សហរដ្ឋអាមេរិក ៖ ប្រធានាធិបតីអាមេរិក លោកដូណាល់ត្រាំ បានបោះជំហានទៅមុខថ្មី ក្នុងការតស៊ូរបស់សហព័ន្ធប្រឆាំងការរត់ពន្ធគ្រឿងញៀន។ លោកថាជាមួយក្រិត្យមួយដែលលោកចុះហត្ថលេខានាថ្ងៃទី១៥ធ្នូ គឺយើងចាត់បញ្ចូលជាផ្លូវការគ្រឿងញៀនFENTANYLថាជាអាវុធសម្លាប់រង្គាល។ លោកត្រាំបានប្រៀបធៀបឥទ្ធិពលរបស់វា ទៅនឹងឥទ្ធិពលរបស់គ្រឿងអាវុធយោធា…
សហរដ្ឋអាមេរិក ៖ ប្រធានាធិបតីអាមេរិក លោកដូណាល់ត្រាំ បានបោះជំហានទៅមុខថ្មី ក្នុងការតស៊ូរបស់សហព័ន្ធប្រឆាំងការរត់ពន្ធគ្រឿងញៀន។ លោកថាជាមួយក្រិត្យមួយដែលលោកចុះហត្ថលេខានាថ្ងៃទី១៥ធ្នូ គឺយើងចាត់បញ្ចូលជាផ្លូវការគ្រឿងញៀនFENTANYLថាជាអាវុធសម្លាប់រង្គាល។
លោកត្រាំបានប្រៀបធៀបឥទ្ធិពលរបស់វា ទៅនឹងឥទ្ធិពលរបស់គ្រឿងអាវុធយោធា ។ លោកថា ជាមួយគ្រឿងញៀននោះ ពុំមានគ្រាប់បែកណាមួយ ដែលអាចធ្វើឲ្យមនុស្សស្លាប់ពី២០០.០០០ទៅ៣០០.០០០នាក់ ក្នុងមួយឆ្នាំៗឡើយ។ នេះជាការវាយតម្លៃដែលលើសឆ្ងាយពីតួលេខផ្លូវការ ប្រកាសនាពេលថ្មីៗនេះ ។
យោងតាមមជ្ឈមណ្ឌលត្រួតពិនិត្យនិងបង្ការជំងឺCDCអាមេរិកថា មនុស្សប្រមាណជា៨០.០០០នាក់ស្លាប់ ដោយសារការប្រើគ្រឿងញៀនលើសចំណុះនៅសហរដ្ឋអាមេរិកកាលពីឆ្នាំ២០២៤ ។ ក្នុងចំណោមអ្នកស្លាប់ទាំងនេះ៤៨.០០០នាក់ ដោយការប្រើគ្រឿងញៀនសំយោគ ពិសេសបំផុតគ្រឿងញៀនFENTANYL។
ក្រិត្យប្រធានាធិបតីគូសបញ្ជាក់ថា សារធាតុនេះប្រៀបដូចជាអាវុធគីមីមួយជាជាងគ្រឿងញៀន ។ ក្រិត្យនោះទម្លាក់ការទទួលខុសត្រូវលើបណ្ដាបណ្ដាញឧក្រិដ្ឋកម្មដែលមានការរៀបចំដោយវាយតម្លៃថា ការផលិតនិងការចែកចាយFENTANYLកំរាមកំហែងដល់សន្តិសុខជាតិរបស់យើង និងបង្កអានាធិបតេយ្យនៅទ្វីបអាមេរិក ៕
ចែករំលែកព័តមាននេះ