ឡានក្រុងអត់ដំបូល បុ.កជាមួយម៉ូតូសណ្តោងរ៉ឺម៉ក២គ្រឿង ឆាបឆេះយ៉ាងសន្ធោសន្ធៅ របួសភ្ញៀវ ៣នាក់ ផ្អើលម្តុំកោះពេជ្រ
- ភ្នំពេញ
រាជធានីភ្នំពេញ ៖ រថយន្តដឹកភ្ញៀវទេសចរណ៍ មួយគ្រឿងបានឆាបឆេះបណ្ដាលឲ្យ អ្នកទេសចរណ៍ចំនួន ៣នាក់បានរងរបួសធ្ងន់ស្រាលខណៈពេលដែលធ្វើដំណើរនៅតាមដងផ្លូវនៅកោះពេជ្រ ជួបគ្រោះថ្នាក់ចរាចរណ៍បុកម៉ូតូសណ្តោង រ៉ឺម៉កចំនួន ២គ្រឿងអូសជាច្រើនម៉ែត្រ។
ហេតុការណ៍គ្រោះថ្នាក់នេះបានកើតឡើងនៅវេលាម៉ោង១០និង៣០នាទីព្រឹក ថ្ងៃទី២៦ ខែឧសភា ឆ្នាំ២០២៦ ស្ថិតនៅ តាមបណ្ដោយមហាវិថីកោះពេជ្រក្នុង ភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
រថយន្តទេសចរណ៍ដែលជួបគ្រោះថ្នាក់ចរាចរណ៍ឆាបឆេះនោះ ពណ៌ក្រហម ពាក់ផ្លាកលេខ ភ្នំពេញ 3F-9899 ជារថយន្ត ក្រុមហ៊ុន បើកបរ ដោយ ឈ្មោះ ជី យ៉ុង ភេទប្រុស អាយុ ៥០ឆ្នាំ ជនជាតិខ្មែរ ។
តាមសាក្សីបានឱ្យដឹងថា នៅមុនពេលកើតហេតុខណៈពេលដែលរថយន្តដឹកភ្ញៀវធ្វើដំណើរទេសចរណ៍នៅកោះពេជ្រក៏បានជួបគ្រោះថ្នាក់ចរាចរណ៍បុកជាមួយម៉ូតូសណ្ដោងរ៉ឺម៉ក ចំនួនពីរគ្រឿងជាបន្តបន្ទាប់និងអូសជាច្រើនម៉ែត្រ បណ្ដាលឲ្យរថយន្តឆាបឆេះផ្សែងហ៊ុយខ្មួលខ្មាញ់និងមានអណ្តាតភ្លើងយ៉ាងសន្ធោសន្ធៅ។
ភ្លាមៗនោះសមត្ថកិច្ចបានចេញរថយន្តចំនួន ៤គ្រឿងទៅអន្តរាគមន៍នៅក្នុងនោះរថយន្តការិយាល័យបង្ការពន្លត់អគ្គីភ័យនិងសង្គ្រោះនៃស្នងការនគរបាលរាជធានីភ្នំពេញចំនួនពីរគ្រឿងនិងរថយន្តកោះពេជ្រចំនួនពីរគ្រឿងហើយភ្លើងបានរលត់ទៅវិញ ។
តាមការិយាល័យបង្ការពន្លត់អគ្គីភ័យនិងសង្គ្រោះនៃស្នងការនគរបាលរាជធានីភ្នំពេញបានឲ្យដឹងថា នៅក្នុងហេតុការណ៍នោះបណ្ដាឲ្យរថយន្តក្រុងដឹកភ្ញៀវទេសចរណ៍ខាងលើរងការខូចខាតប្រមាណ ៧០%ព្រមទាំងម៉ូតូរឺម៉កចំនួន០២គ្រឿងទៀតនិងបង្កអោយភ្ញៀវទេសចរណ៍ បានរងរបួស ចំនួន ០៣នាក់ ជនជាតិខ្មែរម្នាក់ បានរងរបួសធ្ងន់ និងជនជាតិបរទេសចំនួន០២នាក់ (ស្រី)បាន រងរបួសស្រាល។ ចំពោះមូលហេតុដែលកើតមានអគ្គីភ័យនេះបណ្តាលមកពី ឆ្លងចរន្តភ្លើងក្នុងរថយន្តបង្កជាអគ្គិភ័យ៕
ចែករំលែកព័តមាននេះ