JSCCIB កា.ត់បន្ថយទស្សនវិស័យកំណើនសេដ្ឋកិច្ចថៃ ដោយសារវិប.ត្តិថាមពល និងហានិភ័.យអតិផរណា
ទីក្រុងបាងកក ៖ សេដ្ឋកិច្ចរបស់ប្រទេសថៃត្រូវបានគេរំពឹងថា នឹងកើនឡើង ១,២% ទៅ ១,៦% នៅឆ្នាំនេះ ដែលជាការធ្លាក់ចុះពីកំណើន ១,៦%…
ទីក្រុងបាងកក ៖ សេដ្ឋកិច្ចរបស់ប្រទេសថៃត្រូវបានគេរំពឹងថា នឹងកើនឡើង ១,២% ទៅ ១,៦% នៅឆ្នាំនេះ ដែលជាការធ្លាក់ចុះពីកំណើន ១,៦% ទៅ ២% ដែលបានព្យាករណ៍ពីមុន។ នេះបើតាមការអះអាងពីស្ថាប័នសេដ្ឋកិច្ចដ៏មានឥទ្ធិពលបំផុតមួយក្នុងវិស័យឯកជនរបស់ថៃ កាលពីថ្ងៃទី១ ខែមេសា ឆ្នាំ២០២៦ ដោយលើកឡើងពីសញ្ញានៃអតិផរណាជាប់គាំង ចំពេលមានវិបត្តិថាមពលសកល។ នេះបើតាមការចេញផ្សាយពីសារព័ត៌មានចិន ស៊ីនហួរ (Xinhua)។
គណៈកម្មាធិការអចិន្ត្រៃយ៍រួមស្តីពីពាណិជ្ជកម្ម ឧស្សាហកម្ម និងធនាគាររបស់ប្រទេសថៃ ហៅកាត់ JSCCIB បានលើកឡើងថា ជម្លោះអូសបន្លាយនៅមជ្ឈិមបូព៌ាធ្វើឱ្យហានិភ័យនៃការធ្លាក់ចុះសេដ្ឋកិច្ចទូទាំងពិភពលោកកាន់តែខ្លាំងឡើង ដែលត្រូវបានឆ្លុះបញ្ចាំងនៅក្នុងការកើនឡើងមូលបត្របំណុលរដ្ឋាភិបាល និងការធ្លាក់ចុះតម្លៃមាស និងទ្រព្យសកម្មហានិភ័យផ្សេងទៀត។
លោក គ្រៀងក្រៃ ធៀននូកុល (Kriengkrai Thiennukul) ប្រធាន JSCCIB បានថ្លែងថា ការគំរាមកំហែងចម្បងរួមមាន កង្វះខាតទំនិញសំខាន់ៗ ជាពិសេសប្រេង ឧស្ម័នធម្មជាតិ និងវត្ថុធាតុដើម ដែលអាចរារាំងដល់ផលិតកម្មសកល និងជះឥទ្ធិពលដល់ខ្សែសង្វាក់ផ្គត់ផ្គង់ទាំងមូលដល់អ្នកប្រើប្រាស់។
JSCCIB បានបញ្ជាក់នៅក្នុងសេចក្តីថ្លែងការណ៍មួយថា អតិផរណារបស់ប្រទេសថៃសម្រាប់ឆ្នាំ ២០២៦ ឥឡូវនេះត្រូវបានព្យាករណ៍ថានឹងបង្កើនល្បឿនដល់ចន្លោះពី ២% ទៅ ៣% ជាការកើនឡើងយ៉ាងខ្លាំងពីការព្យាករណ៍ពីមុនត្រឹមពី ០,២% ទៅ ០,៧% ។ លោក គ្រៀងក្រៃ បានបន្ថែមថា ការកែសម្រួលនេះ ឆ្លុះបញ្ចាំងពីតម្លៃប្រេងឥន្ធនៈលក់រាយខ្ពស់ជាងមុន ដែលប៉ះពាល់ដោយផ្ទាល់ដល់ការចំណាយលើការរស់នៅ ការប្រើប្រាស់ និងទំនុកចិត្តរបស់វិស័យឯកជន។
JSCCIB ក៏បានកត់សម្គាល់ដែរថា លំហូរនៃវិស័យទេសចរណ៍អាចឃើញភ្ញៀវទេសចរបរទេសតិចជាងប្រហែល១លាននាក់ក្នុងរយៈពេល៣ខែខាងមុខ ដោយសារតែការរឹតបន្តឹងការធ្វើដំណើរសកល៕
ចែករំលែកព័តមាននេះ