ខេត្តប៉ៃលិន ៖ រដ្ឋបាលខេត្តប៉ៃលិន នៅថ្ងៃទី១៦ ខែឧសភា ឆ្នាំ២០២៤ ប្រកាសជូនដំណឹងដល់សាធារណជន មាតាបិតា អាណាព្យាបាល និងសិស្សនិស្សិតទូទាំងខេត្តប៉ៃលិន មេត្តាជ្រាបថា ដើម្បីចូលរួមចំណែកកាត់បន្ថយការលំបាក ការចំណាយ និងកាត់បន្ថយហានិភ័យផ្សេងៗ ដែលអាចកើតមានឡើង ចំពោះសិស្សានុសិស្ស ដែលត្រូវធ្វើដំណើរទៅមក ដោយទោចក្រយាន ក្នុងគោលបំណងបន្តការសិក្សានៅតាមវិទ្យាល័យ ឬសាកលវិទ្យាល័យនានាក្នុងខេត្តបាត់ដំបង រដ្ឋបាលខេត្តប៉ៃលិន បានរៀបចំដាក់ឱ្យដំណើរការរថយន្តក្រុងសម្រាប់ធ្វើការដឹកជញ្ជូនសិស្ស និស្សិតជារៀងរាល់សប្តាហ៍ ដោយឥតគិតថ្លៃ តាមទីតាំង និងពេលវេលា ដូចខាងក្រោម ៖
ថ្ងៃសុក្រ ៖ ចេញដំណើរពីខេត្តប៉ៃលិន ទៅខេត្តបាត់ដំបង នៅវេលាម៉ោង ៥.៣០ នាទីល្ងាច ចំណត់រថយន្ត នៅសួនច្បារសួនកុមារ ទល់មុខវិមានឯករាជ្យខេត្តប៉ៃលិន ។
ថ្ងៃអាទិត្យ ៖ ចេញដំណើរពីខេត្តបាត់ដំបង មកខេត្តប៉ៃលិន នៅម៉ោង ៦.០០ នាទីល្ងាច ចំណត់រថយន្ត នៅមុខសាកលវិទ្យាល័យគ្រប់គ្រង និងសេដ្ឋកិច្ច (UME) ខេត្តបាត់ដំបង ។
សេចក្តីដូចបានជម្រាបជូនខាងលើ សូមសាធារណជន មាតាបិតា អាណាព្យាបាល និងសិស្ស និស្សិត ដែលមានបំណងចង់ធ្វើដំណើរតាមរថយន្តក្រុងរបស់រដ្ឋបាលខេត្ត សូមធ្វើការទំនាក់ទំនងមក ទីចាត់ការរដ្ឋបាល សាលាខេត្តប៉ៃលិន តាមរយៈលេខទូរស័ព្ទ ០៨៨ ៦៧៨៩-២៩៥/ ០១៦ ៤១៦ ៦៦៨ / ០៩៧ ៥៧៩ ៧៨៧៨ រៀងរាល់ម៉ោងធ្វើការចាប់ថ្ងៃជូនដំណឹងតទៅ ៕
![](https://kohsantepheapdaily.com.kh/wp-content/uploads/2024/05/23898f0e83f6edc4652153e4c3496928.jpg)
![](https://kohsantepheapdaily.com.kh/wp-content/uploads/2024/05/95ac9cfff3ca633b02df7569b98fa37f.jpeg)
![](https://kohsantepheapdaily.com.kh/wp-content/uploads/2024/05/4642afb972765e5b6fd19b32918e4051.jpg)
![](https://kohsantepheapdaily.com.kh/wp-content/uploads/2024/05/5143a1e1bd208aeb4be3a6dc2b8a9dbb.jpg)
ចែករំលែកព័តមាននេះ