នៅក្នុងចំណោមប្រេងឥន្ធនៈ ៣ប្រភេទដែលកំពុងតែប្រើប្រាស់នៅកម្ពុជា ប្រេងម៉ាស៊ូតកន្លងមកថោកជាងគេ ប៉ុន្តែចាប់ពីផ្ទុះសង្គ្រាមនៅអ៊ឺរ៉ង់មក វាមានតម្លៃថ្លៃជាងគេបង្អស់ រហូតដល់ពេលនេះ នៅកម្ពុជាយើងមួយលីត្រ ដល់ទៅ៧.៥០០រៀល ។ ប្រេងម៉ាស៊ូតនៅពេលនេះ…
នៅក្នុងចំណោមប្រេងឥន្ធនៈ ៣ប្រភេទដែលកំពុងតែប្រើប្រាស់នៅកម្ពុជា ប្រេងម៉ាស៊ូតកន្លងមកថោកជាងគេ ប៉ុន្តែចាប់ពីផ្ទុះសង្គ្រាមនៅអ៊ឺរ៉ង់មក វាមានតម្លៃថ្លៃជាងគេបង្អស់ រហូតដល់ពេលនេះ នៅកម្ពុជាយើងមួយលីត្រ ដល់ទៅ៧.៥០០រៀល ។
ប្រេងម៉ាស៊ូតនៅពេលនេះ នៅលើបញ្ជីកំពូល នៅតាមស្ថានីយប្រេងឥន្ធនៈនានា ខណៈដែលប្រេងសាំងស៊ុបពែរ មានតម្លៃត្រឹមតែ៦.៥៥០រៀល ហើយប្រេងសាំងធម្មតា គឺត្រឹម ៥.៤៥០រៀល ។
ពាក់ព័ន្ធនឹងបញ្ហានេះ ក្រៅពីពលរដ្ឋកម្ពុជា ដែលឆ្ងល់មហាជននៅសិង្ហបុរី ដែលជាប្រភពផ្គត់ផ្គង់ប្រេងឥន្ធនៈមួយរបស់កម្ពុជាក៏ឆ្ងល់ដែរ រហូតដល់សារព័ត៌មាន Channel News Asia បានចេញអត្ថបទមួយពន្យល់ ។
តាមប្រភពនេះបានឲ្យដឹងថា មូលហេតុសំខាន់ៗ ដែលធ្វើឲ្យប្រេងម៉ាស៊ូតឡើងថ្លៃលើសប្រេងឥន្ធនៈដទៃ ដោយសារការផ្គត់ផ្គងរងផលប៉ះពាល់ខ្លាំង ។
ជាទូទៅគេដឹងថា ប្រេងម៉ាស៊ូតផលិតពីប្រេងឆៅ ប្រភេទធ្ងន់ដែលពឹងផ្អែកខ្លាំងលើតំបន់មជ្ឈិមបូព៌ា ដែលកំពុងតែមានជម្លោះ ស្របពេលដែលរោងចក្រចម្រាញ់ អាចមានសមត្ថភាព បំប្លែងវាមិនបានទាន់តម្រូវការ ។
ម្យ៉ាងវិញទៀត ប្រេងម៉ាស៊ូតនៅពេលនេះ មានតម្រូវការខ្ពស់ពីព្រោះវារថយន្តដឹកជញ្ជូនធំៗ ក៏ដូចជា គ្រឿងយន្តកសិកម្មច្រើនប្រើម៉ាស៊ូតទាំងអស់ ខណៈដែលប្រេងសាំងត្បិតមានតម្រូវការច្រើនមែន ប៉ុន្តែប្រជាពលរដ្ឋគេអាចមានជម្រើសផ្សេងៗដូចជា ប្រើមធ្យោបាយដឹកជញ្ជូនសាធារណៈ ហើយបរិមាណស្តុកក៏មានច្រើនដែរ ដូច្នេះហើយ ទើបវាស្ថិតនៅក្នុងស្ថានភាពនេះ ។
តាមប្រភពខាងលើ បានឲ្យដឹងថា ប្រេងម៉ាស៊ូត វាថ្លៃនៅពេលនេះ ដោយសារតែបរិមាណនៃការផ្គត់ផ្គង់តិច ហើយតម្រូវការវិញគឺពិបាកកាត់បន្ថយ ៕
ចែករំលែកព័តមាននេះ