ខេត្តបន្ទាយមានជ័យ ៖ យុវជនម្នាក់រស់នៅក្រុងប៉ោយប៉ែតមកលេងជីតាបាន១សប្តាហ៍ទៅលេងទឹកស្រៈលង់បាន១យប់១ថ្ងៃទើបអណ្តែតប្រទៈឃើញសាកសពនៅល្ងាចថ្ងៃទី០១ ខែមេសា ឆ្នាំ២០២៦នៅវាលស្រែខាងជើងភូមិកោះកែវ ឃុំឫស្សីក្រោក ស្រុកមង្គលបូរី។
កម្លាំងប៉ុស្តិ៍នគរបាលរដ្ឋបាលឃុំឫស្សីក្រោកបានប្រាប់ថា យុវជនដែលលងទឹកស្លាប់អាយុ១៤ឆ្នាំរស់នៅក្រុងប៉ោយប៉ែត បានមកលេងជាជីតារយៈពេល១សប្តាហ៍ហើយនៅរសៀលថ្ងៃទី៣១ ខែមីនា ឆ្នាំ២០២៦បាននាំបងប្អូន៣នាក់មានម្នាក់ជាប្អូនប្រុសបង្កើតនិងម្នាក់ទៀតជាប្អូនជីដូនមួយបាននាំគ្នាទៅលេងទឹកស្រៈនៅខាងជើងភូមិប្រមាណជិត៥០០ម៉ែត្រ ក្រោយលេងទឹក ស្រាប់តែបងប្អូនលង់ទឹងស្រៈបាត់ហើយនាំគ្នារត់ទៅប្រាប់អ្នកជិតខាងជួយរកមិនឃើញហើយមកប្រាប់ជីតា។
កម្លាំងប៉ុស្តិ៍នគរបាលបានបញ្ជាក់ថា ក្រោយជីតាមកប្រាប់អាជ្ញាធរភូមិនិងប៉ុស្តិ៍នគរបាលបាននាំគ្នាទៅរាវរករហូតដល់យប់រកមិនឃើញ ព្រោះទឹកស្រៈមានទំហំជាង១ហិកតាមានជម្រៅជិត១០ម៉ែត្រលុះដល់ព្រឹកឡើងគ្រួសារយុវជនដែលលង់ទឹកបាតគឺម្តាយបានមកមាត់ស្រៈដុតធូបបុណ្យស្រន់ទៅល្ងាចថ្ងៃទី០១ ខែមេសា ឆ្នាំ២០២៦ប្រហែលជាម៉ោង៤ឃើញសាកសពអណ្តែតឡើងលើទឹកត្រូវបានស្រង់ឡើងគោក។
កម្លាំងប៉ុស្តិ៍នគរបាលបានបញ្ជាក់ថា៖ក្រោយកម្លាំងជំនាញបានពិនិត្យលើសាកសពយុវជនរងគ្រោះពិតជាស្លាប់ដោយលង់ទឹករយៈពេល១យប់១ថ្ងៃទើបសាកសពអណ្តែងឡើងក្រោយពេលពិនិត្យសាកសពហើយប្រគល់ជូនសាច់ញាតិទទួលយកទៅធ្វើបុណ្យតាមប្រពៃណីយ៍នៅវត្តឫស្សីក្រោកព្រោះស្ថានភាពគ្រួសារបានភាពពិបាក ៕
ចែករំលែកព័តមាននេះ