សង្គ្រាមអ៊ុយក្រែន ៖ ពេលកំពុងមានការចរចាស្ដីពីបែបបទ និងការធានាសន្តិសុខសំដៅឈានទៅរកកិច្ចព្រមព្រៀងសន្តិភាពមួយ ការប្រយុទ្ធគ្នានៅតែបន្តនៅអ៊ុយក្រែន។ រុស្ស៊ីអះអាងនាថ្ងៃទី១៦ ធ្នូ ថា បានវាយដណ្ដើមយកបានទីក្រុងគូពីយ៉ាន់ស្ក៍ ជាទីក្រុងឧស្សាហកម្មគន្លឹះមួយនៅភាគពា័យ្យអ៊ុយក្រែនក្នុងតំបន់ខាគៀវ។…
សង្គ្រាមអ៊ុយក្រែន ៖ ពេលកំពុងមានការចរចាស្ដីពីបែបបទ និងការធានាសន្តិសុខសំដៅឈានទៅរកកិច្ចព្រមព្រៀងសន្តិភាពមួយ ការប្រយុទ្ធគ្នានៅតែបន្តនៅអ៊ុយក្រែន។ រុស្ស៊ីអះអាងនាថ្ងៃទី១៦ ធ្នូ ថា បានវាយដណ្ដើមយកបានទីក្រុងគូពីយ៉ាន់ស្ក៍ ជាទីក្រុងឧស្សាហកម្មគន្លឹះមួយនៅភាគពា័យ្យអ៊ុយក្រែនក្នុងតំបន់ខាគៀវ។ នាពេលថ្មីៗនេះកងទ័ពអ៊ុយក្រែនអះអាងពីការដណ្ដើមយកបានវិញសង្កាត់ជាច្រើននៃទីក្រុងនោះពីកងទ័ពរុស្ស៊ី ។
លោកឡេអូនីតឆារ៉ូវអ្នកនាំពាក្យកងឯកភាពយោធារុស្ស៊ី ZAPAD ដែលដាក់ពង្រាយនៅតំបន់នោះ បានថ្លែងទៅកាន់ទីភ្នាក់ងារព័ត៌មានរុស្ស៊ី TASSថា ទីក្រុងគូពីយ៉ាន់ស្ក៍ពេលនេះស្ថិតក្រោមការត្រួតត្រាទាំងស្រុង របស់កងយោធានៃយោធភូមិភាគទី៥ ។ ការប្រកាសនោះធ្វើឡើងពេលដែលប្រធានាធិបតីអ៊ុយក្រែន លោកវ៉ូឡូឌីមៀរហ្សេឡេនស្គីកាលពីថ្ងៃទី១៥ធ្នូបានសរសើរពីការរីកចម្រើនក្នុងការចរចា ជាមួយអាមេរិកដើម្បីបញ្ចប់សង្គ្រាមជាមួយរុស្ស៊ី ។
ចាប់តាំងពីរុស្ស៊ីចូលលុកលុយអ៊ុយក្រែនពីខែកុម្ភៈឆ្នាំ២០២២មក កងទ័ពរុស្ស៊ីដណ្ដើមយកបានដែនដីអ៊ុយក្រែន ពិសេសក្នុងតំបន់ដូណេតស្ក៍និងហ្សាប៉ូរីហ្ស៊ីយ៉ា។ ខាងយោធាអ៊ុយក្រែនវិញ ដ្រូននាវាមួយបានបំផ្លាញនាវាមុជទឹករុស្ស៊ី១គ្រឿង ក្នុងកំពង់ផែនូវ៉ូរ៉ូសស៊ូអ៊ីស្ក៍ នៅសមុទ្រខ្មៅកាលពីថ្ងៃទី ១៥ ធ្នូ ៕
ចែករំលែកព័តមាននេះ