រាជធានីភ្នំពេញ ៖ ទំហំទឹកប្រាក់នាំចូលសម្ភារសំណង់ និងដែក ពីប្រទេសថៃ នៅតែបន្តមាន ប៉ុន្តែវាបានធ្លាក់ចុះខ្លាំង គួរឲ្យកត់សម្គាល់ បើប្រៀបធៀបរវាងប៉ុន្មានខែដើមឆ្នាំ២០២៦ ជាមួយនឹងឆ្នាំ២០២៥…
រាជធានីភ្នំពេញ ៖ ទំហំទឹកប្រាក់នាំចូលសម្ភារសំណង់ និងដែក ពីប្រទេសថៃ នៅតែបន្តមាន ប៉ុន្តែវាបានធ្លាក់ចុះខ្លាំង គួរឲ្យកត់សម្គាល់ បើប្រៀបធៀបរវាងប៉ុន្មានខែដើមឆ្នាំ២០២៦ ជាមួយនឹងឆ្នាំ២០២៥ ។
ស្ថិតិ នៃការនាំចូលសម្ភារសំណង់ និងដែក ដែលគេបានកត់ត្រាពីខែមករា ដល់ដើមខែមេសា ឆ្នាំ២០២៦ ដែលបង្ហើបដោយប្រភពផ្លូវការមួយ បានឲ្យដឹងថា ទំហំសរុប នៃការនាំចូលផលិតផលទាំងនេះ មានតម្លៃជិត២៣លានដុល្លារ ។
ប្រភពដដែល បានអះអាងថា សម្ភារសំណង់ ដែលនៅបន្តនាំចូលពីថៃ មកកម្ពុជា នាត្រីមាសទី១ ដើមឆ្នាំ២០២៦ ត្រូវបានគេដឹងថា គឺមានតម្លៃជាង២០,៥៦លានដុល្លារ ធ្លាក់ចុះជិត៥២ភាគរយ បើធៀបនឹងទំហំនាំចូល ៤២,៦៣លានដុល្លារ នៅក្នុងរយៈពេលដដែលកាលពីឆ្នាំ២០២៥ ។
ប្រភពដដែល បានបន្ថែមទៀតថា សម្រាប់ផលិតផលដែក និងដែកថែបវិញ បរិមាណនាំចូលពីថៃ នៅក្នុងរយៈពេលដដែល គឺមានតម្លៃ ២,២៨លានដុល្លារ ធ្លាក់ចុះប្រមាណជាជាង ៣៩ភាគរយ ។
សម្ភារសំណង់ និងដែក មិនមែនជាផលិតផលជាប់បម្រាមនាំចូលពីថៃនោះឡើយ ប៉ុន្តែទោះជាយ៉ាងណា ក៏វាជាប់បម្រាមចំពោះការនាំចូលតាមព្រំដែនជាមួយនឹងថៃ ៕
ចែករំលែកព័តមាននេះ