ឃាត់មនុស្សចំនួន៥នាក់ ពាក់ព័ន្ធការលួចនាំចូលគ្រឿងសមុទ្រ និងទំនិញខុសច្បាប់ពីថៃ ទម្ងន់ជិត៤តោន
- កោះកុង
ខេត្តកោះកុង ៖ មានការបង្ក្រាបកាលពីថ្ងៃទី២០ ខែតុលា ឆ្នាំ២០២៦ ស្ថិតនៅខេត្តកោះកុង ដោយសមត្ថកិច្ចជំនាញស្ទាក់ចាប់ឃាត់ខ្លួនជនសង្ស័យចំនួន៥នាក់ ព្រមទាំងដកហូតទំនិខុសច្បាប់ចុះចំនួន២ទីតាំងគឺទីតាំងទី១-ស្ថិតនៅភូមិកោះចាក ឃុំទំនប់កោះកុង ស្រុកមណ្ឌលសីមា ខេត្តកោះកុង និងទីតាំងទី២ ស្ថិតនៅចំណុចព្រែកតាមូន ភូមិទួលកុគីក្រោម ឃុំទួលកុគី ស្រុកមណ្ឌលសីមា ខេត្តកោះកុង ។
វត្ថុតាងដែលត្រូវចាប់បានមានដូចជាគ្រឿងសមុទ្រ និងផលិតផលប្រើប្រាស់សរុបទម្ងន់ជិត ៤តោន រួមមាន៖ ក្ដាមស, ត្រីបបែល, ខ្យងដូង, ជង្គង់មាន់, ម្សៅទឹកដោះគោ ខោអាវ ប្រេងម៉ាស៊ីម៉ូតូ ថ្នាំពណ៌ មីម៉ាម៉ា និងទំនិញប្រើប្រាស់ផ្សេងៗជាច្រើនមុខទៀត និងរថយន្តចំនួន២គ្រឿង ដែលប្រើប្រាស់សម្រាប់ដឹកជញ្ជូនទំនិញខុសច្បាប់ទាំងនោះ ។
បច្ចុប្បន្ន ជនសង្ស័យទាំង៥នាក់ រួមទាំងវត្ថុតាងទាំងអស់ ត្រូវបានសមត្ថកិច្ចជំនាញកសាងសំណុំរឿងបញ្ជូនទៅកាន់សាលាដំបូងខេត្ត ដើម្បីចាត់វិធានការតាមផ្លូវច្បាប់បន្តទៀត ៕
ចែករំលែកព័តមាននេះ