កសិករ១គ្រួសារ ចែករំលែកបទពិសោធន៍ដាំពោត និងសណ្ដែកកួរ លើផ្ទៃដីកន្លះហិកតា អាចប្រមូលផល និងស្រួលលក់លើទីផ្សារ
- សៀមរាប
ខេត្តសៀមរាប ៖ បើតាមការរៀបរាប់ពីលោក ឆាន់ ឈុំ អាយុ៥៨ឆ្នាំ រស់នៅភូមិ បន្ទាយស្រី ឃុំបន្ទាយស្រី ស្រុកបន្ទាយស្រី…
ខេត្តសៀមរាប ៖ បើតាមការរៀបរាប់ពីលោក ឆាន់ ឈុំ អាយុ៥៨ឆ្នាំ រស់នៅភូមិ បន្ទាយស្រី ឃុំបន្ទាយស្រី ស្រុកបន្ទាយស្រី ខេត្តសៀមរាប បានរៀបរាប់ប្រាប់ភ្នាក់ងារកោះសន្តិភាព នៅកន្លែងដាំដំណាំ កាលពីរសៀលថ្ងៃទី ១១ ខែ មីនា ឆ្នាំ២០២៦ ឱ្យដឹងថា ដីដាំដំណាំរបស់គាត់ ដាំជាលក្ខណៈគ្រួសារ មានផ្ទៃដីកន្លះហិកតា ដាំដំណាំចំនួន២ប្រភេទ គឺពោត និងសណ្តែកកួរ ដាំជារៀងរាល់ខែ មិនថាខែប្រាំង ឬខែវស្សាទេ ព្រោះខែប្រាំង គាត់ដាំដំណាំដោយស្រោចទឹកម៉ាស៊ីនបូមទឹកមកពីស្រះ ។
លោកបន្ថែមថា ពោតរបស់គាត់ដាំរហូត ចាប់ផ្តើមដាំពោត ក្នុងរយៈពេល២ខែ ទើបបានបេះ ហើយបេះអស់ ដាំបន្តទៀត ហើយពោតរបស់គាត់ លក់ចេញក្នុង១ផ្លូន តម្លៃ២៨.០០០ ទៅ៣០.០០០រៀលបោះឱ្យម៉ូយ និងនៅសល់ គាត់ផ្ញើទៅឱ្យប្រពន្ធរបស់គាត់ស្ងោរដឹកលក់តាមម៉ូតូ នៅក្នុងខេត្តកំពង់សោម ។
ចំណែកសណ្តែកកួរដាំពូជ ដែលទុកពីមុន យកមកបណ្តុះរយៈពេល១ខែកន្លះ ទើបបានប្រមូលផល ២ ខែ ទើបបេះបានជាង៥០០គីឡូ ហើយលក់បោះដុំឱ្យម៉ូយនៅផ្សារ ផ្លូវហាយវេ ក្នុង១គីឡូ ក្រាម តម្លៃ ២.០០០ ទៅ៣.០០០ រៀល កាលពីឆ្នាំមុន តម្លៃក្នុង១គីឡូ ២.៥០០ ទៅ៤.០០០ រៀល ៕
ចែករំលែកព័តមាននេះ