ខេត្តកំពង់ស្ពឺ៖ ក្មេងប្រុសអាយុ១១ឆ្នាំ បានលង់ទឹកស្រះក្រោយភូមិ ខណៈដែលក្មេងប្រុសខាងលើ និងប្អូនប្រុសម្នាក់ទៀតបាននាំគ្នាទៅងូតទឹកលេង ស្រាប់តែឃើញបងប្រុសលង់ទឹក ក្មេងប្រុសជាប្អូនបានរត់ទៅប្រាប់អ្នកភូមិ ប៉ុន្តែហួសពេលបាត់ទៅហើយ។ ហេតុការណ៍ក្មេងប្រុសលង់ទឹកស្លាប់ បានកើតឡើងកាលពីវេលាម៉ោង០២និង០៥នាទីរសៀលថ្ងៃទី០៤…
ខេត្តកំពង់ស្ពឺ៖ ក្មេងប្រុសអាយុ១១ឆ្នាំ បានលង់ទឹកស្រះក្រោយភូមិ ខណៈដែលក្មេងប្រុសខាងលើ និងប្អូនប្រុសម្នាក់ទៀតបាននាំគ្នាទៅងូតទឹកលេង ស្រាប់តែឃើញបងប្រុសលង់ទឹក ក្មេងប្រុសជាប្អូនបានរត់ទៅប្រាប់អ្នកភូមិ ប៉ុន្តែហួសពេលបាត់ទៅហើយ។
ហេតុការណ៍ក្មេងប្រុសលង់ទឹកស្លាប់ បានកើតឡើងកាលពីវេលាម៉ោង០២និង០៥នាទីរសៀលថ្ងៃទី០៤ ខែឧសភា ឆ្នាំ២០២៦ នៅចំណុចស្រះទឹកមួយកន្លែងក្រោយភូមិយស់ជោ ឃុំខ្ទុំក្រាំង ស្រុកសំរោងទង ខេត្តកំពង់ស្ពឺ។
នគរបាលស្រុកសំរោងទងបាននិយាយដឹងថានៅមុនពេលកើតហេតុកាលពីរសៀលថ្ងៃទី០៤ ខែឧសភា ឆ្នាំ២០២៦ មានឈ្មោះ វិរៈ សីហា ភេទប្រុស អាយុ១១ឆ្នាំ និងឈ្មោះ វិរៈ តុលា ភេទប្រុស អាយុ៦ឆ្នាំ ត្រូវជាបងប្អូនបង្កើត រស់នៅក្នុងភូមិយស់ជោ ឃុំខ្ទុំក្រាំង ស្រុកសំរោងទង ខេត្តកំពង់ស្ពឺ បាននាំគ្នាទៅងូតទឹកលេងនៅចំណុចស្រះទឹកខាងកើតភូមិ បន្ទាប់មកឈ្មោះ វិរៈ សីហា បានលង់ទឹក ដោយសារតែមិនអាចជួយបងប្រុសកើត ក្មេងប្រុសជាប្អូនក៏បានរត់ទៅប្រាប់អ្នកភូមិ ដើម្បីឱ្យជួយស្រង់ចេញពីក្នុងទឹក ប៉ុន្តែជាអកុសលបងប្រុសបានស្លាប់បាត់ទៅហើយ។
នគរបាលស្រុកសំរោងទងបានបន្តឲ្យដឹងទៀតថា ករណីខាងលើនេះ ក្រុមគ្រួសារសពក្មេងប្រុសទទួលស្គាល់កូនស្លាប់ដោយលង់ទឹកពិតប្រាកដមែន។អ្នកចូលរួម ជំនាញស្រុក មេប៉ុស្តិ៍រដ្ឋបាលឃុំ ក្រុមប្រឹក្សាឃុំ មេភូមិ ក្រុមគ្រួសារសពផងដែរ។
នគរបាលស្រុកសំរោងទងបានបន្តឲ្យដឹងបន្ថែមទៀតថា ក្រោយពិនិត្យធ្វើកោសល្យវិច័យរួចសមត្ថកិច្ចបានប្រគល់សពក្មេងប្រុសរងគ្រោះជូនសាច់ញាតិក្រុមគ្រួសារយកទៅធ្វើបុណ្យតាមប្រពៃណី៕
ចែករំលែកព័តមាននេះ