​រក​ឃើញបន្តបន្ទាប់​…ឡាន​បា​កុង​​​​លាក់​ខ្លួន​​​ក្នុង​ព្រៃ​ជ្រៅ​​​ស្រុក​​​សំឡូត


ខេត្តបាត់ដំបង ៖ សេចក្តីរាយការណ៍បឋម​​ឱ្យ​ដឹងថា កម្លាំង​កងរាជអាវុធហត្ថ​ខេត្តបាន​បើក​កិច្ច​ប្រតិបត្តិការ​ស្វែង​រុករក​ប្រទះ​ឃើញ​រថយន្ត​បា​កុង​(​អា​រ៉េវ​)​ចំនួន​៣​គ្រឿង​ជា​បន្តបន្ទាប់ កាលពី​រសៀល​ថ្ងៃ​ទី​០១ និង​នៅ​ព្រឹក​ព្រលឹម​ថ្ងៃ​ទី​០២ កញ្ញា នេះ ដែល​គេ​សង្ស័យ​ថា ជា​រថយន្ត​របស់​ក្រុមហ៊ុន​«រ័​ត្ន​សម្បត្តិ​»ដែល​លាក់​ទុក​នៅ​ក្នុង​ព្រៃ​ជ្រៅ ស្ថិត​ក្នុងភូមិ​សាស្ត្រ​ស្រុក​សំឡូត​ ។ នេះ​បើ​តាម​ព័ត៌មាន​បឋម​ដែល​ផ្ដល់​ដោយ​មន្ត្រី​កងរាជ​អាវុធ​ហត្ថ​ខេត្ត​ ។ សូមរំលឹកថា៖ ឡានបា​កុង​រាប់​សិប​គ្រឿង​ លាក់ខ្លួន​ក្នុង​ព្រៃ​​សំឡូត ..!

លោក​អ៊​ន ជ្រី​សៅរ៍​មណ្ឌល មេបញ្ជាការ​រង​កងរាជអាវុធហត្ថ​ខេត្ត​ ដែល​ដឹកនាំ​កិច្ច​ប្រតិបត្តិការ​នេះ​ផ្ទាល់ បាន​ប្រាប់​កោះសន្តិភាព​នៅ​ព្រឹក​នេះ​ថា បើ​គិត​ចាប់ពី​ថ្ងៃ​ទី​០១ រហូត​ដល់​ព្រឹក​ថ្ងៃ​ទី​០២ កញ្ញា កម្លាំងរបស់​លោក​បាន​រក​ឃើញ​រថយន្ត​បា​កុង​ សម្រាប់​ដឹកឈើ​ចំនួន​​៣​គ្រឿង​ហើយ​ ។ លោក​បាន​ប្រាប់​ថា រថយន្ត​
បទ ល្មើស​ទាំងនេះ ​ត្រូវ​បាន​រក​ឃើញ​នៅ​ក្នុងភូមិ​សាស្ត្រ​ចន្លោះ​​ទឹកដី​ឃុំ​ស៊ុ​ង និង​ឃុំ​តា​តោក ស្រុក​សំឡូត ដែល​គេ​សង្ស័យ​ជា​រថយន្ត​របស់​ក្រុមហ៊ុន​ខាងលើ​នេះ​ ។ លោក​មេបញ្ជាការ​រង​រូប​នេះ​បាន​បញ្ជាក់​ថា
ពេល​កម្លាំង​របស់​លោក​កំពុង​គ្រប់គ្រង​ទីតាំង​លាក់​រថយន្ត​ទាំងនេះ​​នៅឡើយ និង​កំពុង​រង​ចាំ​បទបញ្ជា
​ថ្នាក់លើ ដើម្បី​ចាត់វិធានការ​បន្ត ខណ​:​កម្លាំង​មួយ​ចំនួន​ទៀត​ កំពុង​រុករក​នៅ​តាម​ភូមិសាស្ត្រ​នានា​ទៀត​ ។

សូម​បញ្ជាក់​ថា នៅ​ក្នុង​បទ​សម្ភាសន៍​ជាមួយ​កោះសន្តិភាព កាលពី​ស​ប្ដា​ហ៍​មុន​នេះ ពាក់ព័ន្ធ​នឹង​រថយន្ត​ប្រព្រឹត្ត​បទល្មើស​ព្រៃឈើ​របស់​ក្រុមហ៊ុន រ័​ត្ន​សម្បត្តិ ដែល​ពលរដ្ឋ​ប្រទះ​ឃើញ​រាប់​សិប​គ្រឿង កំពុង​លាក់​នៅ​ក្នុង​ព្រៃ លោក​ឆាយ ណា​រ៉េ​ត នាយ​សង្កាត់​ព្រៃឈើ​ស្រុក​សំឡូត បាន​ប្រកែក​យ៉ាង​ដាច់​អ​ហ​ង្កា​រថា «គ្មាន​រថយន្ត​បា​កុង ឬ​សម្ភារ​ប្រព្រឹត្ត​បទល្មើស​ព្រៃឈើ​មាន​លាក់​ទុក​នៅ​ក្នុង​ព្រៃ​នៅ​ស្រុក​សំឡូត​ទេ សូមកុំ​ជឿ​..! ខ្ញុំ​មិន​ជឿ​ទេ​..! ក្រុមហ៊ុន​បាន​ដឹក​ចេញ​អស់ហើយ​..! បើ​មាន​មែន​ សូម​ឱ្យពលរដ្ឋ​នាំ​ខ្ញុំ​ទៅ​មើល ខ្ញុំ​សុខចិត្ត​ចាយ​លុយ​..» ។

ប៉ុន្តែ​ពេល​នេះ​ កម្លាំង​កងរាជអាវុធហត្ថ​បាន​រុករក​ឃើញ​រថយន្ត​បា​កុង​ចំនួន​​៣​គ្រឿង​ហើយ ដែល​គេ​សង្ស័យ​ថា ជា​រថយន្ត​របស់​ក្រុមហ៊ុន​រ័​ត្ន​សម្បត្តិ​ទៀត​ផង ​។ គេ​មិន​ទាន់​ដឹង​ថា តើ​ពេល​នេះ លោក​ឆាយ ណា​រ៉េ​ត នាយ​សង្កាត់​ព្រៃឈើ​ស្រុក​សំឡូត​នឹង​ត្រូវ​ពន្យល់​ ឬ​ឆ្លើយ​តប​បែប​ណា​ទេ​ ទៅ​កាន់​មហាជន​ និង​មេ​កើយ​របស់​ខ្លួន ខណ​:​ដែល​លោក​ធ្លាប់​បាន​ប្រកែក​កោ​ក​ៗ​ថា គ្មាន​រថយន្ត​ប្រព្រឹត្ត​បទល្មើស​ព្រៃឈើ​មួយ​គ្រឿង​ណា ដែល​បាន​លាក់​ទុក​នៅ​ក្នុង​ព្រៃ ក្នុង​ទឹកដី​របស់​ខ្លួន​គ្រប់គ្រង​ទេ តែ​មិន​ទាន់​ផុត​ពី​មាត់​ផង ស្រាប់តែ​ត្រូវ​កម្លាំង​កងរាជអាវុធហត្ថ​រក​ឃើញ​រហូត​ដល់​ទៅ​០៣​គ្រឿង​ជា​បន្តបន្ទាប់​។ តើ​ការ​បដិសេធ​របស់​លោកនាយ​សង្កាត់​ព្រៃឈើ​រូប​នេះ​ អាច​ចាត់​ទុក​ថា ជា​ការ​ជួយ​បិទ​បាំង​បទល្មើស ឬ​ជួយ​លាក់បាំង​វត្ថុ​តាង​ប្រព្រឹត្ត​បទ ល្មើស​ដែរ ​ឬ​យ៉ាងណា​.​?

ទោះ​យ៉ាងណា បើ​តាម​ប្រភព​នានាដែល​កោះសន្តិភាព​ទើប​ទ​ទូល​បានជា​បឋម នៅ​ព្រឹក​ថ្ងៃ​ទី​០២​ កញ្ញា ​នេះ បាន​ឲ្យ​ដឹង​ថា កម្លាំង​កងរាជអាវុធហត្ថ​បាន​រក​ឃើញ​រថយន្ត​បា​កុង​នេះ​ប៉ុន្មាន​គ្រឿង​បន្ថែម​ទៀត​ហើយ ដែល​សរុប​ជិត​១០​គ្រឿង​ហើយ​ ។ ប៉ុន្តែ​យ៉ាងណា នេះ​គ្រាន់តែ​ជា​ព័ត៌មាន​បឋម​តែ​ប៉ុណ្ណោះ​។ ហើយ​ពេល​នេះ​ កម្លាំង​សមត្ថកិច្ច​កំពុង​បន្ត​ការ​រុករក​ពេញ​ព្រៃ​នៃ​ស្រុក​សំឡូត​យ៉ាង​ក្ដៅ​គគុក​នៅឡើយ​ ។ (សម្រួល​ដោយ៖ ស្រីណា​)

ព័ត៌មានបន្ថែម កោះសន្តិភាពនឹងមានផ្សាយជូនបន្ត​។

Facebook Google Twitter Email

Live

Sponsored News

០២:៣៩ | ក្នុងស្រុក

ក្រុមហ៊ុន ភីធីធី កម្ពុជា ផ្តល់អាហារូបករណ៍ ៣០០កន្លែងដល់សិស្សកម្ពុជា ដើម្បីបណ្តុះបណ្តាលអ្នកដឹកនាំវ័យក្មេងតាមរយៈវគ្គសិក្សាពីចម្ងាយ «ទម្លាប់ល្អទាំង ៧របស់យុវវ័យឆ្នើម»

ការស្ទង់មតិគេហទំព័រថ្មី




សូម​អរគុណ