សង្គ្រាមអ៉ីរ៉ង់់ ៖ អ៉ីរ៉ង់កាលពីថ្ងៃទី២១ កក្កដា បានវាយប្រហារបណា្ដទីតាំងរ៉ាដាអាមេរិក និងប្រព័ន្ធការពារអាកាសអាមេរិកក្នុងតំបន់ឈូងសមុទ្រពែរ្ស៍ ។ អ៉ីរ៉ង់បានព្រមានអាមេរិកថា នឹងវាយប្រហារកាន់តែខ្លាំងថែមទៀត នាពេលខាងមុខ ក្នុងជម្លោះដែលគំរាមកំហែងពង្រីកកាន់តែធំ ជាមួយការចូលរួមរបស់ពួកឧទ្ទាមហ៊ូធីយេម៉ែន ។
ចំណែកកងទ័ពអាមេរិកវិញ ប្រកាសពីការវាយប្រហារដល់យប់ទី១០ជាប់ៗគ្នាប្រឆាំងអ៉ីរ៉ង់ ពិសេសប្រឆាំងបណ្ដាមជ្ឈមណ្ឌល
ទីបញ្ជាការដ្ឋានយោធា និងបណ្ដាគោលដៅក្នុងសមុទ្រ ដើម្បីកាត់បន្ថយសមត្ថភាពរបស់អ៉ីរ៉ង បន្តការវាយប្រហារលើបណ្ដានាវាពាណិជ្ជកម្មដែលបើកឆ្លងកាត់ច្រកសមុទ្រហ័រមូស ។
កងឆ្មាំបដិវត្តន៍អ៉ីរ៉ង់អះអាងថា នាវាដឹកប្រេង២គ្រឿងត្រូវបានចាប់ឃាត់់ក្នុងច្រកសមុទ្រហ័រមូស ខណៈនាវាទាំង២គ្រឿងនោះបើកតាមផ្លូវដែលអ៉ីរ៉ង់មិនទទួលស្គាល់ក្នុងដែនទឹកអូម៉ង់។ ស្នូរផ្ទុះនានាបណ្ដាលឲ្យមានភ្លើងឆេះក្នុងនាវាទាំង២គ្រឿងនោះ។
ដោយសារជម្លោះរវាងអាមេរិក និងអ៉ីរ៉ង់ចរាចរណ៍តាមផ្លូវសមុទ្រ ក្នុងតំបន់កាន់តែមានការគំរាមកំហែងថែមទៀត ចាប់តាំងពីពួកឧទ្ទាមហ៊ូធីយេម៉ែនប្រកាស ពីការបិទខ្ទប់ផ្លូវសមុទ្ររបស់អារ៉ាប៊ិសាអូឌីតជាប្រទេសនាំប្រេងចេញធំទីមួយនៃពិភពលោក។ បែបនេះជាការគំរាមដល់សមត្ថភាបរបស់ប្រទេសនេះក្នុងការដឹកប្រេងវាងច្រកសមុទ្រហ័រមូស ៕
ចែករំលែកព័តមាននេះ