ដូចការរំពឹងទុក នៅទីបំផុត លោកជំទាវឧកញ៉ា ស្រីតូច ចំណាន បានឈ្នះការបោះឆ្នោតក្លាយជាប្រធានសមាគមសិល្បករខ្មែរអាណត្តិថ្មី ក្នុងការរៀបចំការបោះឆ្នោតដែលបានរៀបចំធ្វើឡើងនៅរាជបណ្ឌិតសភាកម្ពុជា នាព្រឹកថ្ងៃទី២ ខែឧសភា ឆ្នាំ២០២៤…
ដូចការរំពឹងទុក នៅទីបំផុត លោកជំទាវឧកញ៉ា ស្រីតូច ចំណាន បានឈ្នះការបោះឆ្នោតក្លាយជាប្រធានសមាគមសិល្បករខ្មែរអាណត្តិថ្មី ក្នុងការរៀបចំការបោះឆ្នោតដែលបានរៀបចំធ្វើឡើងនៅរាជបណ្ឌិតសភាកម្ពុជា នាព្រឹកថ្ងៃទី២ ខែឧសភា ឆ្នាំ២០២៤ នេះ ។
លោកជំទាវអ្នកឧកញ៉ាបានទទួលបានសម្លេងឆ្នោត៥៦៧សម្លេង ក្នុងចំណោមសម្លេងឆ្នោតចំនួន៦០០នៃអង្គបោះឆ្នោត ដោយលោកជំទាវអ្នកឧកញ៉ា បានឈ្នះយ៉ាងលើសលប់ទៅលើបេក្ខភាព២រូប គឺលោក គួច ខេវិន និងលោក ផាត់ ដារារត្ន ។
នៅមុនការបោះឆ្នោត លោកជំទាវអ្នកឧកញ៉ា ស្រី តូច ចំណាន បានលើកប្តេជ្ញាចិត្តថា នៅពេលលោកជំទាវបានឡើងជាប្រធាន និងជំទាវនឹងដឹកនាំសមាគមសិល្បះករខ្មែរ សហការជាមួយក្រសួងវប្បធម៌ និងស្ថាប័នពាក់ព័ន្ធ រៀបយុទ្ធនាការរួមគ្នាស្របតាមគោលនយោបាយជាតិ ក្នុងការអភិវឌ្ឍន៍ និងអភិរក្សសិល្បះជម្រុញសេដ្ឋកិច្ច និងឆ្លើយតបយុទ្ធសាស្ត្របញ្ចកោណរបស់រាជរដ្ឋាភិបាលអាណត្តិទី៧។
លោកជំទាវបន្ថែមថា សមាគមនិងពិនិត្យមើលលទ្ធភាពការបណ្តាក់ទុន និងគៀងគរអ្នកមានធនធាននៅកម្ពុជាឲ្យមកបណ្តាក់ទុកលើវិស័យសិល្បះដូចជាភាពយន្តកាន់តែមានគុណភាព ដើម្បីពង្រីកទីផ្សារក្នុងតំបន់ ។
យ៉ាងណា លោកជំទាវក៏សូមអរគុណដល់គ្រួសារ និងកូនៗដែលបានគាំទ្រដល់រូបលោកជំទាវឲ្យឈរឈ្មោះជាប្រធានសមាគមសិល្បករខ្មែរនាពេលនេះ ដែលលោកជំទាវក៏ចង់ប្រើពេលដែលនៅសេសសល់នាពេលនេះ ចូលរួមជួយសិល្បះ ក្នុងនាមលោកជំទាវក៏ជាអតីតអ្នកសិល្បះមួយរូបផងដែរ ។
លោកជំទាវក៏បានធ្វើការអំពាវនាវដល់អ្នកសិល្បៈទាំងអស់រួមគ្នាទៅមុខទាំងអស់គ្នា ហើយលោកជំទាវសន្យាថា នឹងនាំសិល្បៈវប្បធម៌ខ្មែរយើងទៅបង្ហាញលើឆាកអន្តរជាតិ ៕
ចែករំលែកព័តមាននេះ