មហាដំណើរថ្មើជើងដ៏ល្បីល្បាញក្នុងប្រវត្តិសាស្ត្រចិន

ថ្ងៃទី ០៤ ខែ វិច្ឆិកា ឆ្នាំ ២០១៩
ម៉ោង ១០:៥០
ប្រេវីន

នៅក្នុងការវាយប្រហារដូចផ្លេកបន្ទោរមួយកងកំលាំងរបស់ជៀងបានសម្លាប់សមាជិកវណ្ណៈកម្មករចិនអស់ជាច្រើននាក់ហើយថែមទាំងអាចធ្វើអោយគាត់ចាប់យកទីក្រុងស៊ាងហៃបានទៀតផង ។ បន្ទាប់មកជៀងកៃចៀកបានងាកទៅរកការគាំទ្រនិងចងមិត្តភាពជាមួយពួកអ្នកមានទ្រព្យធនវិញដោយសន្យានឹងពួកគេថាគាត់នឹងកំចាត់ពួកកុម្មុយនិស្តចោលទាំងស្រុង ។

ជាមួយនឹងគំនិតដ៏សាហាវនេះជៀងបានអនុវត្តគោលដៅរបស់គាត់ជាបន្តទៀតដោយនៅឆ្នាំ១៩៣០គាត់បានចាប់ខ្លួនភរិយានិងប្អូនស្រីរបស់ម៉ៅដាក់គុក ។ ក្បាលរបស់ស្ត្រីទាំងពីរត្រូវគេកាត់យកទៅដោតនៅលើចំរឹងរបងដែកដើម្បីព្រមានពួកកសិករខេត្តហូណានពីលទ្ធផលរបស់អ្នកដែលដើរតាមពួកកុម្មុយនិស្តម៉ៅ ។ ក្រោយពីធ្វើការវាយប្រហារធំៗបួនលើក កងកំលាំងរបស់ជៀងបានចាប់ធ្វើការវាយប្រហារដ៏សែនធំលើកទីប្រាំរបស់ខ្លួន ។ ជៀងបានទទួលជោគជ័យក្នុងការឡោមព័ទ្ធពួកកុម្មុយនិស្ត ចំណែកម៉ៅនិងឧត្តមសេនីយ៍ឯទៀតៗបានដឹកនាំទ័ពរត់គេចទៅតំបន់ភ្នំដាច់ស្រយោលមួយនៅប្រទេសចិនភាគកណ្តាល ។ កងកំលាំងរបស់ជៀងបានដេញតាមកំចាត់ពួកនេះទៀត តែពុំអាចសំរេចតាមបំណងឡើយ នេះក៏មកពីយុទ្ធវិធីសង្គ្រាមឧទ្ទាមដែលម៉ៅបានបង្កើតឡើងតែខ្លួនឯង ដោយលោកបំព្រួញមកនៅត្រឹមតែពាក្យស្លោកដែលថា ៈ

សត្រូវវុលមក យើងដកថយ

សត្រូវរចូលជំរំយើងរំខាន

សត្រូវអស់កំលាំងយើងវាយប្រហារ

សត្រូវដកថយយើងដេញតាម ។

មហាដំណើរថ្មើជើងដ៏ល្បីល្បាញក្នុងប្រវត្តិសាស្ត្រចិន
នៅឆ្នាំ១៩៣៤ម៉ៅនិងជូតិមេបញ្ជាការកងទ័ពក្រហមចិនបានដឹកនាំកងកំលាំងកុម្មុយ
និស្តទាំងអស់ក្នុងយុទ្ធនាការ “មហាដំណើរ”ថ្មើរជើងមួយដើម្បីដកថយទៅភាគខាងជើង
បំផុតនៃប្រទេសក្នុងចម្ងាយផ្លូវប្រមាណ១០.៥០០គីឡូមែត្រប្រកបដោយគ្រោះថ្នាក់ច្រើន
ឥតគណនា ។ ១២ខែក្រោយមក គឺនៅចុងឆ្នាំ១៩៣៥ កងទ័ពកុម្មុយនិស្តប្រមាណ៨ពាន់
នាក់ក្នុងចំណោមកងទ័ពប្រមាណមួយសែននាក់ដែលបានចូលរួមក្នុងការធ្វើដំណើរដ៏
សែនឆ្ងាយនេះបានទៅដល់ជួរភ្នំវែងអន្លាយមួយនៅក្នុងខេត្តយេណាន ។ នៅទីនោះពួកកង
ទ័ពដែលនៅរស់រានមានជីវិតក្រោមវិន័យដ៏តឹងរ៉ឹងបានរួមសាមគ្គីគ្នាជាធ្លុងមួយក្រោមការ
ដឹកនាំរបស់ម៉ៅ សេទុង ។

ជាមួយនឹងបទវិន័យម៉ឺងម៉ាត់និងវិធីសាស្ត្រសង្គ្រាមឧទ្ទាមថ្មីពួកគេមុខជាទទួលបាន
ជោគជ័យ ។ សេចក្តីក្លាហានរបស់ពួកគេបានធ្វើអោយយុទ្ធនាការ “មហាដំណើរ” ក្លាយ
ជារឿងព្រេងជាក់ស្តែងដ៏ល្បីល្បាញមួយហើយដែលនៅមានជីវិតរស់រវើករហូតដល់សព្វថ្ងៃក្នុងទំព័រប្រវត្តិសាស្ត្រចិន ។ គឺនៅខេត្តយេណាននេះហើយដែលម៉ៅបានចាប់ផ្តើមបង្កើតយុទ្ធសាស្ត្រថ្មីដែលជាបណ្តើរៗត្រូវបានគាត់យកទៅប្រើសំរាប់គ្រប់គ្រងប្រទេសជាតិ ។ លោកបានបញ្ចូនកម្មាភិបាលកុម្មុយនិស្តចុះទៅទីជនបទដើម្បីអប់រំបំពាក់បំប៉នស្មារតីកសិករ ។ លោកបានបង្កើតសាលារៀនសំរាប់ក្មេងៗនិងផ្សព្វផ្សាយគំនិតស្តីពីការបែងចែកការងារនិងទ្រព្យធន ។

សំខាន់បំផុតនាពេលនេះ គឺម៉ៅបានបង្រួបបង្រួមប្រជាជនខេត្តយេណាននិងក្រោយមកនៅបណ្តាខេត្តជុំវិញនៅក្នុងការធ្វើសង្គ្រាមមួយប្រឆាំងនឹងកងទ័ពឈ្លានពានជប៉ុន ។ នៅដើមឆ្នាំ១៩៣១ជប៉ុនបានចាប់ផ្តើមមានប្រៀបលើភាពទន់ខ្សោយរបស់ចិន ជាពិសេសសង្គ្រាមរវាងកងកំលាំងគូមីនតាង និងពួកកុម្មុយនិស្ត ។ រឿងនេះនឹងមានវគ្គបន្តទៀត ៕ កែសម្រួលដោយ ៖ សុឃាក់

បញ្ជាក់ ៖ នេះគឺ វគ្គទី១ មេដឹកនាំចិនដែលផុសចេញពីគ្រួសារកសិករ

វគ្គទី២ ស្នេហាដំបូងរបស់ម៉ៅ សេទុង

វគ្គទី៣ ម៉ៅ សេទុង និងការប្រកាសកាត់សក់កំប៉ោយចេញ

វគ្គទី៤ សម្រាប់ម៉ៅ សេទុង ការដណ្តើមបេះដូងកសិករ គឺជាផ្លូវឆ្ពោះទៅការគ្រប់គ្រងអំណាច