(ចិន)៖ ប្រព័ន្ធផ្សព្វផ្សាយរដ្ឋបានរាយការណ៍នៅថ្ងៃព្រហស្បតិ៍ថា ហេតុការណ៍បាក់ស្រុតផ្លូវល្បឿនលឿនមួយ នៅក្នុងខេត្តក្វាងទុង របស់ប្រទេសចិន បានសម្លាប់មនុស្ស ៣៦នាក់ និងរបួស ៣០នាក់ផ្សេងទៀត។
ហេតុការណ៍នេះបានកើតឡើងកាលពីវេលាម៉ោង២និង១០នាទីរំលងអធ្រាត្រ ឈានចូលថ្ងៃទី០១ ខែឧសភា នៅលើផ្លូវល្បឿនលឿន នៅ ទីក្រុង ម៉ីចូវ ខេត្តក្វាងទុង។ មន្ត្រីបាននិយាយថា ផ្នែកដែលបាក់ស្រុងនោះមានប្រវែង ១៧,៩ ម៉ែត្រ និងមានផ្ទៃក្រឡា ១៨៤,៣ ម៉ែត្រការ៉េ។
យោងតាមទីភ្នាក់ងារព័ត៌មាន ស៊ីនហួរ គិតត្រឹមម៉ោង ១១៖៤៥នាទីព្រឹកនេះ (ម៉ោងក្នុងតំបន់) បន្ទាប់ពីពិនិត្យនៅនឹងកន្លែង គ្រោះថ្នាក់ចរាចរណ៍នេះ បណ្តាលឲ្យក្រឡាប់រថយន្តសរុប ១៨គ្រឿង។ មនុស្សសរុបចំនួន៤៩នាក់ បានជួបគ្រោះថ្នាក់ ១៩នាក់ ត្រូវបានបញ្ជាក់ថាបានស្លាប់នៅនឹងកន្លែងកើតហេតុ និង ៣០នាក់ផ្សេងទៀតត្រូវបានបញ្ជូនទៅមន្ទីរពេទ្យដើម្បីព្យាបាល។
បច្ចុប្បន្ន ផ្លូវExpressway មួយនេះ ត្រូវបានបិទទាំងសងខាង មិនឱ្យធ្វើចរាចរណ៍ ហើយមូលហេតុនៃគ្រោះថ្នាក់នេះក៏កំពុងត្រូវបានសមត្ថកិច្ចស៊ើបអង្កេតផងដែរ៕ ប្រភព៖ https://english.news.cn/china/index.htm
ចែករំលែកព័តមាននេះ