ម៉ូតូ១៧០គ្រឿង អាវរងា៦០០អាវ និងគ្រឿងឧបភោគបរិភោគ ត្រូវបានយកទៅផ្តល់ជូនវីរៈកងទ័ព
- ស្វាយរៀង
ខេត្តស្វាយរៀង ៖ ម៉ូតូចំនួន១៧០គ្រឿង អាវរងារ ចំនួន៦០០ អាវ គ្រឿងឧបភោគ បរិភោគ ដែលជាអំណោយសទ្ធាជ្រះថ្លា របស់ព្រះសង្ឃ…
ខេត្តស្វាយរៀង ៖ ម៉ូតូចំនួន១៧០គ្រឿង អាវរងារ ចំនួន៦០០ អាវ គ្រឿងឧបភោគ បរិភោគ ដែលជាអំណោយសទ្ធាជ្រះថ្លា របស់ព្រះសង្ឃ របស់ លោក គឹម វ៉ាង លោកស្រី វ៉ាង ម៉េង លោក ចាន់ សំណាង លោកស្រី គឹម ធារី និងសប្បុរសជន ពុទ្ធបរិសទ៌ក្នុងនិងក្រៅប្រទេស ផ្តល់តាមរយះសាលា គណខេត្ត និងត្រូវបាន ព្រះវិសុទ្ធិញ្ញាណ មុំ សយ ព្រះមេគណ ខេត្តស្វាយរៀង និងមន្ត្រីសង្ឃ រៀបចំចាត់ចែងដឹកជញ្ជូនទៅប្រគល់ជូនដល់វីរៈ កងទ័ពឈរជើង នៅសមរភូមិជួរមុខ ទិសខេត្តបន្ទាយមានជ័យ ខេត្តឧត្តរមានជ័យ និងខេត្តព្រះវិហារ កាលពីថ្ងៃទី១៣ ខែ ធ្នូឆ្នាំ២០២៥ កន្លងទៅនោះ សម្តេចកិត្តិសង្គហបណ្ឌិតម៉ែន សំអន ឧត្តមក្រុមប្រឹក្សាផ្ទាល់ព្រះមហាក្សត្របន្ទាប់ពីមានការណែនាំជាបន្តបន្ទាប់របស់សម្តេចកិត្តិសង្គហបណ្ឌិត និងជាអ្នកតំណាងរាស្ត្រមណ្ឌលស្វាយរៀង ឯកឧត្តម ម៉ែន វិបុល ប្រធានក្រុមប្រឹក្សាខេត្ត ឯកឧត្តម ប៉េង ពោធិសា អភិបាលខេត្ត និងឯកឧត្តម ចៅ ភិរុណ រដ្ឋលេខាធិការក្រសួងការពារជាតិ ស្តីពី ការចូលរួមលើកទឹកចិត្ត ឧត្តម្ភគាំទ្រដល់យុទ្ធជនសមរភូមិមុខ ។
ព្រះវិសុទ្ធិញ្ញាណ មុំ សយ ក្នុងព្រះមេគណខេត្តស្វាយរៀង បានមានសង្ឃដិការ ដោយសំដែង នូវអំណរគុណយ៉ាងជ្រាលជ្រៅចំពោះ ព្រះសង្ឃ ឯកឧត្តម លោកជំទាវ លោក លោកស្រីសប្បុរសជន ក្នុងនិង ក្រៅប្រទេស តាមរយះសាលាគណខេត្ត បានឧតម្ភម្ភ ជាថវិកា សម្ភារៈ ម៉ូតូ ឧបភោគ បរិភោគ យ៉ាងច្រើនសម្រាប់បំរើការងារសមរភូមិជួរមុខរបស់វីរៈកងទព័ ជាក់ស្តែងពេលនេះបានបន្តឧបត្ថម្ភម៉ូតូជិត២០០គ្រឿង ដើម្បីផ្តល់ជូនវីរៈកងទព័សម្រាប់បម្រើការងារការពារជាតិ ។
ព្រះវិសុទ្ធិញ្ញាណ មុំ សយ បានបញ្ជាក់បន្ថែមថា ការដែលព្រះសង្ឃនាំម៉ូតូ រួម នឹងគ្រឿងឧបភោគបរិភោគ ជូនដល់វីរកងទ័ព នៅថ្ងៃទី១៣ ធ្នូនោះជាលើកទី៥ ដែលព្រះសង្ឃ និងសប្បុរសជនចូលរួមឧបត្ថម្ភជួយសម្រាល ដល់វីរៈកងទ័ពសមរភូមិមុខ ដើម្បីបម្រើ កិច្ចការ ការពារជាតិ សរុបម៉ូតូគិតទាំងត្រៀមនាំយកទៅចែកផ្តល់ជូនវិរៈកងទ័ពនៅថ្ងៃទី១៣ ធ្នូនោះមានចំនួនជាង ៤០០គ្រឿង រថយន្ត lexus 5 គ្រឿង រួមនិង អាវភ្លៀង អាវរងា និងថវិកាមួយចំនួនធំផងដែរក្នុងស្មារតីសាមគ្គីជាតិ ជាធ្លុងមួយ ពីសមរភូមិក្រោយ គិតមកដល់ថ្ងៃទី១៥ -១៦ ខែធ្នូ ឆ្នាំ២០២៥នេះ រដ្ឋបាលខេត្ត ស្វាយរៀង និងរដ្ឋបាល ក្រុង /ស្រុក ទាំង៨ បានទទួល នូវការចូល រួមឧបត្ថម្ភគាំទ្រពីសំណាក់មន្ត្រីរាជការ បងប្អូនប្រជាពលរដ្ឋ សិស្សានុសិស្ស និងសប្បុរជននានា ជាបន្តបន្ទាប់ ដើម្បីនាំយកទៅផ្តល់ជូនដល់វីរកងទ័ព និងជនភៀសសឹក នៅព្រំប្រទល់ដែនកម្ពុជា-ថៃ៕
ចែករំលែកព័តមាននេះ