ADផ្ទាំងផ្សព្វផ្សាយពាណិជ្ជកម្ម

Picture

មិនធម្មតាទេ! ដាក់កាមេរ៉ាស្វ័យប្រវត្តិក្នុងព្រៃ ត្រឹមតែ១ខែ ប្រមូលបានទិន្នន័យសត្វព្រៃជិត ៧ពាន់កំណត់ត្រា ពិសេសវត្តមានដំរីអាស៊ីដ៏ច្រើន

11 ម៉ោង មុន

លទ្ធផល​ថ្មី​ពី​ការ​តាមដាន​ដោយ​កាមេរ៉ា​ស្វ័យប្រវត្តិ កំពុង​រួមចំណែក​ពង្រឹង​កិច្ច​ខិតខំ​ប្រឹងប្រែង​អភិរក្ស​ដំរី​អាស៊ី​ឆ្លង​ដែន​រវាង​កម្ពុជា និង​វៀតណាម ។ នេះ​បើ​យោង​តាម​ផេ​ក​WWF-​កម្ពុជា​បាន​ប្រកាស​នា​ថ្ងៃ​ទី​២០ ខែវិច្ឆិកា​នេះ ។

ជា​ផ្នែក​មួយ​នៃ​គម្រោង​អភិរក្ស​ឆ្លង​ដែន កាមេរ៉ា​ស្វ័យប្រវត្តិ​ចំនួន​៤១ គ្រឿង ត្រូវ​បាន​ដាក់​ពង្រាយ​នៅ​ទូ​ទាំង​តំបន់​គោលដៅ​របស់​គម្រោង​។ បន្ទាប់​ពី​ការ​តាមដាន​រយៈពេល​ត្រឹមតែ​មួយ​ខែ កាមេរ៉ា​បាន​កត់ត្រា​ទិន្នន័យ​ចំនួន​៦,៩៤៨ កំណត់​ត្រា អំពី​សត្វព្រៃ សកម្មភាព​មនុស្ស និង​បរិស្ថាន ។ ក្នុង​នោះ រូបភាព និង​វី​ដេ​អូ​ដំរី​អាស៊ី ចំនួន​១,៣៤៥ ត្រូវ​បាន​ថត​បាន​នៅ​១៥ ទីតាំង ។

ជាមួយ​គ្នា​នោះ​ដែ​ត កាមេរ៉ា​ក៏​បាន​កត់ត្រា វត្តមាន​សត្វព្រៃ​ផ្សេង​ទៀត រួម​មាន​ជ្រូកព្រៃ ឈ្លូស ស្វា កំប្រុក និង​ប្រភេទ​សត្វព្រៃ​ផ្សេង​ៗ ដែល​ផ្តល់​នូវ​ព័ត៌មាន​មូលដ្ឋាន​ដ៏​មាន​តម្លៃ​ស្តី​ពី​ជីវៈចម្រុះ​នៅ​ទូ​ទាំង​តំបន់ ។ ការ​តាមដាន និង​ថត​ដោយ​កាមេរ៉ា​ស្វ័យប្រវត្តិ​នឹង​បន្ត​ពេញ​មួយ​រដូវប្រាំង ដើម្បី​ស្វែង​យល់​ឱ្យ​កាន់តែ​ច្បាស់​អំពី​វត្តមាន និង​លំនាំ​នៃ​ការ​ផ្លាស់​ទី​របស់​ដំរី​អាស៊ី ព្រមទាំង​គាំទ្រ​ដល់​កិច្ចសហការ​អភិរក្ស​ឆ្លង​ដែន​រវាង​កម្ពុជា និង​វៀតណាម ។

លទ្ធផល​ទាំងនេះ​កើត​ចេញពី​កិច្ច​ខិតខំ​ប្រឹងប្រែង​អភិរក្ស​រួម​គ្នា ។ យើង​សូម​ថ្លែងអំណរគុណ​ដល់​ក្រសួងបរិស្ថាន​, WWF-Sweden WWF-Belgium WWF-US អាជ្ញាធរ​មូលដ្ឋាន និង​សហគមន៍​មូលដ្ឋាន ដែល​បាន​ផ្តល់​ការ​គាំទ្រ និង​កិច្ចសហការ​ដ៏​មាន​តម្លៃ ដើម្បី​រួមចំណែក​ពង្រឹង​ការ​អភិរក្ស​ដំរី​អាស៊ី​ឆ្លង​ដែន​រវាង​កម្ពុជា និង​វៀតណាម ៕