កំពូលតារាសម្តែងហូលីវូដដ៏ល្បីល្បាញអ្នកនាង Angelina Jolie បានបង្ហាញវត្តមានជាថ្មីម្តងទៀតនៅលើទឹដីនៃប្រទេសកម្ពុជា បន្ទាប់ពីតារាសម្តែងរូបនេះ ធ្លាប់មកកាន់កម្ពុជាជាលើកដំបូងបំផុតកាលពីអំឡុងឆ្នាំ២០០២ ក្នុងពេលដែលនាងមកសម្តែងភាពយន្ត ។ តារាហូលីវូដនាង Angelina…
កំពូលតារាសម្តែងហូលីវូដដ៏ល្បីល្បាញអ្នកនាង Angelina Jolie បានបង្ហាញវត្តមានជាថ្មីម្តងទៀតនៅលើទឹដីនៃប្រទេសកម្ពុជា បន្ទាប់ពីតារាសម្តែងរូបនេះ ធ្លាប់មកកាន់កម្ពុជាជាលើកដំបូងបំផុតកាលពីអំឡុងឆ្នាំ២០០២ ក្នុងពេលដែលនាងមកសម្តែងភាពយន្ត ។
តារាហូលីវូដនាង Angelina Jolie បានទៅលេងវិទ្យាល័យមួយនៅស្រុកសំឡូត កាលពីថ្ងៃទី១ ខែ
មេសា ដើម្បីស្វែងយល់បន្ថែមអំពីការសិក្សា និងស្វែងយល់ពីវឌ្ឍនភាពនៃការស្នាក់នៅអន្តេវាសិកដ្ឋាន ។
យោងតាមក្រសួងអប់រំ យុវជន និងកីឡា ដំណើរទស្សនកិច្ចរបស់ជូលី មានគោលបំណងស្វែងយល់កាន់តែច្បាស់ពីវឌ្ឍនភាពរបស់សិស្សានុសិស្សក្នុងស្រុក ជាពិសេសអ្នកដែលស្នាក់នៅអន្តេវាសិកដ្ឋាន។ ទំនាក់ទំនងរបស់ Jolie មកកាន់ប្រទេសកម្ពុជា មានអាយុកាលជាងពីរទស
វត្សរ៍។
នាងបានមកដល់ដំបូងក្នុងឆ្នាំ២០០០ ពេលថតរឿង Lara Croft: Tomb Raider ជាភាពយន្តជោគជ័យជាសាកលដែលណែនាំប្រាសាទអង្គរវត្តដល់ទស្សនិកជនលោកខាងលិច ។ ទំនាក់ទំនងរបស់នាងជាមួយប្រទេសកម្ពុជា កាន់តែស៊ីជម្រៅនៅពេលដែលអ្នកនាងបានទទួលចិញ្ចឹមកូនប្រុសខ្មែរមួយរូបដែលមានឈ្មោះថា Maddox Jolie-Pitt ក្នុងឆ្នាំ២០០២ ហើយ ក្រោយមក នាងត្រូវបានផ្តល់សញ្ជាតិកម្ពុជានៅឆ្នាំ ២០០៥ ។
នៅឆ្នាំ២០០៦ អ្នកនាង Angelina Jolie ក៏បានបង្កើតមូលនិធិមួយឈ្មោះ Maddox Jolie-Pitt នៅស្រុកសំឡូត ខេត្តបាត់ដំបង ។ មូលនិធិនេះ ផ្តោតលើការអភិរក្សបរិស្ថាន ការការពារសត្វព្រៃ សុខភាពសាធារណៈ និងការលើកកម្ពស់ជីវភាពរស់នៅក្នុងស្រុក ។
តារាសម្តែងស្រីរូបនេះ នៅតែចូលរួមយ៉ាងសកម្មក្នុងកិច្ចខិតខំប្រឹងប្រែងលើការងារមនុស្សធម៌ក្នុងប្រទេសកម្ពុជាក្នុងរយៈពេលជាច្រើនឆ្នាំកន្លងមកនេះ ហើយនៅក្នុងឆ្នាំ២០២៣ នាងក៏បានបង្ហាញនូវគោលបំណងផងដែរថានាងបាននឹងពិចារណាការតាំងទីលំនៅនៅក្នុងប្រទេសកម្ពុជា ៕
ចែករំលែកព័តមាននេះ