ជៀងកៃចៀកបានសន្យាកំចាត់ពួកកុម្មុយនិស្តចោលមុនការពារប្រទេសទល់នឹងការឈ្លានពានរបស់ជប៉ុន ។ តែម៉ៅយល់ឃើញផ្សេងដោយលោកបានអំពាវនាវអោយប្រជាជនចិនងើបឡើងប្រឆាំងនឹងប្រឆាំងនឹងជប៉ុនសំរាប់ប្រយោជន៍ប្រជាជាតិទាំងមូល ។ ស្នេហារបស់ម៉ៅ និងឥទ្ឋិពលលើនយោបាយ ក្រោយនាងយ៉ាងស្លាប់ទៅ ម៉ៅបានរៀបការជាមួយនារីទ័ពឈ្លបអាយុ១៧ឆ្នាំម្នាក់ឈ្មោះហ៊ឺ ជឺចេន ។…
ជៀងកៃចៀកបានសន្យាកំចាត់ពួកកុម្មុយនិស្តចោលមុនការពារប្រទេសទល់នឹងការឈ្លានពានរបស់ជប៉ុន ។ តែម៉ៅយល់ឃើញផ្សេងដោយលោកបានអំពាវនាវអោយប្រជាជនចិនងើបឡើងប្រឆាំងនឹងប្រឆាំងនឹងជប៉ុនសំរាប់ប្រយោជន៍ប្រជាជាតិទាំងមូល ។
ស្នេហារបស់ម៉ៅ និងឥទ្ឋិពលលើនយោបាយ
ក្រោយនាងយ៉ាងស្លាប់ទៅ ម៉ៅបានរៀបការជាមួយនារីទ័ពឈ្លបអាយុ១៧ឆ្នាំម្នាក់ឈ្មោះហ៊ឺ ជឺចេន ។ គ្រាមួយនោះនាងបានជម្លៀសម៉ៅអោយគេចផុតពីគ្រោះថ្នាក់ គឺគ្រានោះហើយដែលពន្លកស្នេហ៍អ្នកទាំងពីរបានចាប់ផ្តើមឡើង តែមុខរបួសដ៏ធ្ងន់ធ្ងរនិងទុក្ខលំបាកវេទនាទាំងឡាយដែលនាងបានឆ្លងកាត់ បានបង្ខំអោយនាងបាត់បង់អស់នូវតុល្យភាពខាងស្មារតី ។ ម៉ៅ និងហ៊ីជឺចេនបានឈ្លោះទាស់ទែងគ្នាជាខ្លាំងដោយប្រភពខ្លះថាមកពីម៉ៅលួចទៅទាក់ទងជាមួយនិស្សិតមហាវិទ្យាល័យអាយុ២៦ឆ្នាំ នាងវូក្វាន់ហ៊ុយ ។ ប្រហែលជាខ្លាចនាងហ៊ឺបង្ករឿងអោយកាន់តែធ្ងន់ធ្ងរគណៈ កម្មាធិការមជ្ឈឹមបក្សបានបញ្ចូននាងទៅព្យាបាលជម្ងឺឡប់សតិនៅក្រុងមូស្គូ ។
ក្រោយនាង ហ៊ឺជឺចេននិងវូក្វាន់ហ៊ុយ ម៉ៅបានបេតីលើនាងជាងឈិញដ៏ស្រស់ផូរផង់ ។ ឆ្នាំ១៩៣៨ ជាងឈិញ(ឈ្មោះដើមលីយីងហ៊ឺ និងនាមក្នុងតួល្ខោនឡានភីង) ដែលទើបអាយុ២៤ឆ្នាំជាសិល្បការិនីផ្នែកល្ខោន ។ ជួនពេលនោះរឿងល្ខោន “បូជាឈាមនៅស៊ាងហៃ” របស់នាង បានទាក់ទាញថ្នាក់ដឹកនាំបក្សជាច្រើនរូបចូលទស្សនា ឯម៉ៅក៏មានមុខនៅទីនោះដែរ ។ ក្រោយមកម៉ៅក៏មានការទាក់ទងជាមួយជាងឈិញយ៉ាងជិតសិ្នទ្ធ ហើយបន្ទាប់ មកទៀតអ្នកទាំងពីរក៏រៀបការនឹងគ្នានៅឆ្នាំ១៩៣៩ ។
មុនពេលរៀបការបក្សបានដាក់លក្ខខណ្ឌមិនអោយជាងឈិញលូកលាន់ក្នុងកិច្ច
ការនយោបាយទេ តែសិល្បការិនីក្រីក្ររូបនេះមានមហិច្ឆតាធំក្នុងការស្វែងរកតួនាទី
ប្រកបដោយកិត្យានុភាពខ្ពស់នៅលើគ្រែដែករបស់បុរសដែលមានអំណាចខ្ពស់ៗ ។ នាង
អាចជាមេគំនិតបដិវត្តន៍វប្បធម៌ដ៏វិនាសហិនហោចរបស់ម៉ៅ ។ រយៈពេលក្រោយមកនាង
បានចូលរួមជាមួយ “បក្សខិលខូចទាំងបួន”។ដោយពុំពេញចិត្តនឹងភាពលោភលន់របស់នាង ទីបំផុតម៉ៅ និងឈាងបានលែងលះគ្នានៅឆ្នាំ១៩៧៣ ។
ចិន និងជម្លោះជាតិសាសន៍ឯងដ៏អូសបន្លាយ
ឆ្នាំ១៩៤១យន្តហោះជប៉ុនបានធ្វើការវាយប្រហារដ៏គួរអោយភ្ញាក់ផ្អើលទៅលើមូលដ្ឋានកងទ័ពជើងទឹកអាមេរិកនៅកំពង់ផែភៀល ហាប៊័រកើហាវ៉ៃបណ្តាលអោយអាមេរិកខូចខាតយ៉ាងដំណំ ។ គ្រាណោះអាមេរិកបានរួមគ្នាជាមួយអង់គ្លេសនិងបារាំងជួយចិនដើម្បីកំចាត់ជប៉ុន ។ ក្នុងអំឡុងសង្គ្រាមលោកលើកទីពីរ ម៉ៅបានពង្រឹងកងទ័ពរបស់លោកយ៉ាងខ្លាំង ហើយដណ្តើមការត្រួតត្រានៅភាគខាងជើងប្រទេសចិន ។ រហូតដល់ពេលចប់សង្គ្រាមលោកមានទ័ពជាងមួយលាននាក់ក្នុងដៃរួចជាស្រេច ។ ក្នុងពេលជាមួយ គ្នាអាមេរិកបានទាក់ទាញអោយជៀងកៃចៀក ប្រយុទ្ធប្រឆាំងនឹងជប៉ុនគឺមិនមែនពួកកុម្មុយនិស្តទេ ។ ដូច្នេះម៉ៅនិងជៀងបានបង្កើតជារណសិរ្សរួមមួយ ។ បន្ទាប់ពីអាមេរិកទម្លាក់គ្រាប់បែកបរមាណូលើទីក្រុងហ៊ីរ៉ូស៊ីម៉ា និងណាហ្គាសាគីរបស់ជប៉ុននៅឆ្នាំ១៩៤៥ជប៉ុនបានចុះចាញ់សង្គ្រាម ។
ជាលើកដំបូងហើយដែលម៉ៅ និងជៀងបានអង្គុយនិយាយទល់មុខគ្នាដើម្បីស្វែងរកច្រកបង្កើតរដ្ឋាភិបាលថ្មីមួយតែការពិភាក្សាត្រូវបរាជ័យ ។ នៅឆ្នាំ១៩៤៦សង្គ្រាមស៊ីវិលដ៏បង្ហូរឈាមមួយបានផ្ទុះឡើងនៅប្រទេសចិន ។ ដូចពាក្យដែលម៉ៅបានពោលកាលពីឆ្នាំមុនថា “ជនកុម្មុយនិស្តគ្រប់រូបត្រូវច្បាមជាប់ការពិតដែលថាអំណាចនយោបាយដុះចេញពីចុងកាណុង” ។ ការវាយប្រយុទ្ធរវាងជាតិសាសន៍ឯងបានអូសបន្លាយអស់រយៈពេល៤ឆ្នាំ ។ រឿងនេះនឹងមាននៅផ្សាយជូនវគ្គបន្តទៀត ៕ កែសម្រួលដោយ ៖សុឃាក់
បញ្ជាក់៖ នេះវគ្គទី១ មេដឹកនាំចិនដែលផុសចេញពីគ្រួសារកសិករ
វគ្គទី២ ស្នេហាដំបូងរបស់ម៉ៅ សេទុង
វគ្គទី៣ ម៉ៅ សេទុង និងការប្រកាសកាត់សក់កំប៉ោយចេញ
វគ្គទី៤ សម្រាប់ម៉ៅ សេទុង ការដណ្តើមបេះដូងកសិករ គឺជាផ្លូវឆ្ពោះទៅការគ្រប់គ្រងអំណាច
វគ្គទី៥ មហាដំណើរថ្មើជើងដ៏ល្បីល្បាញក្នុងប្រវត្តិសាស្ត្រចិន
ចែករំលែកព័តមាននេះ