ខេត្តកំពង់ឆ្នាំង ៖ ប្រជាពលរដ្ឋអ្នកធ្វើដំណើរឆ្លងកាត់ផ្លូវក្នុងភូមិកណ្ដាល សង្កាត់ផ្សារឆ្នាំង ក្រុងកំពង់ឆ្នាំង ដែលតភ្ជាប់ពីគល់ស្ពានភូមិកណ្ដាលរហូតដល់ផ្លូវភូមិកំពុងអុស ពិសេសអ្នករស់នៅក្នុងភូមិកណ្ដាល បានត្អូញត្អែរជួបការលំបាក ដោយសារផ្លូវមួយខ្សែនេះ ក្រុមហ៊ុនធ្វើផ្លូវមិនគោរពកិច្ចសន្យា…
ខេត្តកំពង់ឆ្នាំង ៖ ប្រជាពលរដ្ឋអ្នកធ្វើដំណើរឆ្លងកាត់ផ្លូវក្នុងភូមិកណ្ដាល សង្កាត់ផ្សារឆ្នាំង ក្រុងកំពង់ឆ្នាំង ដែលតភ្ជាប់ពីគល់ស្ពានភូមិកណ្ដាលរហូតដល់ផ្លូវភូមិកំពុងអុស ពិសេសអ្នករស់នៅក្នុងភូមិកណ្ដាល បានត្អូញត្អែរជួបការលំបាក ដោយសារផ្លូវមួយខ្សែនេះ ក្រុមហ៊ុនធ្វើផ្លូវមិនគោរពកិច្ចសន្យា ធ្វើមិនទាន់ពេលវេលា តពីមួយឆ្នាំដល់មួយឆ្នាំ ខុសកិច្ចសន្យាធ្វើឱ្យជួបការលំបាកក្នុងការធ្វើដំណើរ ។ យ៉ាងនេះក្តីអាជ្ញាធរមូលដ្ឋានបានបញ្ជាក់ថា ក្រុមហ៊ុនបានសុំពន្យារពេលដោយសារទឹកជំនន់ ។
លោក ហួន វ៉ន ចៅសង្កាត់ផ្សារឆ្នាំងស្ដីទី បានឱ្យដឹងថា កំណាត់ផ្លូវមួយខ្សែនេះជាគម្រោងមូលនិធិឃុំ សង្កាត់ ក្នុងឆ្នាំ ២០២៥ ។ សម្រាប់សង្កាត់ផ្សារឆ្នាំងគម្រោងសាងសង់ផ្លូវមួយខ្សែនេះដេញបានទៅឈ្មោះ ប៉ូច ខ្វាត់ ជាផ្លូវដីសខាងក្រោមមានប្រវែង ៨៨៤ ម៉ែត្រ ទទឹងខ្នងលើ ៦ម៉ែត្រ កម្ពស់ ១,៥ទៅ ២,៥ ម៉ែត្រ តាមស្ថានភាពដី និងក្រាលគ្រោះក្រហមពីលើមានកម្រាស់ ០,១៥ ម៉ែត្រ ។ ក្រោយការដេញបានក្រុមហ៊ុនបានចូលធ្វើផ្លូវ ខាងលើនេះប៉ុន្តែមិនសម្រេចផែនការឡើយគឺក្នុងឆ្នាំ ២០២៥ ធ្វើបានតែ ៥០% ប៉ុណ្ណោះ ។ ក្រុមហ៊ុនបានសុំពន្យារពេលសាងសង់ បន្តឆ្នាំ ២០២៦ ព្រោះសំអាងហេតុផលមានទឹកជំនន់ ។ បច្ចុប្បន្ននេះក្រុមហ៊ុនបានសុំធ្វើបន្តទៀតហើយ ។ ចំពោះការធ្វើផ្លូវហើយ ៥០ភាគរយ ខាងអាជ្ញាធរសង្កាត់អាចទទួលយកបាន ។
ជុំវិញបញ្ហានេះ ក្រុមហ៊ុនលោក ប៉ូច ខ្វាត់ ភ្នាក់ងារយើងមិនអាចទាក់ទងបានទេ ព្រោះទូរសព្ទចូលតែមិនមានអ្នកលើក ។ ទោះយ៉ាងនេះក្តី ប្រជាពលរដ្ឋអ្នកធ្វើដំណើរបានត្អូញតែថា ក្រុមហ៊ុនធ្វើផ្លូវធ្វើមិនហើយមិនត្រឹមតែបង្កការលំបាកក្នុងការធ្វើដំណើរប៉ុណ្ណោះទេ ពេលនេះក្រុមហ៊ុនចូលធ្វើផ្លូវបន្តទៀតរឹតតែជួបការលំបាកដោយសារ ក្រុមហ៊ុនធ្វើផ្លូវមិនទុកលទ្ធភាពឲ្យការធ្វើដំណើរមួយជំហៀងដោយធ្វើមួយចំហៀងម្ដងនោះទេ ។ មិនត្រឹមតែប៉ុណ្ណឹងក្រុមហ៊ុនធ្វើផ្លូវមិនតាមស្តង់ដាបច្ចេកទេស ទាំងការកិនបង្ហាប់ ទាំងជើងទេ ។ ផ្លូវមួយខ្សែនេះក៏មានសារៈសំខាន់ណាស់ គឺតភ្ជាប់ពីស្រុកជល់គីរីមកដល់ក្រុងកំពង់ឆ្នាំង ។
ជុំវិញក្រុមហ៊ុនធ្វើផ្លូវរបស់ ប៉ូវ ខ្វាក់ ត្រូវបានមតិមហាជនលើកឡើងថា ក្នុងឆ្នាំ ២០២៦ នេះ ក្រុមហ៊ុន ប៉ូវ ខ្វាត់ បានដេញថ្លៃបានធ្វើផ្លូវបេតុង ២ខ្សែបន្ថែមទៀត គឺក្នុងសង្កាត់ប្អេរ ១ខ្សែ និងសង្កាត់កំពង់ឆ្នាំង ១ខ្សែ ដែលមានការព្រួយបារម្ភថា ក្រុមហ៊ុននេះមិនគោរពកិច្ចសន្យាដូចឆ្នាំ ២០២៥ (ធ្វើមិនហើយទាន់ពេលវេលាឆ្លងឆ្នាំ) និងស្នើសុំខាងនាយកទីចាត់ការ ផែនការ និងវិនិយោគសាលាខេត្តកំពង់ឆ្នាំង ពិនិត្យមើលផង ៕
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ