សមត្ថកិច្ចជំនាញរឿងគ្រឿងញៀនកម្ពុជាបានឲ្យដឹងថា នៅត្រីមាសទី១នៃឆ្នាំ២០២៦នេះ ចំនួនជនសង្ស័យដែលត្រូវសមត្ថកិច្ចឃាត់ថយ ហើយបរិមាណគ្រឿងញៀនដែលរឹបអូសក៏ថយផងដែរ ។ របាយការណ៍នេះបានឲ្យដឹងថា អាជ្ញាធរបានឃុំខ្លួនជនសង្ស័យពាក់ព័ន្ធនឹងគ្រឿងញៀនត្រឹមចំនួន ៤.៦៥៧នាក់ ក្នុងអំឡុងខែមករាដល់ខែមីនាឆ្នាំនេះ ធ្លាក់ចុះ២៣ភាគរយ…
សមត្ថកិច្ចជំនាញរឿងគ្រឿងញៀនកម្ពុជាបានឲ្យដឹងថា នៅត្រីមាសទី១នៃឆ្នាំ២០២៦នេះ ចំនួនជនសង្ស័យដែលត្រូវសមត្ថកិច្ចឃាត់ថយ ហើយបរិមាណគ្រឿងញៀនដែលរឹបអូសក៏ថយផងដែរ ។
របាយការណ៍នេះបានឲ្យដឹងថា អាជ្ញាធរបានឃុំខ្លួនជនសង្ស័យពាក់ព័ន្ធនឹងគ្រឿងញៀនត្រឹមចំនួន ៤.៦៥៧នាក់ ក្នុងអំឡុងខែមករាដល់ខែមីនាឆ្នាំនេះ ធ្លាក់ចុះ២៣ភាគរយ បើធៀបនឹងចំនួនជនសង្ស័យដែលឃាត់ខ្លួនកាលពីរយៈពេលដដែលឆ្នាំទៅចំនួន៦.០៤៨នាក់ ។
ប្រភពដដែលបានបន្តថា ដោយឡែក បរិមាណគ្រឿងញៀនខុសច្បាប់ដែលរឹបអូសគឺមានប្រហែល ៦៨៤គីឡូក្រាមប៉ុណ្ណោះ ខណៈដែលរយៈពេលដដែលឆ្នាំទៅមានប្រមាណជា១,៤តោន។
គ្រឿងញៀនដែលរឹបអូសគឺមានអាភៀន កញ្ឆា កេតាមីន អេស្តាស៊ី ហេរ៉ូអ៊ីន គ្រីស្តាល មេតំហ្វេតាមីន កូកាអ៊ីន និងមេតំហ្វេតាមីនគ្រាប់ជាដើម ។
ចែករំលែកព័តមាននេះ