ទីក្រុងហាណូយ ៖ ប្រទេសវៀតណាមមានគម្រោងពង្រីកសមត្ថភាពផ្ទុកប្រេងឆៅរបស់ខ្លួន ដោយលោកនាយករដ្ឋមន្ត្រី ផាម មិញជិញ (Pham Minh Chinh) បានជំរុញឱ្យសង់កន្លែងបម្រុងជាតិនៅស្រុក…
ទីក្រុងហាណូយ ៖ ប្រទេសវៀតណាមមានគម្រោងពង្រីកសមត្ថភាពផ្ទុកប្រេងឆៅរបស់ខ្លួន ដោយលោកនាយករដ្ឋមន្ត្រី ផាម មិញជិញ (Pham Minh Chinh) បានជំរុញឱ្យសង់កន្លែងបម្រុងជាតិនៅស្រុក ងី សឺន (Nghi Son) ខេត្តខេត្តថាញហ័រ (Thanh Hoa) និងគម្រោងស្រដៀងគ្នានៅទីតាំងផ្សេងទៀត ដើម្បីពង្រឹងសន្តិសុខថាមពលជាតិ។ នេះបើតាមប្រភពពីសារព័ត៌មានទីភ្នាក់ងារសារព័ត៌មានវៀតណាម (VNA) ចេញផ្សាយ ។
នាយករដ្ឋមន្ត្រីវៀតណាម បានប្រាប់កិច្ចប្រជុំសមាជិករដ្ឋាភិបាលអចិន្ត្រៃយ៍ នៅឯទីក្រុងហាណូយ កាលពីថ្ងៃទី១ ខែមេសា ឆ្នាំ២០២៦ ថា ការសាងសង់កន្លែងស្តុកប្រេងឆៅនៅស្រុក ងី សឺន ផ្អែកលើមូលដ្ឋានគ្រឹះនយោបាយ ច្បាប់ ការអនុវត្តជាក់ស្តែង និងផែនការដ៏រឹងមាំ ដូច្នេះការផ្តោតអារម្មណ៍ត្រូវតែផ្តោតលើការជំរុញគម្រោងជាជាងការពន្យារពេល ឬការដកគម្រោងណាមួយចេញ។
គម្រោងនេះនឹងអនុវត្តតាមផែនការមេស្តីពីហេដ្ឋារចនាសម្ព័ន្ធស្តុក និងផ្គត់ផ្គង់ប្រេងឥន្ធនៈ និងឧស្ម័នជាតិសម្រាប់ឆ្នាំ ២០២១-២០៣០ ជាមួយចក្ខុវិស័យដល់ឆ្នាំ ២០៥០ ដើម្បីដោះស្រាយតម្រូវការបន្ទាន់សម្រាប់ហេដ្ឋារចនាសម្ព័ន្ធថាមពល និងមានសារៈសំខាន់ សម្រាប់ការអភិវឌ្ឍសេដ្ឋកិច្ច និងសន្តិសុខថាមពលជាតិ។
ដោយសារតម្រូវការប្រេងឥន្ធនៈកំពុងកើនឡើង ហើយការផ្គត់ផ្គង់នៅតែពឹងផ្អែកខ្លាំងទៅលើទីផ្សារសកលនោះ ការកសាងស្តុកប្រេងឆៅជាមុន នឹងជួយវៀតណាមកាត់បន្ថយហានិភ័យពីការប្រែប្រួលមិនស្ថិតស្ថេរ ដូចករណីជាក់ស្តែងបច្ចុប្បន្ន ដែលជម្លោះមជ្ឈិមបូព៌ាកំពុងប៉ះពាល់យ៉ាងខ្លាំងដល់ការផ្គត់ផ្គង់ប្រេងក្នុងតំបន់អាស៊ីប៉ាស៊ីហ្វិក។
នៅក្នុងពេលជាមួយគ្នានេះ ឃ្លាំងស្តុកប្រេងឆៅ ងី សឺន ក៏នឹងជំរុញប្រសិទ្ធភាពនៃរោងចក្រចម្រាញ់ប្រេង និងរោងចក្រគីមីឥន្ធនៈ ងី សឺន ដែលប្រតិបត្តិការតាំងពីឆ្នាំ ២០១៨ ផងដែរ ដោយធ្វើឱ្យប្រសើរឡើងនូវខ្សែសង្វាក់ផ្គត់ផ្គង់ និងបង្កើតសន្ទុះសម្រាប់កំណើនសេដ្ឋកិច្ចនៅតំបន់ឆ្នេរភាគខាងជើង និងទូទាំងប្រទេសវៀតណាម៕
ចែករំលែកព័តមាននេះ