បញ្ហាបន្ទាន់គឺថាត្រូវគ្រប់គ្រងកងទ័ពរបៀបណា ? ម៉ៅភ័យខ្លាចក្រែងលីនពាវដែលជារដ្ឋមន្ត្រីការពារប្រទេសចិនប្រើប្រាស់កងទ័ពរបស់ខ្លួនសំរាប់នាំធ្វើបដិវត្តន៍ដណ្តើមត្រួតត្រារដ្ឋាភិបាល ។ ម៉ៅមានមតិថា “គណបក្សគ្រប់គ្រងអាវុធ អាវុធពុំត្រូវយកមកគ្រប់គ្រងគណបក្សទេ” គេមិនដឹងថា តើលីនពាវមានគំរោងក្បត់ធ្វើឃាតម៉ៅដែរឫអត់តែម៉ៅ ពេលនោះបានប្រកាសថាលីនពាវបានស្លាប់នៅក្នុង…
បញ្ហាបន្ទាន់គឺថាត្រូវគ្រប់គ្រងកងទ័ពរបៀបណា ? ម៉ៅភ័យខ្លាចក្រែងលីនពាវដែលជារដ្ឋមន្ត្រីការពារប្រទេសចិនប្រើប្រាស់កងទ័ពរបស់ខ្លួនសំរាប់នាំធ្វើបដិវត្តន៍ដណ្តើមត្រួតត្រារដ្ឋាភិបាល ។ ម៉ៅមានមតិថា “គណបក្សគ្រប់គ្រងអាវុធ អាវុធពុំត្រូវយកមកគ្រប់គ្រងគណបក្សទេ” គេមិនដឹងថា តើលីនពាវមានគំរោងក្បត់ធ្វើឃាតម៉ៅដែរឫអត់តែម៉ៅ ពេលនោះបានប្រកាសថាលីនពាវបានស្លាប់នៅក្នុង គ្រោះថា្នក់ធ្លាក់យន្តហោះនៅប្រទេស ម៉ុងហ្គោលីក្នុងពេលដែលគាត់ត្រូវគេសន្មតថា កំពុងព្យាយាមរត់គេចខ្លួនទៅរុស្សី ។ អ្វីដែលជាការពិតប្រហែលជាមានមនុស្សតិចណាស់បានដឹង ។
ម៉ៅសេទុង និងការលេងសន្លឹកបៀរអាមេរិក
មិនយូរប៉ុន្មានម៉ៅបានសំរេចចិត្តពង្រឹងទំនាក់ទំនងជាមួយគូប្រជែងរបស់ខ្លួន គឺសហភាពសូវៀតនិងសហរដ្ឋអាមេរិក ។ នៅក្នុងកាយវិការមួយដែលធ្វើអោយពិភពលោកភ្ញាក់ផ្អើល ម៉ៅសេទុងក្នុងទឹកមុខញញឹមពព្រាយបានស្វាគមន៍ប្រធានាធិបតីអាមេរិក រីឆាត និចសុននៅត្រូវប៉េនាឆ្នាំ១៩៧២ ។ អស់រយៈពេលជាច្រើនឆ្នាំម៉ៅបាននិយាយបរិហារអាមេរិកថាជាមហាសត្រូវបដិវត្តន៍ ។ ពួកប្រឆាំងក្រហមធ្លាប់ទាត់ធាក់និងយកកាំបិតចំពុះទុងចាត់រូបទីងមោងអាមេរិក ។ ឯកូនប្រុសបង្កើតរបស់ម៉ៅបានបាត់បង់ជីវិតក្នុងការវាយប្រយុទ្ធប្រឆាំងអាមេរិកនៅក្នុងសង្គ្រាមកូរ៉េ ។
ឥឡូវវាច្បាស់ណាស់ថាលោកត្រូវការពេលវេលាសំរាប់ស្ថាបនាសេដ្ឋកិច្ចនិងពង្រឹងកងទ័ពចិនឡើងវិញ ឯអាមេរិកយ៉ាងហោចណាស់ក៏អាចជួយទប់ការវាតទីរបស់រុស្សីបានដែរ ។ ក្រោយដំណើរទស្សនកិច្ចនៅចិន ប្រធានាធិបតីអាមេរិកនិចសុនបានប្រកាសថា ការធ្វើដំណើរទៅទីនោះគឺដើម្បី “លេងសន្លឹកបៀចិន” ។ តែការពិតគំនិតមិត្តភាពបានចាប់ផ្តើមកើតមានសំរាប់ម៉ៅ ។ សំរាប់ម៉ៅ វាក៏ជាបញ្ហា “លេងសន្លឹកបៀអាមេរិក”ដែរ ។ តែជាលទ្ធផលទំនាក់ទំនងរវាងប្រទេសទាំងពីរបានចាប់ផ្តើមលូតលាស់សន្សឹមៗ ។
ជីវិតចុងក្រោយរបស់ម៉ៅ សេទុង
បន្ទាប់ពីរដំណើររបស់និចសុនរួចមក ម៉ៅបានចាប់ផ្តើមបន្ថយការងារផ្ទាស់ខ្លូន ។ លោកលែងធ្វើការពី១២ទៅ១៤ម៉ោងក្នុង១ថ្ងៃ ដូចជាអង្គុយសំកុកអានរហូតដល់យប់ជ្រៅក្រោយពីការងារដ៏នឿយហត់នៅពេលថ្ងៃទៀតហើយ ។ នៅអាយុ៨០ឆ្នាំលោកបានដឹងខ្លួនថាអវសាននៃជីវិតរបស់លោកជិតឈានចូលមកដល់ហើយ ។ សម្តីរបស់គាត់ចាប់ផ្តើមញ័រឯមុខឡើងជ្រូញ ។ ជាបណ្តើរៗលោកបានប្រគល់ភារកិច្ចប្រចាំថ្ងៃក្នុងរដ្ឋាភិបាលទៅ អោយមិត្តចាស់តាំងពីជំនាន់ “មហាដំណើរ”ម្នាក់ទៀតកាន់ជំនួយ គឺលោកជូអេន ឡាយ ។ ទន្ទឹមនឹងអស់សង្ឈឹមដោយសារតែបរាជ័យនៃបដិវត្តន៍វប្បធម៌ ម៉ៅក៏បារម្ភពីអ្វីដែលនឹងកើតមានឡើងក្រោយពេលលោកស្លាប់ទៅដែរ ។ ក្នុងកំណាព្យមួយជូនលោកជូអេនឡាយម៉ៅបានសម្តែងការព្រួយបារម្ភថាៈ
-ឥឡូវប្រទេសជាតិបានក្លាយជាក្រហម តើនរណានឹងទៅជាអ្នកការពារវា ? បេសកម្ម
មិនទាន់បញ្ចប់របស់យើងអាចត្រូវការពេលរាប់ឆ្នាំទៅមុខទៀត ។
-ការតស៊ូធ្វើអោយអស់កាយពល ឯសក់់យើងកាន់តែស ។ អ្នកនិងខ្ញុំជាមិត្តចាស់តើយើង
គ្រាន់តែអាចសំឡឹងមើលសមិទ្ធផលរបស់យើងរបូតរបេះទៅឬ ? នៅខែមករា ១៩៧៦ លោកជូអេន ឡាយ បានទទួលមរណភាព ។ ម៉ៅសេទុងក៏លាចាកលោកយើងនេះទៅទៀតនៅថ្ងៃ៩ កញ្ញាក្នុងឆ្នាំ១៩៧៦ដដែល ។ ចាប់ពីលែងលះជាមួយនាង ឈិញម៉ៅ មាននារីក្មេងៗពីរនាក់នៅមើលថែទាំរហូតដល់ថ្ងៃលោកស្លាប់ ។ ក្រោយមរណភាពរបស់ម៉ៅការតស៊ូអំណាចមួយបានកើតឡើង ។ រឿងនេះនឹងមានផ្សាយជូននៅវគ្គបន្តទៀត ៕ កែសម្រួលដោយ ៖ សុឃាក់
បញ្ជាក់ ៖ នេះវគ្គទី១ មេដឹកនាំចិនដែលផុសចេញពីគ្រួសារកសិករ
វគ្គទី២ ស្នេហាដំបូងរបស់ម៉ៅ សេទុង
វគ្គទី៣ ម៉ៅ សេទុង និងការប្រកាសកាត់សក់កំប៉ោយចេញ
វគ្គទី៤ សម្រាប់ម៉ៅ សេទុង ការដណ្តើមបេះដូងកសិករ គឺជាផ្លូវឆ្ពោះទៅការគ្រប់គ្រងអំណាច
វគ្គទី៥ មហាដំណើរថ្មើជើងដ៏ល្បីល្បាញក្នុងប្រវត្តិសាស្ត្រចិន
វគ្គទី៦ ស្នេហារបស់ម៉ៅ និងឥទ្ឋិពលលើនយោបាយ
វគ្គទី៧ ការកកើតសាធារណរដ្ឋប្រជាមានិតចិន
វគ្គទី៨ បដិវត្តន៍វប្បធម៌ចិន : ហេតុអ្វីបានកើតមានហើយនាំមកនូវផលវិបាកអ្វី ?
ចែករំលែកព័តមាននេះ