា៥នាក់ ជិះម៉ូតូ២គ្រឿងដេញតាមកា.ប់ បណ្តាលឲ្យរងរបួសធ្ងន់ម្នាក់ស្រាលម្នាក់ កាលពីវេលាម៉ោង១និង៣០នាទីរំលងអធ្រាត្រ ឈានចូលថ្ងៃទី២ ខែឧសភា ឆ្នាំ២០២៤ ស្ថិតនៅតាមបណ្តោយផ្លូវហាណូយ សង្កាត់ឃ្មួញ ខណ្ឌសែនសុខ រាជធានីភ្នំពេញ ។
យោងតាមប្រភពពីក្រុមជនរងគ្រោះបានអោយដឹងថា នៅមុនពេលកើតហេតុ គាត់ និងជនរងគ្រោះជិះម៉ូតូឌុបគ្នាចេញពីកម្មវិធីខួបកំណើតមិត្តនៅម្តុំមហាវិថីវិមានឈ្នះឈ្នះ ដោយជិះម៉ូតូម៉ាកហុងដាឌ្រីម ពណ៌ខ្មៅ ស្លាកលេខក្រចេះ-5595 ។ លុះជិះម៉ូតូឌុបគ្នាតាមផ្លូវដោយមានមិត្តផ្សេងទៀតជិះម៉ូតូនៅខាងមុខធ្វើដំណើរទៅមុនជាង២០ម៉ែត្រ តាមបណ្តោយផ្លូវបេតុងហាណូយពីជើងទៅត្បូង ស្រាប់តែមានយុវជន១ក្រុមទៀតមានគ្នា៥នាក់ ជិះម៉ូតូ២គ្រឿង ប្រដាប់ទៅដោយដុំថ្ម និងដាវយ៉ាងមុតស្រួច ដេញតាមកា.ប់ពួកគាត់ពីក្រោយខ្នងតែម្តង ។
ជនរងគ្រោះម្នាក់ ដែលជាអ្នកឌុបបានបន្តថា ខ្លួនអង្គុយខាងមុខ ចំណែកអ្នករបួសអង្គុយពីក្រោយ ពេលជិះម៉ូតូរត់គេចជិតដល់វត្តអន្លង់ក្ងានក៏បានផ្តួលម៉ូតូនាំគ្នារត់ចែកជើងគ្នា ដោយគាត់រត់ចូលវត្ត ចំណែកមិត្តរបស់គាត់ម្នាក់ទៀតរត់ទៅម្ខាងទៀត ស្រាប់តែត្រូវក្រុមជនបង្កដេញកា.ប់រងរបួសដៃ ចំណែកម៉ូតូត្រូវបានជនបង្កកា.ប់យកស្លាកលេខ រួចឡើងម៉ូតូជិះរត់គេចបាត់អស់ទៅ ។
ក្រោយពេលកើតហេតុ ជនរងគ្រោះត្រូវបានគ្នីគ្នាដែលមកជាមួយ ជូនទៅកាន់មន្ទីរពេទ្យដែលនៅក្បែរនោះ ដើម្បីសម្រាកព្យាបាលរបួស បន្ទាប់មកគេឃើញមានសមត្ថកិច្ចមកដល់ពេទ្យធ្វើការសាកសួរនាំ និងពិនិត្យមើលស្នាមរបួស ស្រាប់តែឃើញស្នាមដាវចំនួន៣ឆ្នូត ជាប់នៅលើមួកការពាររបស់ជនរងគ្រោះ ដោយសំណាងជនរងគ្រោះពាក់មួកការពារ ទើបធ្វើអោយជនរងគ្រោះម្នាក់ទៀតដែលរបួសស្រាលនាំទៅបង្ហាញទីតាំងដែលត្រូវគេកាប់ រួចធ្វើការសាកសួរនាំអោយជនរងគ្រោះទៅដាក់ពាក្យបណ្តឹងដើម្បីអនុវត្តតាមនីតិវិធី ៕
ចែករំលែកព័តមាននេះ