លែងពិបាករាវមីនហើយ ! ស្គាល់សមត្ថភាពម៉ាស៊ីនរាវមីនទំនើបជំនាន់ថ្មីអាចស្កែនមើលរូបភាពមីនក្នុងដីច្បាស់
រាជធានីភ្នំពេញ ៖ លោក ហេង រតនា បានប្រកាសឱ្យដឹងថា អង្គភាព CMAC បានទទួលម៉ាស៊ីនរាវមីនទំនើបជំនាន់ថ្មីប្រភេទ Advanced…
រាជធានីភ្នំពេញ ៖ លោក ហេង រតនា បានប្រកាសឱ្យដឹងថា អង្គភាព CMAC បានទទួលម៉ាស៊ីនរាវមីនទំនើបជំនាន់ថ្មីប្រភេទ Advanced Landmine Imaging System (ALIS) ចំនួន ៣០គ្រឿង ដែលមានតម្លៃសរុបប្រមាណជាង១,៣ លានដុល្លារអាមេរិក ។
ជាក់ស្តែងលោក ហេង រតនា អគ្គនាយកស៊ីម៉ាក បានប្រកាសនា យប់ថ្ងៃទី១១ ខែមីនានេះថា ៖ នៅថ្ងៃទី១១ ខែមីនា ឆ្នាំ២០២៦នេះនៅទីបញ្ជាការ CMAC ភ្នំពេញ បានទទួលម៉ាស៊ីនរាវមីនទំនើបជំនាន់ថ្មីប្រភេទ Advanced Land¬mine Ima¬ging Sys¬tem (ALIS) mine detect¬ors ចំនួន៣០គ្រឿង ដែលគិតជាថវិកា មានចំនួនប្រមាណជាង១លាន៣សែនដុល្លារអាមេរិក ជាជំនួយរបស់រដ្ឋាភិបាលជប៉ុនផ្តល់ជូនរាជរដ្ឋាភិបាល ដើម្បីគាំទ្រសកម្មភាពអង្គភាព CMAC បានអនុម័ត តាំងពីដើមឆ្នាំ២០២៥ និងបានដំណើរការដេញថ្លៃទិញ ដែលសម្ភារបច្ចេកទេសខ្លះ ត្រូវចំណាយពេលវេលាប្រមាណពី១-២ឆ្នាំទើបអាចទទួលបាន ។
សូមបញ្ជាក់ថា ម៉ាស៊ីនរាវមីនប្រភេទ ALIS នេះត្រូវបានស្រាវជ្រាវនិងអភិវឌ្ឍន៍បច្ចេកទេស រួមបញ្ចូលគ្នារវាងប្រពន្ធ័ស្រូបសារធាតុដែក និងប្រព័ន្ធរ៉ាដាកំណត់ចំណុចរូបភាព (a metal detector and Ground Penetrating Radar, GPR) ដោយសហការរវាងអង្គភាព CMAC និងសកលវិទ្យាល័យ TOHOKU ជប៉ុនដឹកនាំដោយលោកសាស្ត្រាចារ្យ Prof. Motoyuki Sato ដែលចាប់ផ្តើមតាំងពីឆ្នាំ២០០៥-០៦ ពោលមានរយ:ពេលជាង២០ឆ្នាំ ទើបសម្រេចបានជោគជ័យដ៏ថ្លៃថ្លាមួយនេះ ។
ម៉ាស៊ីនរាវមីននេះ ប្រៀបដូចឧបករណ៍ស្គែនមើលរូបភាព ក្រោមដីដែលមានប្រយោជន៍បង្កើនសុវត្ថិភាព និងល្បឿននៃការបោសសម្អាតគ្រាប់មីន និងសំណល់យុទ្ធភណ្ឌសង្គ្រាមកាន់តែមានប្រសិទ្ធភាពថែមទៀត ៕
ចែករំលែកព័តមាននេះ