ខេត្តព្រៃវែង ៖ បើតាមប្រភពពីនគរបាលមូលដ្ឋានឱ្យដឹងថា ផ្ទះដែលជនជាឃាតករឈាមខ្មៅនេះរត់ឡើងទៅលើដំបូលផ្ទះនោះ គឺមិនមែនជាផ្ទះរបស់ជននោះទេ ខណៈគេប្រាប់ថា ជាផ្ទះរបស់អ្នកផ្ទះជិតខាង ។ ផ្ទះដែលពួកគេទៅពួននោះ ក៏ជាផ្ទះរបស់ជនចំណាកស្រុក ទៅប្រទេសថៃ ។ ការរត់ទៅពួនលើដំបូលផ្ទះគេ គឺដើម្បីព្យាយាមឡើងទៅលាក់ខ្លួន ស្របពេលដែលពួកគេ(ជនសង្ស័យជាប្តី- ប្រពន្ធ)បានដឹងខ្លួនថា សមត្ថ កិច្ចបញ្ជូនកម្លាំងមកតាមចាប់ខ្លួនហើយ ។ សូមរំលឹក៖ មកដឹងចម្លើយជនកំណាចនេះ…កាលធ្វើសកម្មភាពរំលោភនិងសម្លាប់បែបណា?
គួរបញ្ជាក់ថា នៅវេលារសៀលថ្ងៃទី២ មិថុនា ម្សិលមិញ ជនកំណាចដៃដល់ម្នាក់ ដែលរំលោភសម្លាប់ក្មេងប្រុសស្រី២នាក់បងប្អូននៅស្រុកព្រៃនប់ ខេត្តព្រះសីហនុ ចាប់ខ្លួនបានហើយជាមួយប្រពន្ធរបស់ខ្លួននៅក្នុងភូមិគ្រើល ឃុំព្រៃរំដេង ស្រុកមេសាង ខេត្តព្រៃវែង នៅចន្លោះម៉ោង១២ថ្ងៃត្រង់ ។ ជនកំណាចនេះឈ្មោះឈឹម វិចិត្រ អាយុ៣១ឆ្នាំ ។ នៅវេលាម៉ោង០៤និង៣០នាទីរសៀលថ្ងៃទី០២ មិថុនា ថ្ងៃដដែលជនដៃដល់និងប្រពន្ធ ត្រូវបាននាំមកដល់នាយកដ្ឋានព្រហ្មទណ្ឌក្រសួងមហាផ្ទៃហើយ ពាក់ព័ន្ធនឹងករណីចាប់រំលោភ និងសម្លាប់កុមារ២នាក់បងប្អូននៅខេត្តព្រះសីហនុ ។
អំពើដ៏ព្រៃផ្សៃនេះ ត្រូវបានបង្កឡើងដោយជនកំណាចចាប់រំលោភកុមារីជាបងអាយុ១០ឆ្នាំ បន្ទាប់មកធ្វើសកម្មភាពសម្លាប់ទាំងកុមារី និងកុមារជាប្អូនអាយុ២ឆ្នាំកន្លះ ដែលកំពុងដេកនៅក្នុងផ្ទះជាមួយគ្នា ខណៈឪពុកទៅធ្វើសំណង់ ឯម្តាយជាកូនកាំបិតក្នុងហាងចិន ដែលបានកើតឡើងនៅព្រឹកថ្ងៃទី២៩ ឧសភា ។
ក្មេងប្រុសជាប្អូនបានស្លាប់ភ្លាមៗនៅក្នុងផ្ទះ ហើយក្មេងស្រីជាបងត្រូវបានក្រុមគ្រួសារនិងអាជ្ញាធរ ព្យា យាមដឹកមកសង្គ្រោះរហូតដល់រាជធានីភ្នំពេញ តែមិនអាចជួយសង្គ្រោះជីវិត និងបានស្លាប់បាត់បង់ជីវិតនៅលើរថយន្តវេលាម៉ោង៨យប់ក្នុងថ្ងៃដដែល ។ កុមាររងគ្រោះជាប្អូនប្រុសឈ្មោះ ផា សុខលី អាយុ២ឆ្នាំកន្លះ និងកុមារីជាបងមានឈ្មោះ ផា ស្រីល័ក្ខ អាយុ១០ឆ្នាំ ។ (សម្រួលដោយ៖ ស្រីណា)
ចែករំលែកព័តមាននេះ