ដឹងមូលហេតុឆេះយីឌុបដឹកទំនិញព្រឹកមិញហើយ (មានវីដេអូ)
- ភ្នំពេញ
រាជធានីភ្នំពេញ ៖ តាមសេចក្តីរាយការណ៍បានបន្តថា កាលពីវេលាម៉ោង៤ទៀបភ្លឺថ្ងៃទី ២២ កក្កដា ឆ្នាំ ២០១៩ នៅត្រង់ចំណុចមុខឃ្លាំងមួយកន្លែង ជិតបុរីហាយធិច២…
រាជធានីភ្នំពេញ ៖ តាមសេចក្តីរាយការណ៍បានបន្តថា កាលពីវេលាម៉ោង៤ទៀបភ្លឺថ្ងៃទី ២២ កក្កដា ឆ្នាំ ២០១៩ នៅត្រង់ចំណុចមុខឃ្លាំងមួយកន្លែង ជិតបុរីហាយធិច២…
រាជធានីភ្នំពេញ ៖ តាមសេចក្តីរាយការណ៍បានបន្តថា កាលពីវេលាម៉ោង៤ទៀបភ្លឺថ្ងៃទី ២២ កក្កដា ឆ្នាំ ២០១៩ នៅត្រង់ចំណុចមុខឃ្លាំងមួយកន្លែង ជិតបុរីហាយធិច២ ស្ថិតក្នុងក្រុមទី៤ ភូមិតាង៉ៅ សង្កាត់និរោធ ខណ្ឌច្បារអំពៅ ករណីអគ្គិភ័យឆេះរថយន្តយីឌុបមួយគ្រឿងម៉ាកហ៊ីយ៉ាន់ដាយ ដែលមានដឹកទំនិញចម្រុះជាច្រើនមុខ បង្កឱ្យមានការភ្ញាក់ផ្អើលដល់ប្រជាពលរដ្ឋ និងសមត្ថកិច្ចហៅរថយន្តពន្លត់អគ្គិភ័យរបស់ស្នងការដ្ឋានចុះមកជួយអន្តរាគមន៍បាញ់ទឹកពន្លត់ផងដែរ ។
តាមសេចក្តីរាយការណ៍បានបន្តថា រថយន្តយីឌុបមួយគ្រឿងខាងលើមានដឹកទំនិញគ្រប់មុខ ដូចជា ថ្នាំបាញ់ស្វាយ, មេអាស៊ីត, សាប៊ូ, ឡេលាបខ្លួន, ម្ជុលចាក់ថ្នាំ, បាតស្បែកជេីង, សំបកធុងហ្គាស និងរបស់របរផ្សេងៗជាច្រេីនមុខទៀត ។ មុនពេលកេីតហេតុ រថយន្តដឹកទំនិញមួយគ្រឿងនេះបានដឹកជញ្ជូនទំនិញពីខេត្តតាកែវ មកស្តុកទំនិញនៅកន្លែងកេីតហេតុខាងលេី លុះមកដល់វេលាម៉ោងប្រមាណជា៥ព្រឹកថ្ងៃកើតហេតុ ស្រាប់តែអគ្គិភ័យឆេះតែម្តង ។
តាមសេចក្តីរាយការណ៍បានបន្តថា ក្នុងប្រតិបត្តិការពន្លត់អគ្គិភ័យខាងលើនេះ សមត្ថកិច្ចបានប្រេីប្រាស់រថយន្តពន្លត់អគ្គិភ័យចំនួន៧គ្រឿង ស្មេីនឹង៣៥ជេីង ទឹកអស់១៤០ម៉ែត្រគូប ។ ចំណែកម្ចាស់ទីតាំងឈ្មោះ តែ ហួរ ភេទប្រុស អាយុ៥០ឆ្នាំ និងប្រពន្ធឈ្មោះ លី វណ្ណី អាយុ៤៣ឆ្នាំ ។ ក្នុងហេតុការណ៍អគ្គិភ័យខាងលើនេះ បណ្តាលឱ្យរងការខូចខាតរថយន្តយីឌុបដឹកទំនិញមួយគ្រឿង រីឯទំនិញនៅលេីរថយន្តបានរងការខូចខាតទាំងអស់ ។
តាមសេចក្តីរាយការណ៍បានបន្តទៀតថា មូលហេតុនៃការឆេះរថយន្តដឹកទំនិញខាងលើនេះគឺបណ្តាលមកពីការឆ្លងចរន្តអគ្គិសនីចេញពីកាប៊ីនរថយន្ត ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា)
សូមរំលឹកថា ៖ យីឌុបដឹកទំនិញពេញ ចតមុខឃ្លាំងសុខៗ ផ្អើលគេផ្អើលឯង
ចែករំលែកព័តមាននេះ