ខេត្តបន្ទាយមានជ័យ ៖ សេចក្តីរាយការណ៍បឋមបានឲ្យដឹងថា កា លពីរសៀលថ្ងៃទី០១ ខែមេសា ឆ្នាំ២០២៦ មានក្មេងប្រុស២ នាក់បានជិះម៉ូតូដើរលេង លុះទៅដល់ចំណុចលើស្ពានថ្ម…
ខេត្តបន្ទាយមានជ័យ ៖ សេចក្តីរាយការណ៍បឋមបានឲ្យដឹងថា កា លពីរសៀលថ្ងៃទី០១ ខែមេសា ឆ្នាំ២០២៦ មានក្មេងប្រុស២ នាក់បានជិះម៉ូតូដើរលេង លុះទៅដល់ចំណុចលើស្ពានថ្ម ផ្លូវលេខ ៥៨A ចន្លោះបង្គោលគីឡូម៉ែត្រលេខ៤៧.៤៨ ស្ថិតខាងត្បូងភូមិក្តិបថ្ម ឃុំគោករមៀត ស្រុកថ្មពួក ខេត្តបន្ទាយមានជ័យ ក្មេងប្រុស ២ នាក់នោះ បាននាំគ្នាចុះទៅបត់ជើងនៅខាងក្រោមស្ពាន ស្រាប់ តែប្រទះឃើញវ៉ាលីសព័ណខ្មៅមួយដែលគេយកទៅប្លុងចោលនៅទីនោះ ។
ឃើញដូច្នោះក្មេងប្រុសទាំង២ នាក់នោះ ក៏បាននាំគ្នាយ កដៃបម្រុងរូតឡេវរូតវ៉ាលីសនោះ ហើយក៏បានឃើញសក់អាចជាសាកសពមនុស្ស បន្ទាប់មកពួកគេក៏ឡើងជិះម៉ូតូយកដំណឹងនេះ ទៅប្រាប់មន្ត្រីយោធាមួយក្រុម ដែលកំពុងជីកលេនដ្ឋាននៅក្បែរនោះ ទើបធ្វើឲ្យមានការភ្ញាក់ផ្អើលព័ត៌មានទៅដល់សមត្តកិច្ចនគរបាលមូលដ្ឋាន និងនគរបាលជំនាញស្រុក ខេត្ត បង្កើតគណៈកម្មការចុះទៅពិនិត្យកន្លែងកើតហេតុ ក្រោមការសម្របសម្រួលពីស្ថាប័នអយ្យការផងដែរ ។
ព័ត៌មានបឋមឲ្យដឹងទៀតថា នៅពេលគណកម្មការពិនិត្យសាកសព បានឯកភាពគ្នាបើកមើលវ៉ាលីសនោះ ក៏ឃើញមានសាកសពមនុស្សស្លាប់នៅក្នុងនោះប្រាកដមែន និងមានស្លាក ស្នាមជាំពេញខ្លួនជាច្រើនកន្លែងទៀតផង ។
សពជនរងគ្រោះអាចសន្និដ្ឋានជាជំហ៊ានដំបូងបានថា «សង្ស័យជនបរទេស» និងត្រូវឃាតករសម្លាប់ច្រកចូលក្នុងវ៉ាលីសយកទៅប្លុងចោល ដោយធ្វើទារុណ គឺជាអំពើ ឃាតកម្ម ។
តែទោះជាយ៉ាងណាក្តីករណីខាងលើនេះ សមត្តកិច្ចបាននិងកំពុងធ្វើការស្រាវជ្រាវ វែកមុខឃាតករដើម្បីនាំមកផ្តន្ទាទោសតាមផ្លូវច្បាប់ ៕
ចែករំលែកព័តមាននេះ